Biblia Todo Logo
Bìoball air-loidhne

- Sanasan -




Yêrêmi 12:3 - Nau Brah Ndu Ngơi 2023

3 Ơ Brah Yêhôva, May gĭt jêh gâp! May saơ gâp, May ôp sek nuih n'hâm gâp ndrel ma May. Dăn nkhah khân păng luh nâm bu nkhah biăp gay djôt tât ntŭk sreh nkhĭt Prăp êng khân păng ma nar sreh nkhĭt.

Faic an caibideil Dèan lethbhreac




Yêrêmi 12:3
23 Iomraidhean Croise  

“Ơ Brah Yêhôva, dăn kah gĭt hom pô aơ gâp hôm chuat hăn tanăp măt May ma nau răp jăp lĕ nuih n'hâm, jêh ri ƀư jêh nau ueh tanăp măt May.” Jêh nây Y-Hêsêkia nhĭm rngot ngăn.


Hơi Brah Ndu gâp! Gâp gĭt jêh Kôranh Brah sek uănh nuih n'hâm bunuyh jêh ri maak ma nau di. Mpeh ma gâp, gâp maak nuih n'hâm nhhơr lĕ ndơ nây nđâp ma nuih n'hâm sŏng. Aƀaơ ri, gâp saơ jêh phung ƀon lan May gŭ ta aơ ma nau răm rhơn nhhơr ma May.


Ƀiălah Kôranh Brah gǐt trong gâp hăn, Tơlah Păng rlong uănh jêh gâp, gâp mra jêng nâm bu mah.


Brah Yêhôva sek uănh phung sŏng srăng nđâp ma phung djơh mhĭk, Jêh ri nuih n'hâm Păng tâm rmot ma phung ŭch ƀư nau janh ktang.


Ơ Brah Ndu! Dăn sek uănh gâp jêh ri gĭt nuih n'hâm gâp; Rlong uănh gâp gay ma gĭt nau mĭn gâp;


Kôranh Brah hŏ sek uănh jêh nuih n'hâm gâp, khâl gâp dôl măng; May rlong uănh gâp ƀiălah joi mâu saơ geh nau ôh; Gâp ntrâng ton trôm mbung gâp mâu mra ƀư tih.


Ơ Brah Yêhôva, koh dŏng hom gâp, Yorlah gâp chuat jêh hăn tâm nau sŏng; Gâp rnơm nsing ma Brah Yêhôva, mâu rdja nuih ôh.


Ơ Brah Ndu sŏng srăng, Jêng nơm sek uănh nuih n'hâm kon bunuyh, Dăn ƀư lôch nau djơh mhĭk phung ƀai Ƀiălah ƀư ăn nâp bunuyh sŏng srăng.


Ơ Brah Yêhôva! May gĭt rah vah; Dăn kah gĭt tât ma gâp jêh ri chop khâl gâp, Dăn har plơng bôk ma phung ƀư mhĭk ma gâp. Dăn nsrôih gay ma lơi ta mƀăr gâp ôh; Dăn gĭt pô aơ gâp yor May dơn nau mhĭk!


Bi ma gâp, gâp mâu gơnh chalơi ôh nau pah kan rmăk biăp ƀiălah tĭng May yơh. May gĭt, gâp mâu kâp gân ôh nau mhĭk tât. Nau ngơi luh ta bơh bâr mbung gâp Gŭ tanăp măt May da dê.


Dăn ƀư ăn ma phung ƀư mhĭk ma gâp mra geh nau bêk prêng, Ƀiălah gâp nơm mâu geh nau prêng ôh; Dăn ƀư ăn ma khân păng rdja nuih, Ƀiălah gâp mâu geh nau rdja nuih ôh! Dăn nkhŭt ta klơ khân păng nar mhĭk tât, Ƀư rai khân păng bar tơ̆!


Ơ Brah Yêhôva ma phung tahan, May jêng Nơm sek uănh bunuyh sŏng srăng, Nơm dơi uănh tâm nuih n'hâm jêh ri tâm nau mĭn. Ăn gâp saơ nau May har plơng bôk ma khân păng, Yorlah gâp hŏ ngơi nkoch jêh kan gâp ma May.


Bu ƀư rai Môap, pit in lĕ rngôch ƀon toyh, Phung bu klâu ndăm blau ueh ngăn lĕ bu nkhĭt,” Hađăch, amoh Păng jêng Brah Yêhôva ma phung tahan, lah pônây.


Nkhĭt hom lĕ rngôch ndrôk nkuăng păng, Djôt leo ma ntŭk bu nkhĭt ƀư puăch. Rêh ni ngăn ma khân păng, yorlah nar ma khân păng hŏ tât jêh, Jêng rnôk bu tâm rmal ma khân păng!


Bu ntâp khĭt khân păng tâm bri phung Kaldê, Phung sôt rmanh âk ngăn ta trong toyh.


Brah Yêsu ôp đŏng ma păng rơh pe: “Y-Simôn kon Y-Yôhan, may rŏng lĕ ma Gâp?” Y-Pêtrôs rngot yor Brah Yêsu ôp păng tât pe tơ̆: “May rŏng lĕ ma Gâp?” Păng ơh pô aơ: “Ơ Kôranh Brah ơi, May gĭt lĕ rngôch ndơ; May gĭt jêh gâp rŏng ma May.” Brah Yêsu lah ma păng: “Mât mray hom phung biăp Gâp.


Khân may gŭ rêh sa kah vah ngi, răm maak tâm neh ntu nây; khân may mât rong lay nuih n'hâm khân may nơm tâm nar sreh nkhĭt;


Ƀiălah, tâm ban phung mpô mpa mâu geh nau gĭt rbăng, gŭ rêh tĭng nau nglay săk ŭch, bu deh ma khân păng prăp ăn ma bu nchron nhŭp jêh ri sreh nkhĭt, phung bunuyh nây ngơi djơh tât lĕ nau khân păng mâu gĭt, bu mra ƀư rai lĕ khân păng tâm ban ma mpô mpa,


Lean sinn:

Sanasan


Sanasan