Yêrêmi 12:11 - Nau Brah Ndu Ngơi 2023

¹¹ Khân păng hŏ ƀư ăn ma neh nây jêng rngol, rai lĕ; Păng vah vơl ma Gâp. Lĕ rngôch n'gor jêng rngol da dê, Ƀiălah mâu geh bunuyh mĭn tât ôh.

Yêrêmi 12:11 Iomraidhean Croise

Nơm Nti 7:2

Hăn tât ngih ndrê klâng Ueh lơn tât ma ngih nhêt sa, Yorlah nau nây jêng ntŭk nglĕ dŭt ma lĕ rngôch bunuyh, Jêh ri bunuyh rêh ăn nuih n'hâm klâng rvê.

Êsai 42:25

Yor nây, Kôranh Brah hŏ nkhŭt jêh nau ji nuih hâu ngăn Jêh ri nau tâm lơh ktang ngăn ta klơ păng; Ŭnh sa văr jŭm jêh păng, ƀiălah khân păng mâu gĭt rbăng ôh, Ŭnh sa jêh păng ƀiălah păng mâu mĭn rvê ôh.

Êsai 57:1

Nơm sŏng srăng khĭt, Bu mâu klâng rvê; Bu nhŭp lơi bunuyh ueh, Ƀiălah mâu geh nơm gĭt rbăng pô aơ: Yor ma nau mhĭk dăch tât, Dĭng bu nhŭp rdu lơi nơm sŏng srăng;

Yêrêmi 10:22

Aơ, geh nau lư mpăr tât, Du nau n'găr ktang bơh neh mpeh pa lơ, Ƀư ăn lĕ ƀon Yuđa luh jêng rngot njăp, Jêng trôm so bri.

Yêrêmi 10:25

Dăn May nkhŭt nau ji nuih ta klơ lĕ bri dak mâu gĭt năl May, Jêh ri ta klơ lĕ ndŭl mpôl mâu kuăl amoh May. Yorlah khân păng hŏ rvăn Y-Yakôb, Jêh ri hôm rvăn đŏng; Khân păng ƀư rai lĕ Y-Yakôb, Ƀư ăn ntŭk gŭ păng jêng rngot njăp.

Yêrêmi 14:2

“N'gor Yuđa gŭ tâm nau klâng ndrê, Mpông ƀon lĕ rai; Phung ƀon lan nhĭm vơl da dê ăn ma ntŭk nây, Jêh ri tăng bâr ƀon Yêrusalem kuăl.

Yêrêmi 19:8

Gâp mra njêng ƀon aơ ma nau rai, ƀư nau gơm ma neh ntu; bunuyh prot rgăn hih rhâl da dê jêh ri gơm mưch yorlah lĕ rngôch nau sôt rmanh păng.

Yêrêmi 23:10

Bri dak bêng ma phung văng tĭr; Geh nau rak rtăp rĭ dĭng bri dak geh nau rngot rvê, Lĕ rngôch ndrêch gơ̆ tâm bri rdah kro da dê jêh. Trong khân păng hăn jêng nau kue, Nau dơi khân păng djôt jêng nau mâu di.

Yêrêmi 25:11

Lĕ rngôch bri aơ mra jêng du ntŭk rngot njăp, ƀơ̆ ƀơch, lĕ rngôch phung mpôl băl aơ mra pah kan ma hađăch bri Babilôn tâm pơh jât năm.’

Yêrêmi 4:20

Nau ji tưp lơ hâu nau ji tưp, Lam n'gor rai ƀhiau. Vâl bok gâp ƀât lât bu ƀư rai lĕ, Bok nchăng sat lĕ tâm ƀât lât.

Yêrêmi 4:27

Brah Yêhôva lah: “Lam neh mra rngol, Ƀiălah Gâp mâu ƀư rai tât lôch ôh.

Yêrêmi 4:28

Yor nây, măt neh mra nhĭm vơl, Trôk mra ngo klĕng; Yor Gâp hŏ lah, lĕ dăp nal jêh, Pôri nau ŭch mâu rgâl, nau ngơi mâu plơ̆ ôh.”

Yêrêmi 6:8

Hơi Yêrusalem, iăt hom nau ntăm, Lah mâu Gâp mra dĭl chalơi may, Ƀư ăn may jêng rngot njăp, Neh may mâu hôm bunuyh gŭ.”

Yêrêmi 9:10

Gâp mra nhĭm nhhiăng vah vơl ăn lĕ yôk, Nau mprơ klâng rngot ăn ma ndrêch gơ̆ tâm bri rdah, Yorlah khân păng ŭch sa, mâu du huê bunuyh găn tât, Mâu hôm tăng bâr phung mpô mpa rong; Tă bơh sĭm tâm trôk kŏ tât mpa bri, Lĕ rngôch du roh da dê.

Yêrêmi 9:11

“Gâp mra ƀư ƀon Yêrusalem jêng mbŭch bun ndơ rai jêh, Jêng trôm so bri; Jêh ri ƀư ăn lĕ ƀon Yuđa jêng rngot njăp, Mâu geh bunuyh gŭ ôh.”

Yêrêmi 9:9

Brah Yêhôva lah: “Gâp mâu mra tâm rmal khân păng ma lĕ nau tih nây hĕ? Mâm Gâp mâu har plơng Ma du ndŭl mpôl dơi tâm ban pônây?”

Yôel 1:10

Mir ba lĕ rai jêh, Bri neh klâng rngot, yorlah ba ƀlê rai jêh; Ndrănh mhe hŏ suăt jêh, dak ngi ăt mâu hôm geh lĕ.

Kan Lêvi 26:32

Gâp mra ƀư rai lơi n'gor khân may kŏ tât phung rlăng đah khân may gŭ ta nây mra hih rhâl.

Sakari 7:5

“Nkoch hom ma lĕ rngôch phung ƀon lan tâm n'gor jêh ri phung kôranh ƀư brah pô aơ: ‘Khân may ât sông sa jêh ri nhĭm vơl tâm khay prăm jêh ri khay pơh hŏ pơh jât năm aơ jêh, di lĕ yor ma Gâp ngăn, khân may ât sông sa nây?

Malachi 2:2

Tơlah khân may mâu iăt ôh, jêh ri mâu mĭn ôh nhhơr nau chrêk ma lơp ma amoh Gâp pôri Gâp mra rak rtăp khân may, jêh ri mra rgâl nau ueh uĭn khân may jêng nau rak rtăp. Ngăn ro, Gâp hŏ rak rtăp jêh, yorlah khân may mâu mĭn ôh nau yơk ma Gâp.” Brah Yêhôva ma phung tahan lah kơt nây.

Samƀŭt Pôl Njuăl Ăn Ma Phung Nsing Ta Ƀon Rôm 8:22

Yorlah he gĭt lĕ rngôch ndơ rhăk njêng rđêng da dê jêh ri ji kruăt tât ta nar aơ;