Yêrêmi 12:9 - Nau Brah Ndu Ngơi 2023

⁹ Di lĕ drăp ndơn Gâp nâm bu sĭm joi mpa Geh phung sĭm joi mpa êng gŭ văr jŭm lĕ? Hăn rgum hom lĕ rngôch mpô mpa bri, Gay khân păng sa rvăn lơi păng!

Yêrêmi 12:9 Iomraidhean Croise

II Phung Hađăch 24:2

Brah Yêhôva ƀư ăn âk phung tahan Kaldê, Aram, Môap jêh ri phung tahan Ammôn văch lơh jêh ri ƀư rai n'gor Yuđa, tĭng nâm nau Brah Yêhôva ngơi lor ma bâr mbung phung nơm mbơh lor jêng phung oh mon Păng.

Êsai 2:11

Muh măt kon bunuyh sưr rlau bu mra n'glưh lơi, Nau sưr rlau kon bunuyh mra chŭn; Tâm nar nây, Knŏng du huê Brah Yêhôva dơm geh nau yơk prêh.

Êsai 2:12

Yorlah Brah Yêhôva ma phung tahan hŏ tâm nal jêh du nar Tâm rdâng đah phung sưr, ma phung rnam, jêh ri ma phung n'hao êng khân păng nơm; Bu mra n'glưh lơi khân păng.

Êsai 56:9

Ơ lĕ rngôch mpô mpa bri, ơ lĕ rngôch mpa tâm krŏng, Lĕ rngôch văch kăp rvăn hom.

Yêrêmi 15:3

Brah Yêhôva lah: “Gâp mra nkhŭt ta klơ khân păng puăn ntil nau mhĭk tât: đao gay ƀư nkhĭt, so gay sa hêk săk jăn, sĭm klơ trôk jêh ri mpô mpa bri ta klơ neh gay sa rvăn jêh ri ƀư rai.

Yêrêmi 2:15

Phung yau mŭr ndăm rah ngrông, Rđuh dŭt huy tâm rdâng đah păng, Ƀư ăn neh păng rgâl jêng rngol; Lĕ rngôch ƀon păng lĕ bu su ma ŭnh, mâu geh bunuyh gŭ.

Yêrêmi 34:20

Gâp mra jao khân păng tâm ti phung rlăng jêh ri phung ŭch ngroh lơi nau rêh khân păng. Săk jăn khĭt khân păng mra ƀư ndơ sa ăn ma sĭm klơ trôk sa jêh ri ma mpô mpa bri ta klơ neh.

Yêrêmi 7:33

Săk jăn khĭt phung ƀon lan aơ mra ƀư mpa sa ăn phung sĭm trôk jêh ri mpô mpa bri klơ neh, jêh ri mâu geh bunuyh mprơh khân păng du.

Nau Nhĭm Vơl 1:17

Ƀon Siôn yơr ti jêh, Ƀiălah mâu ôh geh nơm bonh leng păng; Brah Yêhôva hŏ ƀư jêh ăn ma phung chiau meng Jêng phung rlăng ma Yakôb; Yêrusalem hŏ jêng jêh Du ntil ndơ ƀơ̆ gŭ ta nklang khân păng.

Êsêkiêl 34:5

Yorlah mâu geh bunuyh rmăk leo pôri khân păng nchah rai nhhơt, jêh ri tơlah khân păng lĕ nchah rai nhhơt jêh khân păng jêng mpa sa ma lĕ rngôch mpô mpa bri.

Nau Tâm Mpơl 17:16

Jât mlâm nke may saơ jêh jêh ri mpô mpa dŭt janh mra tâm rmot ma bu ur văng tĭr. Khân păng mra chalơi jêh ri ƀư ma păng gŭ rhôk; khân păng mra sa puăch bu ur văng tĭr jêh ri gŭch păng tâm ŭnh.