Yêrêmi 13:17 - Nau Brah Ndu Ngơi 2023

¹⁷ Ƀiălah tơlah lĕ bunuyh mâu iăt ôh Huêng gâp mra nhĭm ăn ma nau sưr lĕ bunuyh. Gâp mra nhĭm rngot ngăn, hoch truh dak măt, Yorlah phung biăp Brah Yêhôva bu nhŭp rdu.

Yêrêmi 13:17 Iomraidhean Croise

Nau Mprơ Ơm 119:136

Dak măt gâp hoch nâm bu dak n'hor, Yorlah bu mâu tông prăp ôh ma nau vay May.

Nau Mprơ Ơm 80:1

Ơ Nơm mât njrăng biăp Israel, dăn rkêng tôr iăt! May jêng Nơm njŭn leo Yôsep nâm bu du phung biăp, Ơ Nơm gŭ ta klơ phung Chêrubim, dăn May sol ang.

Êsai 63:11

Nôk nây, phung ƀon lan Păng kah gĭt Ma Y-Môis rnôk kăl e jêh ri ôp: “Mbah ntŭk Nơm hŏ njŭn leo rmăk biăp Jêh ri phung biăp luh hao bơh dak mƀŭt? Mbah ntŭk Nơm dơm jêh Brah Huêng Ueh Păng Ta nklang khân păng?”

Yêrêmi 14:17

May ngơi hom ma khân păng nau aơ: ‘Ăn ma măt gâp hoch dak nar măng mâu dơi rlu; Yorlah bu ur druh ƀon lan gâp bu lơh mâu hôm klen, Sôt rmanh jru glăm ngăn.

Yêrêmi 15:17

Gâp mâu gŭ nsum mâu lah pâl rlưn Ndrel ma bunuyh pâl ngơi pâl; Gâp gŭ êng du huê yor ti May tŭn jâk ta gâp, Yorlah May hŏ ƀư nau ji nuih bêng ta klơ gâp.

Yêrêmi 17:16

Bi ma gâp, gâp mâu gơnh chalơi ôh nau pah kan rmăk biăp ƀiălah tĭng May yơh. May gĭt, gâp mâu kâp gân ôh nau mhĭk tât. Nau ngơi luh ta bơh bâr mbung gâp Gŭ tanăp măt May da dê.

Yêrêmi 22:5

Ƀiălah tơlah khân may mâu ŭch rkêng tôr iăt ôh nau aơ, Brah Yêhôva lah, Gâp ton nchŏng ma săk Gâp nơm pô aơ ngih hađăch aơ mra jêng rngot njăp.’

Yêrêmi 23:1

Brah Yêhôva lah: “Rêh ni ngăn ma phung rmăk biăp ƀư rai jêh ri ƀư nchah rai pru pra biăp tâm ndrêch gơ̆ Gâp!

Yêrêmi 23:2

Yor nây, aơ jêng nau Yêhôva Brah Ndu phung Israel prăp ăn ma phung rmăk biăp chiă uănh phung ƀon lan Gâp: ‘Khân may hŏ ƀư nchah rai pru pra jêh biăp Gâp, mprơh du jêh ri mâu njrăng ma khân păng. Aơ, Gâp mra rkêng tôr iăt tâm rdâng đah khân may yor nau mhĭk khân may ƀư jêh,’ Brah Yêhôva lah pônây.

Yêrêmi 9:1

Ơ! Ŭch ma bôk gâp jêng dak n'hor, Măt gâp jêng tu dak măt, Gâp mra nhĭm ndăng nar măng Ăn phung bunuyh bu nkhĭt kon bu ur ƀon lan gâp!

Nau Nhĭm Vơl 1:16

Yor nây gâp nhĭm nhhiăng; Gâp hor âk dak măt; Yorlah nơm bonh leng gâp ngai jêh ma gâp, Mâu geh nơm n'hao nuih gâp ôh. Phung kon gâp gŭ êng, Yorlah phung rlăng hŏ dơi jêh.”

