Yêrêmi 13:16 - Nau Brah Ndu Ngơi 2023

¹⁶ Nhhơr hom nau chrêk lơp ăn Yêhôva Brah Ndu khân may Êlor ma Păng ƀư nau ngo klĕng jŭr nkŭm, Êlor ma jâng khân may chêh prah Ta klơ lĕ yôk nôk nsrŭp măng; Lĕ khân may ŭch kâp nau ang Ƀiălah Păng rgâl jêng gui nau khĭt, Plơ̆ jêng gui nau ngo mbâl.

Yêrêmi 13:16 Iomraidhean Croise

Ndrom Samƀŭt bơh Yôp 3:5

Ŭch ma nar nây nkŭm tâm nau ngo klĕng jêh ri gui nau khĭt, Tŭk krăk nkŭm ta păng Jêh ri măng lĭng ƀư ma păng klach krit!

Nau Mprơ Ơm 107:10

Geh phung gŭ tâm nau ngo klĕng jêh ri tâm gui nau khĭt, Phung bu krŭng geh nau rêh ni tâm rse rvăk loih.

Nau Mprơ Ơm 107:14

Păng njŭn leo khân păng bơh ntŭk nau ngo klĕng jêh ri gui nau khĭt, Ƀư tăch rse rvăk kât ma khân păng.

Nau Mprơ Ơm 29:2

Yơk mbah Brah Yêhôva ma nau chrêk rmah khư ma amoh Păng; Nkrơ̆ hom ma nau kloh ueh gay ma yơk mbah Brah Yêhôva.

Nau Mprơ Ơm 44:19

Nđâp lah pônây, May jot hăch jêh hên tâm ntŭk phung so bri, Nkŭm hên ma n'hâm nau khĭt.

Nau Ngluh Êjipt 10:21

Brah Yêhôva lah ma Y-Môis: “Yơr hom ti may leo klơ trôk gay nau ngo nkŭm lam bri Êjipt, geh ntil nau ngo nâm bu dơi pah bi.”

Nau Hôr 4:19

Bi ma trong phung djơh mhĭk bêng ma nau ngo klĕng; Khân păng mâu gĭt ôh păng nơm chêh prah moh yor!

Nơm Nti 11:8

Tơlah du huê bunuyh dơi rêh jŏ năm, Maak dơn hom lĕ rngôch ăp năm nây. Ƀiălah ăn kah gĭt hom pô aơ du bông nar ngo klĕng mra hôm jong; Jêh ri lĕ nau geh tât jêng dơm dam da dê.

Êsai 5:30

Tâm nar nây, mra geh nau ngrông tâm rdâng đah phung nây, Tâm ban ma nteh rbuh dak mƀŭt djhut djhut; Tơlah mbu nơm uănh lăp tâm n'gor knŏng saơ nau ngo klĕng jêh ri nau mhĭk, Ndâr tŭk nkŭm lơi nau ang ƀư ma nau ngo klĕng.

Êsai 59:10

Hên rvơ njŏ tĭng mpir tâm ban ma bunuyh chieh măt, Rvơ tâm ban ma phung mâu geh măt ôh; Nklang bôk nar ƀiălah chêh jâng tâm ban ma ngo nsrŭp măng; Ta nklang phung geh nau dăng ktang ƀiălah hên jêng tâm ban ma phung khĭt.

Êsai 59:9

Yor nây nau sŏng gŭ ngai đah hên, Nau sŏng srăng mâu dơi ban hên ôh. Hên kâp gân nau ang, ƀiălah knŏng saơ nau ngo, Hên kâp gân nau ral ang ƀiălah hên nhuat hăn tâm nau ngo.

Êsai 60:2

Aơ, nau ngo nkŭm neh ntu, Nau ngo mbâl nkŭm phung ƀon lan; Ƀiălah Brah Yêhôva sol ang ta klơ may, Nau chrêk rmah Păng mpơl ta klơ may.

Êsai 8:22

jêh nây khân păng kŭnh uănh ta neh ntu, ƀiălah knŏng saơ nau rêh ni jêh ri nau ngo, nau rngot klâng; bu mra nklơ̆ khân păng tâm nau ngo mbâl.

Yêrêmi 14:19

“May hŏ chalơi ngăn jêh phung Yuđa hĕ? Di lĕ nuih n'hâm May dôl tâm rmot ma phung Siôn lĕ? Mâm ƀư may dong hên, Mâu ƀư bah ôh ma hên? Hên kâp gân ma nau đăp mpăn, ƀiălah mâu saơ nau ueh tât ôh; Ŭch kâp yan ƀư bah, knŏng saơ nau klach krit.

Yêrêmi 2:6

Khân păng mâu prot ôp: ‘Ta ntŭk Brah Yêhôva? Nây jêng Nơm hŏ djôt leo he luh bơh Êjipt, Njŭn leo he găn bri rdah, Găn n'gor rngol bêng ma ntu brŏng, Tâm neh kro đang jêh ri rđŭng nau khĭt, Ntŭk mâu geh bunuyh găn tât, Jêh ri mâu geh bunuyh nănh gŭ.’

Yêrêmi 23:12

Yor nây trong khân păng Mra jêng nâm bu trong mbĭr prah tâm nau ngo, Bu mra mprơh khân păng lăp jêh ri chêh prah ta nây. Yorlah tât năm tâm rmal, Gâp mra ăn nau ji tưp ma khân păng,” Brah Yêhôva lah pônây.

