Yêrêmi 12:16 - Nau Brah Ndu Ngơi 2023

¹⁶ Tơlah khân păng gơih nti trong ƀon lan Gâp, ton tâm amoh Gâp pô aơ: ‘Ngăn yơh Brah Yêhôva gŭ rêh mro mrăng!’ — nâm bu phung khân păng hŏ nti ăn ma ƀon lan Gâp ton tanăp brah Baal — pôri nôk nây khân păng mra dơi nâp ta nklang phung ƀon lan Gâp.

Yêrêmi 12:16 Iomraidhean Croise

Nau Mprơ Ueh 1:8

Aơ bunuyh ueh ray lơn tâm lĕ rngôch bu ur, Tơlah ay mâu gĭt, Pôri hăn tĭng têl phung biăp, Leo phung be kon hăn sa Ta meng vâl bok phung chiăp.

Êsai 2:3

Âk phung ƀon lan mra văch jêh ri lah: “Văch hom, ăn he hăn hao ta yôk Brah Yêhôva, Văch ta ngih Brah Ndu Yakôb. Păng mra sâm nti trong Păng ma he, He mra hăn tâm ăp trong Păng.” Yorlah nau vay mra luh bơh Siôn, Jêh ri nau Brah Yêhôva ngơi luh bơh Yêrusalem.

Êsai 42:6

“Gâp jêng Brah Yêhôva, Gâp hŏ kuăl jêh may tâm nau sŏng srăng, Gâp mra kuăn ta ti may jêh ri mât mray may. Gâp mra ndâk ăn may jêng du nau tâm rnglăp ma phung ƀon lan, Ƀư nau ang ma lĕ bri dak,

Êsai 45:23

Gâp hŏ tâm amoh Gâp nơm ton Nau ngơi sŏng srăng luh jêh bơh bâr mbung Gâp Mâu mra plơ̆ sĭt ôh; Lĕ rngôch kômâk mra chon mon tanăp Gâp, Jêh ri lĕ rngôch mpiăt mra ton săk tâm amoh Gâp.

Êsai 49:6

Păng lah ma gâp pô aơ: “Nau may ƀư oh mon Gâp gay rdâk đŏng phung ndŭl mpôl Yakôb, Jêh ri njŭn phung Israel hôm e plơ̆ sĭt Knŏng jêng nau kan jê̆; Gâp mra ƀư ma may jêng nau ang ma lĕ bri dak, Gay djôt nau gâp tâm rklaih tât ta nglĕ dŭt rplay neh.”

Êsai 65:16

Yor nây, mbu ta klơ neh ntu mbơh sơm nau ueh lăng ma păng nơm Mra sŏk amoh Brah Ndu nanê̆ ngăn ma nau mbơh sơm; Jêh ri mbu ta klơ neh tâm ton Mra sŏk amoh Brah Ndu nanê̆ ngăn ma nau tâm ton. Yorlah nau rêh ni kăl e chuêl jêh, Jêh ri mâu hôm mpơl tanăp măt Gâp.”

Yêrêmi 16:19

Ơ Brah Yêhôva, May jêng n'hâm suan dăng ktang jêh ri pôih nâp ma gâp, Ntŭk nde krap gâp tâm nar rêh ni! Ntơm bơh nglĕ dŭt rplay neh, Lĕ bri dak mra văch ma May jêh ri lah: “Phung chô yau hên knŏng sŏk dơn lĕ brah mƀruh ndơm, Lĕ nau dơm dam, jêh ri mâu dơi geh nau khlay ôh.

Yêrêmi 18:8

ƀiălah tơlah bri dak Gâp tâm nal ma nau tâm rmal nây chalơi nau mhĭk pôri Gâp mra plơ̆ rgâl nau mĭn ƀư nau mhĭk ma khân păng.

Yêrêmi 3:17

Rnôk nây bu mra ntơ Yêrusalem jêng sưng Hađăch Brah Yêhôva. Lĕ rngôch mpôl bunuyh mra tâm rƀŭn tâm amoh Brah Yêhôva ta ƀon Yêrusalem, khân păng mâu mra dăng bôk ôh rêh tĭng nuih n'hâm mhĭk khân păng nơm đŏng.

Yêrêmi 4:2

Tơlah may tâm amoh ‘Brah Yêhôva gŭ rêh mro mrăng’ Sŏk nau ton n'hêl nanê̆, nau di jêh ri nau sŏng srăng, Pôri lĕ rngôch bri dak Păng mra dơi ăn nau ueh uĭn Jêh ri dơi geh nau chrêk rmah tâm Păng.”

