Yêrêmi 12:1 - Nau Brah Ndu Ngơi 2023

¹ Ơ Brah Yêhôva, May sŏng srăng mro Ăp tơ̆ gâp ngơi tâm rlăch nchră đah May; Nđâp pônây, gâp dăn ôp May ma nau phat dôih. Mâm ƀư trong phung ƀai geh nau ndrŏng ktang mro? Mâm ƀư phung gŭ rêh ndơm geh nau mpăn rlêk?

Yêrêmi 12:1 Iomraidhean Croise

Nau Ntơm 18:25

May mâu ôh ƀư kơt nây! Mâu lah May ƀư rai phung sŏng ndrel ma phung djơh mhĭk, uănh phung sŏng srăng tâm ban ma phung djơh mhĭk ƀơh? Mâu ôh Kôranh Brah mâu ƀư kơt nây! Nơm phat dôih lĕ rngôch neh ntu mâm mâu ƀư ma nau di?”

Êsra 9:15

Hơi Yêhôva Brah Ndu phung Israel, Kôranh Brah jêng sŏng srăng! Hên jêng phung hôm e klen djê̆, tâm ban hŏ saơ nar aơ. Aơ hên gŭ tanăp măt Kôranh Brah, bêng ma nau tih, nđâp lah mâu geh du huê nuyh ôh dơi gŭ tanăp măt May tâm nau tâm ban pônây.”

Nêhêmi 9:33

Tâm lĕ nau hŏ tât jêh ma hên, Kôranh Brah ăt sŏng srăng; yorlah Kôranh Brah ƀư nau di ngăn, Bi hên ƀư jêh ma nau djơh mhĭk.

Ndrom Samƀŭt bơh Yôp 12:6

Vâl bok phung ntŭng geh nau đăp mpăn, Phung nsônh nau Brah Ndu ji nuih, Jêh ri phung ƀư sưr n'hao êng nơm dơi gŭ rêh mpăn rlêk.

Ndrom Samƀŭt bơh Yôp 13:3

Ƀiălah gâp ŭch mbơh ngơi đah Nơm Geh Lĕ Nau Brah, Jêh ri ŭch ma tâm rlăch đah Brah Ndu.

Ndrom Samƀŭt bơh Yôp 24:12

Bơh nklang ƀon phung dăch khĭt gŭ vơl nđor, Phung sôt rmanh kuăl gay geh nau kơl; Ƀiălah Brah Ndu mâu uănh nau nây jêng nau tih phung ƀai.

Ndrom Samƀŭt bơh Yôp 24:23

Brah Ndu ăn khân păng rêh ueh mpăn, nâp, Ƀiălah măt Păng tĭng rmiăng tâm lĕ trong khân păng.

Ndrom Samƀŭt bơh Yôp 8:17

Reh păng ƀăr jŭm mbŭch lŭ Sŏr jru tâm nklang nđa lŭ.

Nau Mprơ Ơm 116:5

Brah Yêhôva vay ƀư ueh jêh ri jêng sŏng srăng; Brah Ndu he geh nuih n'hâm yô̆ nđach.

Nau Mprơ Ơm 119:137

Ơ Brah Yêhôva, May jêng sŏng srăng, Nau phat dôih May jêng nau sŏng.

Nau Mprơ Ơm 119:75

Ơ Brah Yêhôva, gâp gĭt nau May phat dôih jêng sŏng srăng Jêh ri ma nau răp jăp May ăn jêh gâp rêh ni.

Nau Mprơ Ơm 145:17

Brah Yêhôva jêng sŏng srăng tâm lĕ trong Păng, Jêh ri bêng nau ueh tâm lĕ kan Păng.

Nau Mprơ Ơm 37:1

Lơi ta rngot may nơm yor phung ƀai ôh, Mâu dơi keh nach lĕ phung ƀư nau mhĭk.

