Yêrêmi 13:25 - Nau Brah Ndu Ngơi 2023

²⁵ Brah Yêhôva lah: “Nây jêng mrô nal may, Jêng kô̆ Gâp prăp ăn may, Yorlah may hŏ chuêl Gâp Jêh ri rnơm nsing ma nau mƀruh nchơt.

Yêrêmi 13:25 Iomraidhean Croise

Ndrom Samƀŭt bơh Yôp 20:29

Nây jêng kô̆ Brah Ndu prăp ma bunuyh ƀai, Jêng drăp ndơn Brah Ndu tâm nal ma păng.”

Nau Mprơ Ơm 11:6

Păng mra nkhŭt dak mih nau mhĭk tât ta klơ phung ƀai: Ŭnh hit, lŭ mô ŭnh jêh ri sial duh Mra jêng kachok prăp êng ma khân păng.

Nau Mprơ Ơm 9:17

Phung mhĭk mra hăn lăp ta ƀon phung khĭt, Lĕ rngôch phung ƀon lan chuêl Brah Ndu tâm ban pônây lĕ.

Êsai 17:4

“Tâm nar nây, nau chrêk rmah Yakôb mra n'hŭch, Săk jăn lay mra jêng rgay.

Êsai 28:15

Yorlah khân may lah jêh: “Hên hŏ ƀư jêh nau tâm rnglăp đah nau khĭt, Hên geh du nau tâm rnglăp đah ƀon phung khĭt Lah nau tât geh ƀư rai rmeh ler rgăn Mâu mra tât ma hên ôh. Yorlah hên sŏk jêh nau mƀruh jêng ntŭk hên nsing, Sŏk nau ndơm jêng ntŭk hên du krap.”

Êsai 34:17

Brah Ndu yơh hŏ ƀư nau tâm nchroh ma bu, Ti Păng dŏng rse veh tâm pă kô̆ ma khân păng. Lĕ mpô mpa bri aơ mra pit sŏk neh nây n'ho ro, Jêh ri gŭ ta nây ntơm bơh rnôk aơ tât rnôk ri.

Êsai 65:7

Nau tih khân may tâm ban ma nau tih phung chô yau khân may.” Brah Yêhôva lah pônây; “Yorlah khân păng hŏ su ndơ ƀâu kah ta klơ lĕ yôk, Jêh ri suai rak Gâp ta klơ lĕ dor yôk, Rĭ dĭng Gâp mra veh nau kan khân păng nôk kăl e Jêh ri plơng bôk tĭng nâm kan khân păng ƀư jêh.”

Yêrêmi 10:14

Ăp nơm jêng rluk da dê kƀah nau gĭt rbăng; Phung chiăr prăk prêng ma rup brah păng; Yorlah lĕ rup tŏ knŏng jêng nchơt dơm, Mâu geh n'hâm nsôr ôh tâm trôm nây.

Yêrêmi 18:15

Ƀiălah phung ƀon lan Gâp hŏ chuêl jêh Gâp, Su ndơ ƀâu kah ăn ma phung brah, Jêng brah ƀư ăn ma khân păng chêh prah ta trong hăn, Tâm lĕ trong hăn bơh kăl e, Gay ma khân păng hăn tâm lĕ trong Mâu hŏ dơi ƀư ôh.

Yêrêmi 2:13

“Phung ƀon lan Gâp hŏ tih bar ntil nau mhĭk: Khân păng hŏ chalơi Gâp, Jêng tu dak rêh; Kuyh êng ntu dak, Ntu dak lĕ đang, Mâu hôm prăp dak.

Yêrêmi 2:32

Geh đŏng bu ur druh chuêl ndơ păng nkrơ̆, Mâu lah geh đŏng bu ur chuêl nsoh ao ueh ta nar tâm nđăp păng nơm? Ƀiălah ƀon lan Gâp chuêl Gâp Bơh jŏ nar mâu dơi kơp ôh.

Yêrêmi 3:21

Geh bâr lŭng nter dơi tăng bơh lĕ dor hil, Nây jêng bâr phung kon Israel nhĭm nhhiăng vơl dăn, Yorlah khân păng hŏ hăn vĭ nhhơt trong, Hŏ chuêl Yêhôva Brah Ndu khân păng.

Êsêkiêl 23:35

Yor nây, Kôranh Brah Yêhôva lah: ‘Yorlah ay lĕ chuêl Gâp jêh, chalơi Gâp pakơi ay, yor nây ay dơn nau tât geh yor nau ƀơ̆ nau ka n'hong ay!’”

Mika 3:11

Phung kôranh phat dôih yor drăp bu blŏl, Phung kôranh ƀư brah ntĭm nti yor rnoh bu nkhôm, Bi phung nơm mbơh lor ngơi mbơh lor yor nkhôm ma prăk; Jêh nây khân păng nsing ma Brah Yêhôva ngơi pô aơ: “Mâu ƀơh di Brah Yêhôva dôl gŭ ta nklang he? Nau mhĭk mâu ôh mra tât ma he!”

Sôphôni 3:2

Păng mâu tông ôh bâr bu, Mâu dơn nau nkra ntĭm; Mâu rnơm nsing ma Brah Yêhôva, Mâu hăn dăch ôh Brah Ndu păng.

Mathay 24:51

tâm rmal păng âk ngăn, jêh ri ăn ma păng dơn nsum mrô nal ndrel ma phung geh nuih n'hâm nklă gŭ ta ntŭk mra geh nau nhĭm nhhiăng jêh ri nau rket sêk.”

Samƀŭt Pôl Njuăl Ăn Ma Phung Nsing Ta Ƀon Rôm 1:25

yorlah khân păng tâm rgâl nau ngăn Brah Ndu gay ma sŏk nau mƀruh; khân păng yơk mbah jêh ri pah kan ma ndơ njêng ntrok ma Nơm Rhăk Njêng, jêng Nơm khư tâm rnê n'ho ro! Amen.