Nau Nhĭm Vơl 1:2

Păng nhĭm dôl măng bêng ma nau rngot, Dak măt hoch tât ta trôm bom. Ta nklang lĕ rngôch phung rŏng ma păng rnôk kăl e, Mâu geh ôh nơm bonh leng păng. Phung mĭt jiăng tâm rdâng ma păng, Jêng phung tâm rlăng.

Nau Nhĭm Vơl 1:9

Nau ƀơ̆ ƀơch păng krêp tâm nah bŭt păng; Păng mâu mĭn ôh ma nar kăndơ̆; Păng lĕ tŭp jêng mha ngăn Mâu geh nơm bonh leng păng ôh! “Ơ Brah Yêhôva, uănh hom ma nau rêh ni gâp, Yorlah phung rlăng hŏ yơk n'hao êng păng nơm!”

Nau Nhĭm Vơl 2:18

Nuih n'hâm phung ƀon lan may hŏ kuăl dăn ma Kôranh Brah, Hơi lĕ rngôch mpêr ƀon Siôn, Ăn hom dak măt may Hoch nar măng nâm bu n'hong dak krong! Lơi may rlu ôh, Mâu lĕ ăn măt may gŭ nsrŭng!

Nau Nhĭm Vơl 3:48

Dak măt gâp hoch jêng dak n'hor Yorlah bu ur ƀon lan gâp lĕ rai yot jêh.

Êsêkiêl 24:16

“Hơi kon bunuyh, ma nau tât ndal, Gâp mra sŏk lơi tă bơh may nau măt may ŭch kơnh ƀiălah mâu dơi lŭng nter ôh, mâu dơi nhhiăng nhĭm jêh ri mâu dơi hor dak măt ôh.

Êsêkiêl 34:31

Khân may jêng biăp Gâp, jêng phung biăp tâm ndrêch gơ̆ Gâp; khân may jêng kon bunuyh jêh ri Gâp jêng Brah Ndu khân may’, Kôranh Brah Yêhôva lah pônây.”

Êsêkiêl 36:38

Lĕ rngôch ƀon rlâm rai mra âk phung bunuyh nâm bu phung biăp nhhơr ƀư ndơ ƀư brah, nâm bu phung biăp gŭ ta ƀon Yêrusalem tâm lĕ năng rƀŭn toyh. Jêh ri khân păng mra gĭt Gâp jêng Brah Yêhôva.’”

Êsêkiêl 9:4

jêh ri lah: “Hăn hom rgăn lam ƀon, jêng ƀon Yêrusalem, jêh ri nchih nau mbên ta ndăr kleng phung bunuyh vơl nter, nhĭm nhhiăng ma lĕ rngôch nau mhĭk hŏ ƀư tih jêh nklang ƀon aơ.”

Malachi 2:2

Tơlah khân may mâu iăt ôh, jêh ri mâu mĭn ôh nhhơr nau chrêk ma lơp ma amoh Gâp pôri Gâp mra rak rtăp khân may, jêh ri mra rgâl nau ueh uĭn khân may jêng nau rak rtăp. Ngăn ro, Gâp hŏ rak rtăp jêh, yorlah khân may mâu mĭn ôh nau yơk ma Gâp.” Brah Yêhôva ma phung tahan lah kơt nây.

I Samuel 15:11

“Gâp lĕ nhhuach jêh njêng ăn ma Y-Sôl jêng hađăch, yorlah păng ndôn kơi tă bơh Gâp, mâu ƀư tĭng nâm nau Gâp ntăm.” Y-Samuel rngot ngăn, jêh ri păng vơl dăn ma Brah Yêhôva du măng kŏ ang.

I Samuel 15:35

Bơh nĕ kŏ tât nar Y-Samuel khĭt, păng mâu hôm tâm mâp đah Y-Sôl. Ƀiălah, Y-Samuel rngot ngăn yor Y-Sôl. Bi Brah Yêhôva nhhuach yorlah hŏ njêng jêh Y-Sôl jêng hađăch ma phung Israel.