Yêrêmi 11:7 - Nau Brah Ndu Ngơi 2023

⁷ Gâp hŏ đă dŭt n'hâm ngăn ma phung chô yau khân may ntơm bơh nar Gâp djôt khân păng du luh bơh n'gor Êjipt kŏ tât nar aơ. Gâp ƀaƀơ đă khân păng: ‘Iăt tĭng hom bâr Gâp!’

Yêrêmi 11:7 Iomraidhean Croise

II Phung Hađăch 17:13

Ƀiălah, Brah Yêhôva hŏ dŏng nơm mbơh lor, nơm geh nau tâm saơ gay mbơh ma phung ma phung Israel jêh ri phung Yuđa pô aơ: “Chalơi hom bơh trong djơh mhĭk khân may! Djôt prăp hom nau vay ntăm jêh ri nau vay bơh Gâp, tĭng nâm lĕ nau vay Gâp ntrŭnh ma phung chô yau khân may, jêh ri lĕ nau Gâp hŏ dŏng oh mon Gâp jêng phung nơm mbơh lor ngơi ma khân may.”

II Nau Rêh Jêng 36:15

Yêhôva Brah Ndu phung chô yau khân păng yorlah geh nau yô̆ ma phung ƀon lan Păng jêh ri ngih brah Păng ri dĭng Păng đă phung mbơh văch ta khân păng ƀaƀơ.

Nau Ngluh Êjipt 15:26

Brah Ndu lah: “Tơlah khân may gŭ iăt nanê̆ bâr Yêhôva Brah Ndu khân may, ƀư nau di tanăp măt Gâp, rkêng tôr iăt lĕ nau vay ntăm jêh ri djôt prăp dĭng lĕ nau vay dăp bơh Gâp, pôri Gâp mâu mra ăn tât ôh ma khân may du ntil nau ji tâm lĕ ntil nau ji Gâp hŏ ƀư jêh ma phung Êjipt. Gâp jêng Brah Yêhôva, Nơm ƀư bah nau ji khân may.”

Yêrêmi 11:4

Gâp hŏ ntăm ăn ma chô yau khân may dôl Gâp djôt khân păng du luh bơh n'gor bri Êjipt, luh bơh năk ŭnh loih nây. Gâp hŏ ntĭnh khân păng: Iăt hom nau Gâp, ƀư tĭng lĕ ntil nau Gâp nti gay ma khân may ƀư phung ƀon lan Gâp, jêh ri Gâp ƀư Brah Ndu ma khân may.

Yêrêmi 25:3

“Hŏ bar jât ma pe năm ntơm bơh năm rơh jât ma pe rô̆ Y-Jôsia, kon bu klâu Y-Amôn, hađăch n'gor Yuđa, tât ma nar aơ, nau Brah Yêhôva hŏ lah ma gâp, jêh ri gâp hŏ ngơi mâu rlu ma khân may, ƀiălah khân may mâu ŭch iăt ôh.

Yêrêmi 25:4

Nđâp lah Brah Yêhôva hŏ ƀaƀơ mprơh phung oh mon Păng hăn, nây jêng phung nơm mbơh lor, tât ma khân may ƀiălah khân may mâu iăt ôh, mâu rkêng tôr iăt.

Yêrêmi 31:32

Nau tâm rnglăp aơ mâu di nâm bu nau tâm rnglăp Gâp ƀư jêh đah phung chô yau khân păng tâm nar Gâp kuăn ti têk njŭn khân păng du luh tă bơh n'gor Êjipt, nau tâm rnglăp khân păng hŏ ƀư rai lơi jêh, nđâp lah Gâp jêng Sai khân păng,” Brah Yêhôva lah pônây.

Yêrêmi 32:23

Khân păng hŏ lăp jêh ri dơn bri aơ ƀư drăp ndơn, ƀiălah khân păng mâu ŭch tông bâr May ôh, mâu rêh tĭng nau vay May, mâu ƀư tĭng ôh du ntil tâm lĕ rngôch nau May ntĭnh. Yor nây, May ăn tât jêh lĕ nau mhĭk aơ ma khân păng.

Yêrêmi 34:14

‘Tât năm tal pơh, ăn ăp nơm tâm lĕ khân may mplơ̆ ăn kon me ma bunuyh Hêbrơ hŏ bu tăch jêh ma may. Pakơi prao năm pah kan, may mra mplơ̆ ăn kon me ma bunuyh nây.’ Ƀiălah phung chô yau khân may mâu iăt ôh nau, mâu lĕ rkêng tôr iăt ma Gâp.

Yêrêmi 35:14

Nau Y-Jêhônadap, kon bu klâu Y-Rêkap, ntĭnh ma phung kon sau păng mâu dơi nhêt ôh ndrănh, khân păng hŏ iăt jêh nau, kŏ tât nar aơ khân păng mâu nhêt ôh ndrănh yorlah hŏ tông jêh nau chô yau khân păng ntăm. Bi Gâp, Gâp lah ƀaƀơ ma khân may ƀiălah khân may mâu iăt ôh nau Gâp.

