Yêrêmi 12:4 - Nau Brah Ndu Ngơi 2023

⁴ Tâm n'gor bri klâng ndrê, Gơ̆ tâm ndrêch klêu kro kŏ tât ndah jŏ? Yorlah ƀon lan djơh mhĭk Yor nây mpô mpa bri jêh ri sĭm och rai yot da dê. Khân păng lah pô aơ: “Păng mâu mra saơ nau tât nglĕ dŭt ma he ôh!”

Yêrêmi 12:4 Iomraidhean Croise

Nau Mprơ Ơm 107:34

Jêh ri neh hon ndơ jêng neh chiăt, Yor nau djơh mhĭk phung gŭ ta nây.

Nau Mprơ Ơm 50:21

Nây jêng nau may hŏ ƀư jêh, bi Gâp gŭ rklăk; May mĭn pô aơ Gâp ăt tâm ban ma may. Ƀiălah Gâp mra nduyh rmal may, Mpơl lĕ nau nây tanăp măt may.

Êsai 24:4

Rplay neh rngot rvê jêh ri rngot njăp, Neh ntu huănh hươi jêh ri jêng rngot njăp; Phung bunuyh bu yơk dŭt prêh ta klơ neh mra huănh hươi.

Êsai 24:6

Yor nây, nau rak rtăp sa rvăn neh, Phung ƀon lan klơ păng krêp nau tih. Yor nây phung gŭ tâm neh ŭnh sa, Knŏng hôm klen djê̆ bunuyh.

Yêrêmi 12:11

Khân păng hŏ ƀư ăn ma neh nây jêng rngol, rai lĕ; Păng vah vơl ma Gâp. Lĕ rngôch n'gor jêng rngol da dê, Ƀiălah mâu geh bunuyh mĭn tât ôh.

Yêrêmi 14:2

“N'gor Yuđa gŭ tâm nau klâng ndrê, Mpông ƀon lĕ rai; Phung ƀon lan nhĭm vơl da dê ăn ma ntŭk nây, Jêh ri tăng bâr ƀon Yêrusalem kuăl.

Yêrêmi 23:10

Bri dak bêng ma phung văng tĭr; Geh nau rak rtăp rĭ dĭng bri dak geh nau rngot rvê, Lĕ rngôch ndrêch gơ̆ tâm bri rdah kro da dê jêh. Trong khân păng hăn jêng nau kue, Nau dơi khân păng djôt jêng nau mâu di.

Yêrêmi 4:25

Gâp uănh jŭm, mâu geh du huê bunuyh, Lĕ rngôch sĭm klơ trôk du ƀhiau.

Yêrêmi 4:28

Yor nây, măt neh mra nhĭm vơl, Trôk mra ngo klĕng; Yor Gâp hŏ lah, lĕ dăp nal jêh, Pôri nau ŭch mâu rgâl, nau ngơi mâu plơ̆ ôh.”

Yêrêmi 5:13

Lĕ phung mbơh lor knŏng nâm bu sail khôm, Nau Kôranh Brah mâu gŭ tâm khân păng ôh; Moh nau khân păng ngơi mra tât ăn ma khân păng dơm.”

Yêrêmi 5:31

Lĕ phung nơm mbơh lor mƀruh, Jêh ri lĕ kôranh ƀư brah chiă uănh tĭng nau ƀĭt gai phung nơm mbơh lor nây, Pônây phung ƀon lan Gâp ŭch rŏng! Ƀiălah tât dăch dŭt, moh khân may mra ƀư?”

Yêrêmi 7:20

Yor nây, Kôranh Yêhôva lah: “Aơ, nau ji nuih Gâp, nau ji nuih Gâp, mra nkhŭt jŭr ntŭk aơ, ta klơ bunuyh jêh ri mpô mpa, ta klơ tơm si tâm mir jêh ri kao play neh; nau ji nuih nây mra hit gring gring, mâu dơi buh nhhât ôh.”

Yêrêmi 9:10

Gâp mra nhĭm nhhiăng vah vơl ăn lĕ yôk, Nau mprơ klâng rngot ăn ma ndrêch gơ̆ tâm bri rdah, Yorlah khân păng ŭch sa, mâu du huê bunuyh găn tât, Mâu hôm tăng bâr phung mpô mpa rong; Tă bơh sĭm tâm trôk kŏ tât mpa bri, Lĕ rngôch du roh da dê.

Yêrêmi 9:9

Brah Yêhôva lah: “Gâp mâu mra tâm rmal khân păng ma lĕ nau tih nây hĕ? Mâm Gâp mâu har plơng Ma du ndŭl mpôl dơi tâm ban pônây?”

Ndrom Samƀŭt bơh Ôsê 4:3

Yor nây, bri dak mra klâng ndrê; Lĕ rngôch bunuyh huănh huơi da dê, Nđâp ma mpô mpa bri jêh ri sĭm klơ trôk tâm ban lĕ; Lĕ phung ka tâm dak mƀŭt ăt mâu hôm.

Yôel 1:18

Ri, mpô mpa nter nhhiăng hâu ngăn ngên! Phung ndrôk rmlơ uh ah ngăn! Yorlah khân păng mâu geh ndrêch gơ̆ sa đŏng ôh. Lĕ rngôch phung biăp rêh ni tâm ban lĕ.

Amôt 1:2

Păng lah: “Tă bơh yôk Siôn, Brah Yêhôva ngrông nter. Tă bơh Yêrusalem, Păng ƀư bâr ngơi huy ngăn. Lĕ ndrêch gơ̆ phung chiăp biăp mra vơl nđor, N'gơn yôk Karmel mra nhop kro.”

Habakuk 3:17

Nđâp lah tơm play rvi mâu mra chăt nkŭr đŏng ôh, Đang krăk ƀâu rlu luh play, Tơm ôlive mâu đŏng geh play, Mir ba mâu geh ôh luh ndơ sông sa, Phung biăp roh êng tă bơh ndrung, Jêh ri phung ndrôk mâu geh đŏng ôh tâm trôm ndrung,

Sakari 1:12

Nôk nây, tông mpăr bơh Brah Yêhôva lah: “Hơi Brah Yêhôva ma phung tahan, May hŏ ji nuih đah ƀon Yêrusalem jêh ri phung ƀon tâm n'gor Yuđa tâm pơh jât năm aơ jêh. Ndah hôm jŏ nau May mâu mra yô̆ ma khân păng?”

Samƀŭt Pôl Njuăl Ăn Ma Phung Nsing Ta Ƀon Rôm 8:22

Yorlah he gĭt lĕ rngôch ndơ rhăk njêng rđêng da dê jêh ri ji kruăt tât ta nar aơ;