Yêrêmi 12:14 - Nau Brah Ndu Ngơi 2023

¹⁴ Brah Yêhôva lah: “Bi phung chiau meng mhĭk ngăn ma Gâp, lĕ phung sŏk rvan drăp ndơn Gâp ăn jêh ma phung ƀon lan Israel Gâp sŏk dơn, Gâp mra rôk khân păng bơh neh khân păng, jêh ri rôk ngih Yuđa du luh bơh khân păng.

Yêrêmi 12:14 Iomraidhean Croise

Nau Mprơ Ơm 105:15

“Lơi ta pah tât phung Gâp troch dak ngi, Lơi ƀư djơh ma phung nơm mbơh lor Gâp!”

Nau Mprơ Ơm 106:47

Ơ Yêhôva Brah Ndu hên, dăn sâm rklaih hên, Tâm rƀŭn hên bơh nklang lĕ bri dak, Gay ma hên mra tâm rnê ma amoh kloh ueh May Jêh ri dơi mprơ tâm rnê ma May.

Yêrêmi 2:3

Israel jêng phung ƀon lan prăp êng kloh ueh ăn ma Brah Yêhôva, Jêng play dak bôk bơh kan Păng. Ma mbu nơm sa rvăn phung nây mra geh tih, Nau mhĭk mra nkhŭt tât ta klơ khân păng.’ ” Brah Yêhôva lah pônây.

Yêrêmi 25:9

aơ, Gâp mra prơh hăn lĕ rngôch băl mpôl bunuyh tâm bri mpeh pa lơ jêh ri Y-Nêbukatnetsar, hađăch bri Babilôn, oh mon Gâp, tât tâm rdâng đah bri aơ jêh ri ƀon lan gŭ tâm bri păng, ndrel ma lĕ rngôch bri dak gŭ văr jŭm nây. Gâp mra ƀư rai khân păng, ƀư ăn ma khân păng jêng du ntil ndơ ƀơ̆ bơch, du nau bu gơm mưch, du ntŭk jêng rngot njăp n'ho ro.’ Brah Yêhôva lah pônây.

Yêrêmi 3:18

Tâm nar nây, ngih Yuđa mra hăn ndrel ma ngih Israel, jêh nây khân păng mra nsum ndrel luh bơh neh mpeh pa lơ, plơ̆ sĭt ma n'gor Gâp hŏ ăn ma phung chô yau khân may ƀư drăp ndơn.

Yêrêmi 32:37

‘Aơ, Gâp mra rgum tâm rƀŭn khân păng tă bơh lĕ rngôch bri Gâp hŏ mprơh jêh khân păng tâm nau hao nuih, nuih hâu ngăn jêh ri tâm nau ji nuih Gâp mra njŭn khân păng plơ̆ sĭt ma ntŭk aơ jêh ri ăn ma khân păng gŭ pah kan đăp mpăn.

Yêrêmi 48:1

Brah Yêhôva ma phung tahan, Brah Ndu Israel, lah ma Môap kơt aơ: “Rêh ni ngăn ăn ma ƀon Nêbô, yorlah bu mra ƀư rai jêh! Ƀon Kiriathaim bêk prêng, yorlah bu sŏk pit jêh; Ƀon Misgap bêk prêng ngăn, yorlah bu ƀư rlâm jêh.

Yêrêmi 48:47

Ƀiălah, tât ta nar nglĕ dŭt, Gâp mra ƀư ma ƀon lan Môap plơ̆ jêng ndrŏng tay,” Brah Yêhôva lah pônây. Nau phat dôih ma bri Môap lôch nglĕ aơ dơm.

Yêrêmi 49:1

Brah Yêhôva lah ma phung kon Ammôn kơt aơ: “Di lĕ phung Israel mâu geh kon bu klâu, Mâu hôm geh bunuyh ndơn drăp hĕ? Pônây, mâm ƀư brah Malkôm pit in phung Gat ƀư drăp ndơn, Phung ƀon lan păng gŭ tâm ƀon toyh Gat?”

Yêrêmi 49:7

Brah Yêhôva ma phung tahan lah ma Êđôm kơt aơ: “Ah tâm ƀon Têman mâu hôm geh hĕ nau blau mĭn. Phung blau kơl nkah mâu hôm geh nau gĭt rbăng hĕ? Nau gĭt mĭn khân păng hŏ roh jêh mâu?

