Yêrêmi 11:5 - Nau Brah Ndu Ngơi 2023

⁵ Pôri, Gâp dơi ƀư nau ton jêh Gâp hŏ ton ma phung chô yau khân may, jêng ăn ma khân păng du n'gor bri bêng ma dak toh jêh ri dak sŭt, nâm bu hŏ geh jêh nar aơ.’” Gâp plơ̆ lah: “Ơ Brah Yêhôva! Amen!”

Yêrêmi 11:5 Iomraidhean Croise

II Nau Rêh Jêng 6:17

Yor nây, Ơ Yêhôva Brah Ndu phung Israel! Ăn nau May hŏ ngơi jêh ma Y-Đavit, oh mon May dơi tât di ngăn.

Nau Mprơ Ơm 105:8

Păng kah gĭt ƀaƀơ ma nau Păng tâm rnglăp, Nau Păng ton prăp rbăn rnôk mâu dơi chuêl ôh;

Nau Ngluh Êjipt 13:5

Pôri, nôk Brah Yêhôva njŭn khân may lăp tâm n'gor phung Kanaan, phung Hitit, phung Amôrit, phung Hivit, jêh ri phung Jêbusit, jêng n'gor bêng ma dak toh jêh ri dak sŭt, Păng hŏ ton ma chô yau khân may mra ăn ma khân may, pôri lah tât khay aơ khân may kah gĭt prăp nau vay rƀŭn nây.

Yêrêmi 19:12

Brah Yêhôva lah: ‘Gâp mra ƀư ma ntŭk aơ ndrel ma ƀon lan gŭ ta păng nâm bu pô nĕ; Gâp mra ƀư ăn ma ƀon aơ tâm ban Tôphet.

Yêrêmi 28:6

Nơm mbơh lor Y-Yêrêmi, lah: “Amen! Dăn Brah Yêhôva ƀư nâm bu pônây! Dăn Brah Yêhôva ăn tât ngăn nau may hŏ mbơh lor jêh, jêh ri djôt lĕ ndơ dŏng tâm ngih Yêhôva ndrel ma lĕ rngôch phung bu nă plơ̆ sĭt ta ntŭk aơ tă bơh bri Babilôn!

Yêrêmi 32:22

May ăn jêh ma khân păng bri aơ, du mlâm bri geh ndơ sông sa rmeh ler, May hŏ ton jêh ăn ma phung chô yau khân păng.

Kan Lêvi 20:24

Gâp hŏ ntăm jêh ma khân may: “Khân may mra dơn n'gor khân păng, Gâp mra ăn khân may n'gor nây jêng drăp ndơn khân may; nây jêng du n'gor bêng ma dak toh jêh ri dak sŭt.” Gâp jêng Yêhôva Brah Ndu khân may, hŏ tâm nkhah jêh khân may luh bơh phung ƀon lan êng.

Mathay 6:13

Lơi ta njŭn leo hên tâm nau ndơm ôh, Ƀiălah ăn May rklaih hên bơh nơm tih mhĭk! [Yor ma ƀon bri hađăch, nau brah, nau chrêk rmah jêng ndơ mbơ̆ n'ho ro. Amen.]’

I Kôrintô 14:16

Mâu lah, tơlah may tâm rnê ma huêng mâm ƀư phung bunuyh vay gŭ iăt dơi ngơi: “Amen” ma nau may lah ueh, tơlah khân păng mâu gĭt rbăng nau may ngơi?

Nau Vay Nkah Tay 6:3

Pôri, ơ Israel, iăt hom jêh ri blau njrăng ƀư tĭng nau nây gay khân may dơi geh nau ƀŭn lap jêh ri bĭk rơ̆ âk râk tâm nkual neh bêng ma dak toh jêh ri dak sŭt, nâm bu Yêhôva Brah Ndu phung chô yau khân may hŏ ton lah jêh ma khân may.