Yêrêmi 13:21 - Nau Brah Ndu Ngơi 2023

²¹ Moh nau may lah dôl phung bunuyh may ntĭm nti Jêh ri ƀư mĭt jiăng đah may Dơi ndâk hao chiă uănh may? May mâu saơ hĕ nau ji kruăt rêt Nâm bu ur ji ngăn dôl deh kon hĕ?

Yêrêmi 13:21 Iomraidhean Croise

II Phung Hađăch 16:7

Y-Ahas đă phung mbơh hăn tât gay lah đah hađăch Asiri jêng Y-Tiglat-Pilêser: “Gâp jêng oh mon may jêh ri kon may. Dăn ma may văch tâm rklaih gâp bơh ti hađăch Aram jêh ri hađăch Israel yorlah khân păng rduh lơh đah gâp.”

Êsai 10:3

Moh nau khân may mra ƀư tơlah tât nar tâm rmal, Lah nau ƀư rai tât ma khân may bơh ngai? Ntŭk êp khân may mra du gay ma geh nau kơl? Ta ntŭk khân may mra prăp nau ndrŏng khân may?

Êsai 13:8

Khân păng mra râm nsâr. Nau ji ktang jêh ri nau rngot mra tât ma khân păng; Khân păng mra ji tâm ban ma nau ji rngot klâng bu ur dôl deh kon. Khân păng mra tâm uănh ndrăng khân păng nơm ma nau klach, Muh măt khân păng chăng tâm ban ma ŭnh!

Êsai 21:3

Yor nây, bŭt gâp ji ngăn, Nau ji kruăn rêt nhŭp gâp Tâm ban ma nau ji kruăn rêt du huê bu ur me dôl deh kon. Nau ji gâp anh ƀư ăn ma gâp mâu dơi tăng ôh, Nau klach krit ƀư ma gâp mâu dơi saơ!

Yêrêmi 2:25

Njrăng hom jâng may mâu hăn jâng dơm, Trô ko may mâu geh ji hir! Ƀiălah may lah: ‘Mâu khlay ôh! Gâp hŏ ŭch rŏng phung brah bu năch Jêh ri mra tĭng khân păng.’

Yêrêmi 22:23

May jêng nơm gŭ ta nklang bri Liban Gŭ đăp mpăn tâm lĕ ngih toyh ma tơm si sêdar, Dôl nau ji tât ta may, may mra rđêng nđor, Ji kruăt nâm bu du huê bu ur dôl deh kon!”

Yêrêmi 30:6

Ôp sek hom ri jêh ri sek uănh, Du huê bu klâu dơi deh lĕ? Mâm ƀư Gâp saơ ăp nơm bu klâu Muh măt jêng nglang pal Bar đah ti ut ndŭl nâm bu du huê bu ur ji deh?

Yêrêmi 38:22

‘Aơ, lĕ rngôch phung bu ur hôm tâm ngih hađăch Yuđa bu mra veng leo ăn ma phung kôranh hađăch Babilôn; khân păng mra lah ma hađăch pô aơ: Phung mĭt jiăng may nsing Hŏ ndơm jêh may jêh ri dơi lơn đah may; Aƀaơ, lah jâng may hŏ rhuh jru jêh tâm bŏk, Pôri khân păng der ngai đah may.’

Yêrêmi 4:30

Bi may, hơi nơm rai yot, mâm may mra ƀư? Nđâp tơlah may nsoh ao chăng, văn ndơ nkrơ̆ đah mah, Sŏk dak ôch mhĭng măt may ăn huy, Nkrơ̆ ăn ueh, ăt mâu geh nau khlay ôh. Lĕ bunuyh rŏng may ăt mưch may, Joi nau ŭch nkhĭt may.

Yêrêmi 4:31

Yorlah gâp tăng bâr lŭng nter nâm bu bâr bu ur ntơm ji deh, Bâr rđêng nâm bu bâr du huê bu ur deh kon dak bôk. Nây jêng bâr kon bu ur Siôn nsôr nthôk nthơk Jêh ri laih ti vơl nhĭm: “Rêh ni ăn gâp! Gâp khĭt huăr tanăp măt phung nkhĭt bunuyh!”

Yêrêmi 48:41

Bu ƀư rai ƀon toyh Kêriôt, Bu pit in lĕ rngôch pôih; Tâm nar nây, nuih n'hâm phung tahan bri Môap Nâm bu nuih n'hâm bu ur bê̆ch veng deh.

Yêrêmi 5:31

Lĕ phung nơm mbơh lor mƀruh, Jêh ri lĕ kôranh ƀư brah chiă uănh tĭng nau ƀĭt gai phung nơm mbơh lor nây, Pônây phung ƀon lan Gâp ŭch rŏng! Ƀiălah tât dăch dŭt, moh khân may mra ƀư?”

Yêrêmi 6:24

Tăng lư nau nây, Ti jâng hên hươi ra ai ngăn, Nau klach krit rêt nâp phung hên, Ƀư ma hên ji kruăn rêt nâm bu ur ji deh.

Êsêkiêl 28:9

Tanăp phung nkhĭt may, May dơi janh lah pô aơ lĕ “gâp jêng brah”? Dôl may gŭ tâm ti phung ƀư rmanh may Pôri may jêng bunuyh đŏng mâu di hĕ jêng brah.

Mathay 24:8

Lĕ rngôch nau nây knŏng jêng nau ntơm dôl ji deh kon.

I Têsalônik 5:3

Lah bu lah: “Đăp mpăn jêh ri gŭ đăp rmên” pô ri nau ƀư rai tât ndal, nâm bu nau ji deh ma bu ur ntreo, khân păng mâu dơi klaih ôh.