Yêrêmi 5:2

Nđâp lah khân păng ngơi: ‘Nanê̆ nâm bu Brah Yêhôva gŭ rêh mro mrăng!’ Khân păng ăt ton mbruh!”

Yêrêmi 5:7

“Mâm ƀư Gâp dơi yô̆ an ma may? Lĕ phung kon bu klâu may hŏ chalơi Gâp, Tâm amoh lĕ brah mâu di jêng brah ton ôh. Gâp hŏ mât khân păng hơm mpay, Khân păng ăt ƀư tih văng tĭr, Rgum mbŭch tâm ngih bu ur văng tir.

Yêrêmi 6:16

Brah Yêhôva lah: “Dâk hom kêng lĕ trong hăn jêh ri kâp uănh, Joi ôp lĕ trong ngai kăl e, Uănh ntŭk jêng trong di lĕ trong sŏng jêh ri hăn trong nây, Joi hom ntŭk rlu ăn ma huêng may. Ƀiălah khân păng plơ̆ lah: ‘Hên mâu ŭch hăn trong nây.’

Sôphôni 1:5

Gâp mra nkhĭt lĕ phung chon mbah ta klơ chor ngih Jêh ri yơk mbah ma tahan tâm trôk, Phung yơk mbah jêh ri sơm ton đah Brah Yêhôva, Jêh nây sơm ton đŏng yor tă hađăch khân păng,

Sakari 1:6

Ƀiălah, lĕ nau Gâp ngơi jêh ri nau vay Gâp ƀư hŏ ntĭm jêh ma phung oh mon Gâp jêng phung nơm mbơh lor, mâu di bơh lĕ nau nây ban jêh ma phung chô yau khân may? Yor rĭ dĭng khân păng rmal nau tih jêh ri lah: ‘Lĕ rngôch nau Brah Yêhôva ma phung tahan hŏ ton mĭn jêh ma hên tĭng trong jêh ri kan pah bơh hên ƀư, pôri Păng hŏ nkra jêh ma hên di kơt nây.’”

Sakari 2:11

Tâm nar nây, âk bri dak mra tâm rnglăp đah Brah Yêhôva, jêh ri mra jêng phung ƀon lan Gâp; Gâp mra gŭ ta nklang khân may.” Nôk nây, khân may mra gĭt Brah Yêhôva ma phung tahan hŏ njuăl jêh gâp hăn văch n'hanh khân may.

Samƀŭt Pôl Njuăl Ăn Ma Phung Nsing Ta Ƀon Rôm 11:17

Ƀiălah tơlah geh n'gĭng ƀaƀă bu koh lơi, jêh ri may ơm jêng du tơm ôlive bri tâm ndop lĭr ta ntŭk lĕ n'gĭng nây gay ma dơi tâm pă dak rêh bơh reh tơm ôlive

Samƀŭt Pôl Njuăl Ăn Ma Phung Nsing Ta Ƀon Rôm 14:11

Yorlah nau nchih: “Kôranh Brah lah: Nanê̆ ngăn Gâp gŭ rêh mro mrăng, lĕ rngôch kômâk mra chon mon tanăp Gâp, Jêh ri lĕ rngôch mpiăt mra tâm rnê ma Brah Ndu.”

I Kôrintô 3:9

Yorlah hên jêng phung bunuyh pah kan ndrel ma Brah Ndu; khân may jêng mir lŏ Brah Ndu, jêng ngih Brah Ndu.

Yôsuê 23:7

Lơi tâm rlŭk ôh đah phung ndŭl mpôl hôm e ta nklang khân may, lơi ta kuăl amoh phung brah khân păng mâu lah sŏk amoh phung brah gay ton săk, jêh ri lơi pah kan mâu lah chon mon mbah panăp phung brah khân păng.

Bu ur Rut 3:13

Gŭ ta aơ măng aơ. Ôi taơ, tơlah păng ŭch chuai tay drăp ndơn hôm e jêng ueh yơh; ăn păng ƀư nau nây. Ƀiălah tơlah păng mâu ŭch ôh chuai tay drăp ndơn, gâp sŏk amoh Brah Yêhôva gŭ rêh mro mrăng gay ton pô aơ, nanê̆ gâp mra chuai tay drăp ndơn ay! Bê̆ch hom ta aơ kŏ tât ôi.”