Yêrêmi 4:23

Gâp uănh rplay neh, ri, mâu geh rup jêh ri hŏng dơm; Gâp uănh lĕ ndâr trôk ƀiălah mâu geh nau ang.

Yêrêmi 50:6

Phung ƀon lan Gâp lĕ jêng phung biăp nhhơt trong jêh; phung rmăk biăp ƀư ma khân păng hăn nhhơt trong gay ma khân păng gŭ êng ta klơ lĕ yôk, nsong blêng lĕ yôk tât dor, chuêl ndrung n'gar khân păng nơm.

Yêrêmi 6:21

Yor ri, Brah Yêhôva lah: “Aơ, Gâp mra dơm ndơ king tanăp phung ƀon lan nây Ƀư ăn khân păng chêh prah; Lĕ rngôch mê̆ mbơ̆ jêh ri phung kon, Phung chiau meng jêh ri mĭt jiăng khĭt roh da dê.”

Yêrêmi 8:15

He gŭ kâp nau đăp mpăn, Ƀiălah mâu saơ nau ueh ngăn tât ôh; Ŭch kâp năng ƀư bah, Knŏng saơ nau krit klach.

Nau Nhĭm Vơl 4:17

Măt hên huơi ngăn, Dơm dam gŭ kâp nau kơl tâm rklaih! Tă bơh pôih gak, hên gŭ kâp Du mpôl băl mâu dơi tâm rklaih hên.

Êsêkiêl 21:15

Păng mplanh gay ma sreh nkhĭt; păng chrêk ral nâm bu lơp nglaih. He dơi maak răm lĕ? Mâng jra kon bu klâu Gâp tâm rmot đah lĕ rngôch mâng jra êng.

Êsêkiêl 34:12

Nâm bu du huê rmăk biăp tĭng joi phung biăp păng tâm nar păng gŭ ta nklang phung biăp păng lĕ nchah rai nhhơt, Gâp ăt joi biăp Gâp nâm bu pônây lĕ. Gâp mra tâm rklaih khân păng luh du bơh lĕ rngôch ntŭk khân păng bơh lĕ rngôch ntŭk khân păng hŏ nchah rai nhhơt tâm nar tŭk mbâl ngo klĕng.

Êsêkiêl 36:15

Gâp mâu mra hôm ăn khân may tăng nau lĕ bri dak ƀư prêng đŏng ôh; may mâu mra hôm dơn ôh nau phung ƀon lan ntêh rmot jêh ri mâu mra ƀư chêh prah đŏng ôh ma phung ƀon lan, Kôranh Brah Yêhôva lah pônây.”

Yôel 2:2

Nây jêng du nar ngo kleng chuê chuăng, Du nar tŭk krăk mbâl ngăn! Yorlah geh du phung mpôl bunuyh âk ngăn jêh ri ktang văch tât Luh nchrat lam jŭm yôk nâm bu ang ơm ôi; Ntơm bơh kăl e nau kơt nây mâu hŏ mâp geh, Jêh ri lĕ rngôch rnôk kăndơ̆ ăt mâu mra geh tâm ban pônây đŏng ôh.

Amôt 4:13

N'hêl nanê̆ Păng hŏ njêng jêh yôk jêh ri rhăk njêng sial; Păng yơh mpơl nau bunuyh mĭn tâm nuih n'hâm. Păng rgâl luh nar luh jêng ngo Jêh ri hăn tâm lĕ ntŭk prêh ta neh ntu. Amoh Păng jêng Yêhôva Brah Ndu ma phung tahan.

Amôt 5:18

“Rêh ni ngăn ma khân may jêng phung kâp gân nar Brah Yêhôva! Ndơ jan khân may kâp gân ma nar Brah Yêhôva? Nây jêng nar nau ngo klĕng, mâu di nar nau ang ôh.

Malachi 2:2

Tơlah khân may mâu iăt ôh, jêh ri mâu mĭn ôh nhhơr nau chrêk ma lơp ma amoh Gâp pôri Gâp mra rak rtăp khân may, jêh ri mra rgâl nau ueh uĭn khân may jêng nau rak rtăp. Ngăn ro, Gâp hŏ rak rtăp jêh, yorlah khân may mâu mĭn ôh nau yơk ma Gâp.” Brah Yêhôva ma phung tahan lah kơt nây.

Yôhan 12:35

Brah Yêsu lah: “Nau ang hôm gŭ ndrel khân may ƀât lât dơm. Hăn hom dôl khân may hôm geh nau ang, klach nau ngo ƀât lât nkŭm khân may. Mbu nơm hăn tâm nau ngo păng mâu gĭt ôh mbah ntŭk păng hăn.

Yôsuê 7:19

Y-Yôsuê lah ma Y-Akan “Aơ kon, tâm rnê hom ma Yêhôva Brah Ndu Israel jêh ri tâm rnê ma Păng. Mbơh ngăn hom ma gâp nau may ƀư jêh, lơi mo du ntil ndơ ôh.”

I Pêtrôs 2:8

jêh ri jêng “Lŭ ƀư chêh jâng, Lŭ toyh ƀư chêh prah bu;” Khân păng chêh prah yorlah mâu tông prăp ma nau chroh, tâm ban ma tâm nal jêh ma khân păng.

I Samuel 6:5

Pôri, khân may ƀư hom rup tŭl ko, jêh ri phung rup kon đe ƀư rai n'gor khân may, jêh ri tâm rnê hom ma Brah Ndu Israel. Klăp lah Păng mra rhuăt ti Păng tă bơh khân may, tă bơh phung brah khân may, jêh ri tă bơh bri khân may.