Yêrêmi 13:11 - Nau Brah Ndu Ngơi 2023

¹¹ Brah Yêhôva lah tay: “Yorlah, nâm bu rse rêt nâp mâm ta bŭt bu, pôri yơh Gâp ăt rêt nâp lĕ rngôch ngih Israel jêh ri lĕ rngôch ngih Yuđa đah Gâp kơt nây lĕ, gay ma khân păng ƀư du phung ƀon lan, du amoh, du nau tâm rnê, du nau chrêk rmah ăn ma Gâp; Ƀiălah khân păng mâu ŭch iăt ôh.

Yêrêmi 13:11 Iomraidhean Croise

Nau Mprơ Ơm 135:4

Yorlah Brah Yêhôva hŏ săch jêh Yakôb ma Păng nơm, Sŏk phung Israel jêng drăp ndơn êng ma Păng.

Nau Mprơ Ơm 147:20

Păng mâu ƀư pônây ôh ma bri dak êng; Khân păng mâu gĭt rbăng ôh nau vay Păng ƀư. Halêluya!

Nau Mprơ Ơm 81:11

Ƀiălah phung ƀon lan Gâp mâu iăt bâr Gâp, Phung Israel mâu tông bâr Gâp ôh.

Êsai 43:21

Gâp hŏ njêng phung ƀon lan aơ ma Gâp, Khân păng mra mprơ nau tâm rnê ma Gâp.

Êsai 62:12

Bu mra rnha khân may jêng “phung ƀon lan kloh ueh”, Jêng “phung ƀon lan Brah Yêhôva tâm chuai jêh”; Bi may bu mra rnha may jêng “ƀon bu mra joi”. Jêng lah “ƀon toyh bu mâu hôm chalơi ôh”.

Yêrêmi 13:1

Brah Yêhôva lah ma gâp pô aơ: “May hăn rvăt hom ma may du mlâm rse vân bŭt ma bok mhay jêh ri vân ta bŭt, ƀiălah lơi ta trăm tâm dak.”

Yêrêmi 13:10

Phung ƀon lan mhĭk aơ mâu ŭch iăt ôh nau Gâp, sŏl ko ƀư tĭng nau mĭn nuih n'hâm khân păng nơm, nchuăt tĭng ndô̆ phung brah êng ŭch pah kan jêh ri yơk mbah. Khân păng mra jêng mâu hôm dŏng nâm bu rse vân bŭt aơ.”

Yêrêmi 13:12

May ngơi hom ma khân păng nau aơ: Yêhôva Brah Ndu Israel lah: ‘Lĕ rngôch yăng mra bêng ma ndrănh.’ Khân păng mra lah ma may: ‘Di lĕ hên mâu gĭt ăp yăng mra bêng ma ndrănh hĕ?’

Yêrêmi 19:15

“Brah Yêhôva ma phung tahan, Brah Ndu phung Israel lah, lah: ‘Aơ, Gâp dăch ăn ma ƀon aơ jêh ri lĕ ƀon gŭ dăch ma lĕ rngôch nau mhĭk tât Gâp hŏ mbơh lor jêh, yorlah khân păng dăng bôk dăng trô ko mâu ŭch iăt ôh nau Gâp.’”

Yêrêmi 32:20

May hŏ ƀư jêh tâm mpơl nau mbên khlay ir ar tâm n'gor bri Êjipt, jêh ri n'ho tât ma nar aơ May hôm e ƀư tay tâm bri Israel tâm ban ma lĕ rngôch ntŭk êng; May hŏ ƀư ăn amoh May geh nau lư n'găr jêh nâm bu nar aơ.

Yêrêmi 33:9

Ƀon toyh aơ mra njŭn leo tay ăn ma Gâp geh amoh răm maak, nau tâm rnê jêh ri du nau chrêk lơp tanăp măt lĕ rngôch phung mpôl băl bunuyh ta neh ntu. Lah tăng lĕ rngôch nau ueh Gâp ƀư ăn ma khân păng, lĕ ntil mpôl bunuyh mra rklaih da dê jêh ri râm nsâr tanăp lĕ nau ueh jêh ri nau đăp mpăn Gâp mra ăn ma khân păng.’

Yêrêmi 6:17

Gâp hŏ ndâk bunuyh gak njrăng khân may; ‘Rkêng hom tôr iăt bâr nŭng!’ Ƀiălah khân păng lah: ‘Phung hên mâu rkêng tôr iăt ôh!’

Yêrêmi 7:13

Brah Yêhôva lah: ‘Aƀaơ ri, yorlah khân may hŏ ƀư jêh lĕ nau nây, Gâp vay ngơi ƀaƀơ lah ma khân may ƀiălah khân may mâu iăt ôh; Gâp hŏ kuăl khân may khân may mâu plơ̆ sĭt lah.

Yêrêmi 7:23

Ƀiălah aơ jêng nau ntăm Gâp hŏ mbơh ăn khân păng: ‘Iăt hom nau Gâp pôri Gâp mra ƀư Brah Ndu khân may jêh ri khân may mra ƀư phung ƀon lan Gâp. Nhuat tĭng hom lĕ trong Gâp nti, ma khân may, gay khân may geh nau ueh maak.’

Yêrêmi 7:24

Ƀiălah khân păng mâu iăt, mâu srâng iăt; sŏl ko chuat hăn tĭng lĕ nau mĭn êng khân păng nơm, tĭng tâm nau nuih n'hâm djơh mhĭk jêh ri dăng ko păng nơm; khân păng plơ̆ sĭt pakơi mâu hăn ôh rlet panăp.

Yêrêmi 7:26

Ƀiălah khân păng mâu ŭch iăt Gâp, mâu ŭch lĕ srâng iăt, lơ hâu dăng bôk dăng ko, gŭ ngao mhĭk lơn ma phung chô yau khân păng.”

Amôt 3:1

Hơi phung kon sau Israel, iăt hom nau aơ, jêng nau Brah Yêhôva ngơi tâm rdâng đah khân may, jêng tâm rdâng đah lĕ ndŭl mpôl Gâp hŏ ngluh jêh bơh n'gor bri Êjipt.

Luka 10:11

‘Nđâp ma neh muy ƀon krêp ta jâng khân may, hên rtuh lơi đŏng gay tâm rdâng đah khân may; ƀiălah, ăn khân may gĭt nau nây: Ƀon bri hađăch Brah Ndu văch dăch ma khân may jêh.’

Nau Vay Nkah Tay 26:18

Nar aơ, Brah Yêhôva mbơh jêh ma khân may jêng du phung ƀon lan prăp ma Păng nơm, tĭng nâm Păng hŏ lah jêh ma khân may, jêh ri khân may mra mât mray lĕ rngôch nau vay Păng ntăm,

Nau Vay Nkah Tay 26:19

Păng ƀư ma khân may dơi geh nau tâm rnê, nau lư n'găr jêh ri nau yơk, rlau lơn lĕ rngôch ntil mpôl băl Păng hŏ rhăk njêng jêh, jêh ri khân may mra jêng du phung ƀon lan kloh ueh prăp ăn ma Yêhôva Brah Ndu khân may, tĭng nâm Păng hŏ lah jêh.”

Nau Vay Nkah Tay 4:7

Yorlah mbu phung ƀon lan toyh geh du brah gŭ dăch khân păng tâm ban ma Yêhôva Brah Ndu gŭ dăch he ăp tơ̆ he kuăl mbơh sơm ma păng?

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.