Yêrêmi 12:7 - Nau Brah Ndu Ngơi 2023

⁷ Gâp hŏ chalơi ngih Gâp, Chalơi jêh drăp ndơn Gâp; Jao ma phung bunuyh nuih n'hâm Gâp rŏng Tâm ti phung rlăng.

Yêrêmi 12:7 Iomraidhean Croise

II Phung Hađăch 21:14

Gâp mra chalơi kô̆ drăp ndơn Gâp hôm e klen, jao khân păng tâm ti phung rlăng. Khân păng mra jêng ndơ pit in jêh ri jêng ndơ sa ma lĕ rngôch phung rlăng,

Nau Mprơ Ơm 106:40

Yor nây, nau Brah Yêhôva hao ji nuih ma phung ƀon lan Păng, Păng tâm rmot ngăn ma drăp ndơn Păng.

Nau Mprơ Ơm 78:62

Păng jao phung ƀon lan Păng ma đao, Jêh ri ji nuih ma drăp ndơn păng.

Êsai 2:6

Nanê̆, May hŏ dun jêh phung ƀon lan May jêng ngih Yakôb. Yorlah khân păng bêng ma nau rƀên bơh mpeh Luh Nar, Jêh ri ƀư n'hŭm nâm bu phung Philistin, Khân păng lŏ tâm rnglăp đah phung bu năch mâu chroh.

Yêrêmi 11:15

Nơm Gâp rŏng hŏ ƀư nau mhĭk hôm lăp ngih Gâp moh ndơ gay ƀư đŏng? Gĭt lah âk puăch kloh ueh dơi king may klaih bơh nau tât ji tưp jêh ri ƀư ăn may dơi răm maak lĕ?

Yêrêmi 14:19

“May hŏ chalơi ngăn jêh phung Yuđa hĕ? Di lĕ nuih n'hâm May dôl tâm rmot ma phung Siôn lĕ? Mâm ƀư may dong hên, Mâu ƀư bah ôh ma hên? Hên kâp gân ma nau đăp mpăn, ƀiălah mâu saơ nau ueh tât ôh; Ŭch kâp yan ƀư bah, knŏng saơ nau klach krit.

Yêrêmi 17:4

May mra ƀư roh êng Drăp ndơn Gâp ăn jêh. Gâp mra nhŭp may pah kan ma phung rlăng đah may Tâm du n'gor may ê hŏ mâp gĭt; Yorlah may hŏ sŭnh ŭnh hao ji nuih ma Gâp, Pôri păng mra su hit mro mrăng.”

Yêrêmi 22:5

Ƀiălah tơlah khân may mâu ŭch rkêng tôr iăt ôh nau aơ, Brah Yêhôva lah, Gâp ton nchŏng ma săk Gâp nơm pô aơ ngih hađăch aơ mra jêng rngot njăp.’

Yêrêmi 23:33

“Dôl phung ƀon lan aơ, mâu lah du huê nơm mbơh lor, mâu lah du huê kôranh ƀư brah, ôp may pô aơ: ‘Moh ndơ Brah Yêhôva ƀư jâk?’ May plơ̆ lah: ‘May nơm yơh jêng ƀư jâk,’ jêh ri Brah Yêhôva lah: ‘Gâp mra chalơi lĕ khân may.’

Yêrêmi 23:39

Yor nây Gâp mra chuêl khân may jêh ri lơi khân may nđâp ma ƀon Gâp hŏ ăn ma khân may jêh ri phung chô yau khân may ngai bơh măt Gâp.

Yêrêmi 51:5

Phung Israel ndrel ma phung Yuđa bu mâu dun chalơi ôh, Ma yor Brah Ndu jêng Brah Yêhôva ma phung tahan khân păng; Nđâp lah bri dak khân păng bêng ma nau tih mhĭk Yorlah tâm rdâng đah Nơm Kloh Ueh Israel.

Yêrêmi 7:14

Yor nây moh nau Gâp hŏ ƀư ăn ma Silô, Gâp ăt mra ƀư ăn ngih aơ, jêng ngih dơi kuăl ma amoh Gâp, ngih khân may nsing, ntŭk gâp hŏ ăn jêh ma khân may ndrel phung chô yau khân may.

Yêrêmi 7:29

Koh hom sŏk jêh ri klŭp lơi; Ntơm nau nsôr nter hom ta klơ yôk hil; Yorlah Brah Yêhôva hŏ dun jêh ri chalơi jêh rô̆ aơ, Jêng rô̆ srônh nuih Păng.’”

Êsêkiêl 24:21

‘Lah hom ma ngih Israel pô aơ: Kôranh Brah Yêhôva lah: Aơ Gâp mra ƀư ƀơ̆ ntŭk kloh ueh Gâp, jêng ntŭk khân may ƀư sŏk nau khư ma nau ktang khân may, trôm măt khân may ŭch kơnh, nuih n'hâm khân may rŏng. Kon bu ur, kon bu klâu khân may hŏ chalơi jêh mra cha lôt khĭt yor ma đao.

Ndrom Samƀŭt bơh Ôsê 11:1

“Dôl Israel hôm kon se jê̆ Gâp hŏ rŏng jêh păng; Gâp ntơ kon bu klâu Gâp luh tă bơh n'gor bri Êjipt.

Ndrom Samƀŭt bơh Ôsê 9:15

Lĕ rngôch nau djơh mhĭk khân păng gŭ ta ƀon Gilgal da dê; Ta ntŭk nây yơh Gâp tâm rmot ma khân păng. Yor lĕ nau kan djơh mhĭk khân păng Gâp mra mprơh khân păng bơh ngih Gâp; Gâp mâu hôm rŏng ma khân păng đŏng ôh. Lĕ rngôch phung kôranh chiă uănh khân păng jêng phung mâu gŭ răp jăp.

Yôel 2:15

Uh hom nŭng tâm ƀon Siôn, Tâm nal hom nar ât sông sa, Kuăl hom du phung toyh!

Yôel 3:2

pôri Gâp mra rgum tay lĕ rngôch bri dak jêh ri njŭn khân păng jŭr tâm rlŭng Jôsaphat. Ta nây, Gâp mra phat dôih khân păng yor phung ƀon lan Gâp jêh ri drăp ndơn Gâp jêng phung Israel, yorlah khân păng hŏ ƀư du pru pra ta nklang phung mpôl băl bunuyh. Khân păng hŏ tâm pă bri neh Gâp,

Luka 21:24

Bu mra nkhĭt khân păng ma đao bu njŭn khân păng jêng bu nă tâm lĕ rngôch mpôl băl, jêh ri phung bu năch mra jot ƀon Yêrusalem tâm dâng jâng khân păng, tât rnôk phung bu năch mra ƀư lĕ.

Nau Vay Nkah Tay 33:12

Ma phung Benjamin, Y-Môis lah: “Nơm Brah Yêhôva rŏng ngăn ngên, Mra dơi rêh đăp mpăn dăch Păng. Kôranh Brah n'gang khân păng du njăr rêh, Jêh ri gŭ ta nklang dor yôk khân păng.”