Êsêkiêl 28:25

Kôranh Brah Yêhôva lah: “Tơlah Gâp rgum ngih Israel tă bơh nklang phung ƀon lan khân păng hŏ ƀư nchah rai pru pra jêh, Gâp mra mpơl nau kloh ueh Gâp ta nklang khân păng panăp măt lĕ phung ƀon lan. Nôk nây, khân păng mra gŭ tâm bri Gâp hŏ ăn jêh ma oh mon Gâp jêng Y-Yakôb.

Êsêkiêl 28:26

Khân păng mra gŭ đăp mpăn ta ntŭk nây, mra ndâk ngih jêh ri tăm play krăk ƀâu. Khân păng gŭ ta nây đăp mpăn tơlah Gâp hŏ ƀư jêh nau phat dôih Gâp tâm rdâng đah bri dak chiau meng khân păng, jêng phung hŏ ƀư jêh đah khân păng ma nau tâm rmot. Nôk nây, khân păng mra gĭt Gâp yơh jêng Yêhôva Brah Ndu khân păng.”

Êsêkiêl 36:24

Gâp mra sŏk sĭt lơi phung khân may tă bơh ta nklang lĕ phung ƀon lan, rgum tay khân may tă bơh lĕ rngôch bri dak jêh ri leo sĭt tâm bri êng khân may nơm.

Êsêkiêl 36:5

Yor ri, aơ jêng nau Kôranh Brah Yêhôva lah: ‘N'hêl nanê̆ ngăn tâm nau ntôn duh nuih, Gâp mbơh nau tâm rdâng ma phung ƀon lan hôm e klen bơh lĕ bri dak jêh ri ma lĕ rngôch phung Êđôm, jêng phung bêng ma nuih n'hâm răm maak jêh ri mưch rmot ngăn, mĭn sŏk bri Gâp ƀư drăp ndơn ăn ma khân păng nơm gay ma khân păng sŏk pit in ndrêch gơ̆.’

Êsêkiêl 37:21

jêh ri lah ma khân păng pô aơ Kôranh Brah Yêhôva lah: ‘Aơ, Gâp mra njŭn leo kon sau phung Israel tă bơh lĕ rngôch bri dak khân păng hŏ hăn tât jêh. Gâp mra rgum tay khân păng tă bơh puăn njônh jêh ri njŭn khân păng sĭt tâm bri êng ma khân păng nơm.

Ndrom Samƀŭt bơh Ôsê 1:11

Phung ƀon lan Yuđa jêh ri phung ƀon lan Israel mra tâm rgum tay jêh ri săch ăn ma khân păng du huê kôranh chiă uănh ndrel; khân păng mra du luh tă bơh n'gor bri aơ, yorlah nar toyh ngăn ma Jesrêel.”

Sakari 1:15

Ƀiălah Gâp nuih ngăn phung mpôl bunuyh dôl gŭ đăp mpăn; yorlah Gâp knŏng ji nuih djê̆ dơm ma phung ƀon lan Gâp, ƀiălah khân păng hŏ ƀư ntop đŏng nau rêh ni.’

Sakari 2:8

Lôch jêh mpơl nau chrêk ma lơp, Păng đă gâp hăn tât ma lĕ bri dak hŏ pit in jêh ndơ khân may. Yorlah Brah Yêhôva ma phung tahan lah pô aơ mbu nơm pah tât ta khân may nâm bu ntĭt pah tât ta găr măt Păng.

Nau Vay Nkah Tay 28:63

Brah Yêhôva hŏ geh nau maak jêh dôl ƀư ăn khân may chăt hao jêh ri ăn bĭk rơ̆ ngăn, pôri Păng mra geh nau maak đŏng dôl ƀư ma khân may roh rai jêh ri nau rai lôch kơt nây. Bu mra nsot lơi khân may bơh n'gor khân may bơi lăp gay pit sŏk.

Nau Vay Nkah Tay 30:3

pôri Yêhôva Brah Ndu mra rklaih khân may luh bơh nau ƀư dĭk, mra yô̆ nđach ma khân may jêh ri mra rgum khân may sĭt bơh lĕ rngôch ntŭk phung ƀon lan Yêhôva Brah Ndu hŏ ƀư chah rai jêh khân may.