Yêrêmi 35:15

Gâp ƀaƀơ prơh hăn jêh lĕ rngôch phung oh mon Gâp, jêng phung nơm mbơh lor, hăn tât lah ma khân may: “Ăp nơm tâm khân may mra chalơi trong mhĭk jêh ri tâm rgâl nau khân may ƀư. Lơi ta tĭng ôh gay pah kan ma lĕ brah êng, ri mơ khân may mra gŭ tâm bri Gâp hŏ ăn jêh ma khân may jêh ri ma phung chô yau khân may.” Ƀiălah khân may mâu mâp rkêng tôr, jêh ri mâu iăt ôh nau Gâp.

Yêrêmi 7:13

Brah Yêhôva lah: ‘Aƀaơ ri, yorlah khân may hŏ ƀư jêh lĕ nau nây, Gâp vay ngơi ƀaƀơ lah ma khân may ƀiălah khân may mâu iăt ôh; Gâp hŏ kuăl khân may khân may mâu plơ̆ sĭt lah.

Ndrom Samƀŭt bơh Ôsê 4:1

Hơi phung ƀon lan Israel, iăt hom nau Brah Yêhôva Yorlah Brah Yêhôva phat dôih phung ƀon lan gŭ tâm n'gor aơ: “Tâm n'gor aơ, mâu geh nau răp jăp, mâu geh nau ueh Ăt mâu geh nau gĭt Brah Ndu.

Ndrom Samƀŭt bơh Ôsê 5:1

“Hơi phung kôranh ƀư brah, iăt hom nau aơ; Hơi ngih Israel, rkêng tôr iăt hom; Hơi ngih hađăch, iăt hom! Nau tâm rmal prăp ma khân may Yorlah khân may hŏ jêng dăk bu sân ta ƀon Mispa Jêh ri nhuăl bu drăng ta yôk Tabor.

Sakari 1:4

Lơi ta ƀư nâm bu phung chô yau khân may, phung nơm mbơh lor kăl e hŏ kuăl jêh khân păng, Brah Yêhôva ma phung tahan lah: ‘Chalơi hom trong mhĭk jêh ri nau djơh janh khân may ƀư.’ Ƀiălah khân păng mâu iăt ôh, mâu lĕ ŭch gŭ mĭn ma Gâp. Pôri Brah Yêhôva lah.

Êphêsô 4:17

Pôri, tâm Kôranh Brah, gâp lah jêh ri nkah khân may lơi gŭ rêh nâm bu phung bu năch ôh, yorlah khân păng gŭ rêh tĭng nau mĭn dơm dam khân păng nơm.

Nau Vay Nkah Tay 12:32

Ăn khân may blau njrăng, ƀư tĭng lĕ rngôch nau gâp ntĭnh jêh ma khân may, mâu dơi ôh ntop mâu lah n'hŭch lơi.”

Nau Vay Nkah Tay 30:20

Rŏng hom ma Yêhôva Brah Ndu, tông bâr Păng, jêh ri tâm rnglăp đah Păng, yorlah Păng jêng nau rêh ma khân may; Păng mra ăn ma khân may dơi gŭ jŏ nar tâm n'gor Brah Yêhôva hŏ ton jêh ăn ma phung chô yau khân may jêng Y-Abraham, Y-Isăk jêh ri Y-Yakôb.”

Nau Vay Nkah Tay 4:6

Pôri, ăn khân may djôt prăp jêh ri ƀư tĭng nâm lĕ nau ntăm ƀư jêh ri nau vay, yor tă bơh nau nây phung ƀon lan mra saơ nau blau mĭn jêh ri nau gĭt rbăng khân may. Lah tăng lĕ nau vay dăp aơ khân păng mra lah: ‘Knŏng geh phung ndŭl mpôl toyh aơ nanê̆ jêng du phung ƀon lan blau mĭn jêh ri gĭt rbăng!’

Nau Vay Nkah Tay 5:29

Tơlah phung ƀon lan aơ geh nuih n'hâm klach yơk ƀaƀơ ma Gâp, djôt prăp lĕ nau vay ntăm bơh Gâp mro, ri mơ khân păng jêh ri phung kon sau khân păng mra dơi geh nau ueh uĭn n'ho ro!

Nau Vay Nkah Tay 6:2

Bơh nây, gay khân may, phung kon sau khân may du njăr rêh mra klach yơk ma Yêhôva Brah Ndu khân may, djôt prăp lĕ nau vay dăp jêh ri nau vay ntăm bơh Păng jêng nau gâp ntĭnh ma khân may, gay ma khân may dơi rêh jŏ năm.

Nau Vay Nkah Tay 8:6

Pôri, ăn khân may djôt prăp hom lĕ nau vay Yêhôva Brah Ndu ntăm, hăn tâm trong Păng jêh ri klach yơk ma Păng.

II Têsalônik 3:12

Tâm Kôranh Brah jêng Brah Yêsu Krist, hên ntrŭnh jêh ri nkah phung nây, ăn khân păng gŭ rklăk pah kan gay siăm nau rêh ma khân păng nơm.

I Samuel 8:9

Pôri aƀaơ, iăt hom nau khân păng. Ƀiălah, ăn may mbơh rah vah ma khân păng gĭt, ăn khân păng gĭt rbăng nau hađăch mra chiă uănh khân păng.”