Yêrêmi 13:26 - Nau Brah Ndu Ngơi 2023

²⁶ Gâp mra plơk đŏng nah bŭt may tât ta măt, Gay mpơl nau bêk prêng may.

Yêrêmi 13:26 Iomraidhean Croise

Êsai 47:3

Nau rhôk may mra mpơl, Bu mra saơ nau may bêk. Gâp mra har plơng bôk, Gâp mâu mra ăn klen du huê ôh.

Yêrêmi 13:22

Tơlah may ôp êng tâm nuih n'hâm: “Mâm ƀư lĕ nau kan aơ tât ăn ma gâp?” Nây jêng yor nau tih mhĭk may toyh ngăn Bu plơk nah bŭt may Săk jăn may geh dong bŭr.

Yêrêmi 49:10

Ƀiălah Gâp hŏ doh lơi rhôk Y-Êsau, Mpơl lĕ jêh đơ ntŭk ndâp păng gŭ krap, Păng mâu dơi krap ôh. Kon sau, oh nâu, phung chiau meng păng bu ƀư rai da dê, Păng nơm mâu mra hôm đŏng ôh.

Nau Nhĭm Vơl 1:8

Ƀon Yêrusalem ƀư tih jâk jêr, Yor nây, lĕ jêng ƀơ̆ ƀơch jêh; Lĕ rngôch phung tă yơk ma păng aƀaơ ri gơm mưch ma păng, Yorlah khân păng saơ nau rhôk păng. Păng nơm vah vơl êng Jêh ri plơ̆ pôn muh măt.

Êsêkiêl 16:37

yor nây, aơ, Gâp mra rgum lĕ rngôch phung tĭr ay, đah phung nây ay geh nau maak, lĕ rngôch phung ay rŏng tâm ban ma lĕ rngôch phung ay tâm rmot. Gâp mra rgum khân păng tă bơh ăp ntŭk gay ma tâm rdâng đah ay, jêh ri Gâp mra mpơl nau ay rhôk ma khân păng ăn lĕ rngôch khân păng saơ.

Êsêkiêl 23:29

Khân păng mra ƀư ma ay ma nau tâm rmot jêh ri sŏk pit play n'hâm suan ay pah kan. Khân păng mra ăn ay gŭ rhôk, săk hưl jêh ri nau ka n'hong, nau ay văng tĭr bu mra mpơl lĕ.

Ndrom Samƀŭt bơh Ôsê 2:10

Rnôk nây Gâp mra tâm mpơl nau bêk prêng păng Tanăp măt phung rŏng păng, Jêh ri mâu geh bunuyh dơi tâm rklaih păng bơh ti Gâp.

Ndrom Samƀŭt bơh Ôsê 2:12

Gâp mra ƀư rai lĕ tơm krăk ƀâu jêh ri tơm rvi păng, Jêng lĕ tơm si păng tâm mpơl pô aơ: ‘Aơ jêng prăk nkhôm Phung rŏng ăn jêh ma gâp.’ Gâp mra njêng khân păng jêng bri rngol Ăn lĕ mpô mpa bri sa rvăn păng.

Nahum 3:5

Brah Yêhôva ma phung tahan lah: “Aơ, Gâp tâm rdâng đah ay; Gâp mra rhơl nah bŭt ay nkŭm tât muh măt ay, Mpơl nau rhôk may ăn ma lĕ mpôl băl bunuyh Jêh ri ma lĕ ƀon bri hađăch saơ nau bêk prêng ay.