Nau Mprơ Ơm 37:35

Gâp mâp saơ phung mhĭk geh nau ktang toyh, Jêng toyh tâm ban ma tơm si jŏ năm ndrêh ueh.

Nau Mprơ Ơm 51:4

Gâp hŏ ƀư tih jêh đah May, knŏng đah du huê May dơm Jêh ri ƀư nau mhĭk tâm dâng măt May. Gay ma May tâm mpơl nau sŏng srăng tơlah May ngơi Jêh ri nau kloh ueh tơlah May phat dôih.

Nau Mprơ Ơm 51:6

Aơ, May ŭch nau nanê̆ ngăn tâm nuih n'hâm; May mra nti gâp ma nau blau mĭn ta ntŭk jru ndâp tâm nuih n'hâm gâp.

Nau Mprơ Ơm 92:7

Nđâp tơlah phung ƀai hon nâm bu gơ̆. Jêh ri phung mhĭk geh nau ndrŏng, Khân păng bu mra ƀư rai n'ho ro.

Nau Hôr 1:32

Yor ma nau tâm rdâng bơh phung rluk mra nkhĭt khân păng, Jêh ri nau ueh mpăn bơh phung rluk mra ƀư rai khân păng.

Nơm Nti 8:14

Hôm geh du ntil nau dơm dam aơ đŏng tât geh ta klơ neh: Geh âk phung sŏng srăng geh nau tât nâm bu nau tât ma phung djơh mhĭk; geh đŏng âk phung mhĭk dơi mâp nau ueh nâm bu khân păng hŏ ƀư nau sŏng srăng. Gâp ngơi pô aơ nau aơ ăt jêng nau dơm dam.

Êsai 41:21

Brah Yêhôva lah: “Tâm mpơl hom nau khân may tâm phong dôih;” Hađăch phung Yakôb lah: “Tâm mpơl hom lĕ nau di khân may.”

Êsai 48:8

May mâu mâp tăng ôh, mâu lĕ mâu mâp gĭt, Bơh kăl e, tôr may mâu mâp pơk ôh. Yorlah Gâp gĭt jêh may mơng tâm rdâng, Di ngăn bu kuăl khân may jêng phung tâm rdâng bơh ndŭl me.

Yêrêmi 11:20

Ơ Brah Yêhôva ma phung tahan! May phat dôih ma nau sŏng, sek uănh nuih n'hâm jêh ri nau mĭn, Dăn ăn ma gâp saơ nau plơng bôk Kôranh Brah ăn ma khân păng, Yorlah gâp mbơh jêh kan gâp ma May.

Yêrêmi 12:6

Phung oh nâu may nơm jêh ri ngih mbơ̆ may Ăt rdâng đah may, Khân păng lŭng nter pakơi may. Nđâp lah khân păng ngơi ueh đah may, May lơi ta rnơm ôh ma khân păng.

Yêrêmi 3:20

Ƀiălah hơi ngih phung Israel, Mâm du huê bu ur mâu răp jăp chalơi sai păng. Pôri khân may ăt mâu răp jăp đah Gâp pônây lĕ.’ ” Brah Yêhôva lah pônây.

Yêrêmi 3:7

Gâp mĭn pô aơ lah jêh ƀư lĕ nau kan nây păng mra plơ̆ sĭt ma Gâp, ƀiălah păng mâu plơ̆ sĭt ôh. Oh bu ur mâu răp jăp păng jêng Yuđa hŏ saơ jêh nau nây.

Yêrêmi 32:16

Lôch jao samƀŭt rvăt nây ăn ma Y-Baruk, kon bu klâu Y-Nêria, gâp mbơh sơm ma Brah Yêhôva pô aơ:

Yêrêmi 5:11

Yorlah lĕ ngih phung Israel jêh ri Yuđa Hŏ mbơh ngơi tâm rdâng đah Gâp da dê.” Brah Yêhôva lah pônây.

Yêrêmi 9:2

Ơ! ndă lah gâp geh du ntŭk njưh Tâm bri rdah, Gay gâp chalơi phung ƀon lan gâp Du ngai bơh khân păng. Yorlah khân păng jêng phung văng tĭr da dê, Jêng mpôl ndơm.

Nau Nhĭm Vơl 1:18

“Brah Yêhôva jêng Nơm sŏng srăng, Yorlah gâp hŏ tâm rdâng jêh đah nau păng ntĭnh. Iăt hom, hơi lĕ rngôch phung ƀon lan, Uănh hom ma nau rêh ni gâp! Phung bu klâu ndăm, bu ur druh gâp Lĕ hăn ƀư bu nă jêh.

Êsêkiêl 18:25

Khân may lah tay pô aơ: ‘Trong Kôranh Brah mâu sŏng ôh.’ Pônây hơi ngih Israel, iăt hom: Trong Gâp mâu sŏng ôh hĕ? Mâu di trong khân may hĕ mâu sŏng ôh?

Daniel 9:14

Yor nây, Brah Yêhôva kâp rơm ndrăp jêh ri nkhŭt nau mhĭk aơ ta klơ hên yor Yêhôva Brah Ndu hên jêng sŏng srăng tâm lĕ kan May pah, knŏng hên mâu ŭch tông ôh bâr May.

Daniel 9:7

Ơ Kôranh Brah, nau sŏng srăng jêng ndơ May bi ma nau bêk jêng ma hên, nâm bu nar aơ, jêng ma phung Yuđa, phung gŭ tâm ƀon Yêrusalem, lĕ rngôch phung Israel, phung gŭ dăch tâm ban lĕ nâm bu phung gŭ ngai, tâm lĕ rngôch bri dak May nsot jêh khân păng văch yor nau djơh mhĭk khân păng hŏ ƀư jêh đah May.

Ndrom Samƀŭt bơh Ôsê 6:7

Ƀiălah nâm bu Y-Ađam, khân păng hŏ ƀư tih jêh đah nau tâm rnglăp; Ta nây, khân păng mâu gŭ răp jăp ôh đah Gâp.

Habakuk 1:4

Yor nây, nau vay mâu hôm chrê ôh, Nau di mâu ŭch ƀư ôh. Phung janh ƀai nchueng bunuyh sŏng srăng, Yor ri nau di geh nau kue.

Sôphôni 3:5

Brah Yêhôva gŭ ta nklang ƀon, jêng Nơm sŏng srăng, Păng mâu prot ƀư nau mhĭk ôh. Ăp ôi, Păng ƀư nau di tâm dâng nau ang, Mâu mâp roh hêng ôh; Ƀiălah bunuyh kue mâu gĭt prêng ôh.

Malachi 2:17

Khân may hŏ rsuak jêh Brah Yêhôva ma nau khân may ngơi, khân may lah đŏng pô aơ: “Ntŭk geh hên ƀư rsuak Păng?” Nây jêng lah khân may ngơi: “Ăp nơm ƀư nau mhĭk jêng ueh tanăp măt Brah Yêhôva, jêh ri Păng ŭch ngăn phung bunuyh pônây.” Mâu lah ôp: “Ta ntŭk gŭ Brah Ndu nau sŏng?”

Malachi 3:15

Aƀaơ, hên kơp phung sưr jêng geh ueh lăng ngăn; phung ƀư nau djơh mhĭk mâu knŏng dơi geh nau chăt hao, ƀiălah khân păng hôm e rlong uănh Brah Ndu, jêh ri hŏ dơi klaih jêh!”

Nau Vay Nkah Tay 32:4

Păng jêng Lŭ Toyh, nau kan Păng jêng rah vah ngăn, Yorlah lĕ rngôch trong Păng jêng nau di. Brah Ndu Nơm răp jăp jêh ri mâu geh nau tih ôh, Nau di jêh ri nau sŏng ƀaƀơ.