Yêrêmi 11:21 - Nau Brah Ndu Ngơi 2023

²¹ Brah Yêhôva lah: “Ma phung Anathôt, phung ŭch nkhĭt nau rêh may, hŏ nkrit nhhu may pô aơ: ‘Tơlah may mâu ŭch khĭt tâm ti he pôri lơi sŏk amoh Brah Yêhôva ngơi mbơh lor đŏng ôh.’

Yêrêmi 11:21 Iomraidhean Croise

Êsai 30:10

Khân păng lah ma phung geh nau tâm saơ: “Lơi saơ nau tâm saơ đŏng,” Jêh ri lah đah phung saơ nau tâm saơ pô aơ: “Lơi nkoch ma hên lĕ nau tâm saơ ma nau nanê̆ ngăn đŏng ôh! Ngơi hom ma hên lĕ nau ƀư maak ma tôr hên, Jêh ri nkoch hom ma hên lĕ nau mâu geh ngăn.

Yêrêmi 1:1

Aơ jêng nau Y-Yêrêmi mbơh, kon bu klâu Y-Hilkia, du huê tâm phung kôranh ƀư brah gŭ ta Anathôt, n'gor Benjamin.

Yêrêmi 1:19

Khân păng tâm lơh đah may ƀiălah mâu dơi ôh — Brah Yêhôva lah pônây — yorlah Gâp gŭ ndrel ma may gay tâm rklaih may.”

Yêrêmi 20:10

Yorlah gâp tăng nau ngơi ƀŭk dŭk suyh: “Nau krit klach puăn mpeh! Phong hom! Ăn he phong hom păng!” Lĕ rngôch phung mĭt jiăng may Ŭch ma gâp chêh prah da dê. Khân păng lah: “Gĭt lah păng tŭp tâm nau ndơm, He mra dơi đah păng, Jêh ri plơng bôk păng.”

Yêrêmi 26:8

Dôl Y-Yêrêmi ngơi lĕ jêh nau Brah Yêhôva ntăm ma păng mra mbơh ăn ma lĕ rngôch phung ƀon lan, pôri phung kôranh ƀư brah, phung mbơh lor, jêh ri lĕ rngôch phung ƀon lan nhŭp rdâng păng da dê jêh ri lah: “Nanê̆ may mra khĭt!

Yêrêmi 32:7

Aơ Y-Hanamel, kon bu klâu Y-Salum kônh may, mra mâp may jêh ri lah: ‘May rvăt hom mir gâp ta ƀon Anathôt, yorlah may dơi geh nau chuai gay ma rvăt mir nây.’

Yêrêmi 34:20

Gâp mra jao khân păng tâm ti phung rlăng jêh ri phung ŭch ngroh lơi nau rêh khân păng. Săk jăn khĭt khân păng mra ƀư ndơ sa ăn ma sĭm klơ trôk sa jêh ri ma mpô mpa bri ta klơ neh.

Amôt 2:12

“Ƀiălah khân may hŏ ăn ma phung Nasirit nhêt ndrănh Jêh ri buay phung nơm mbơh lor pô aơ: ‘Lơi khân may mbơh lor ôh!’

Mika 7:6

Yorlah kon bu klâu ƀư nau prêng rmot ma mbơ̆ păng, Kon bu ur tâm rdâng đah mê̆ păng, Ƀăn tâm rdâng đah po bu ur păng Jêh ri phung rlăng tă bơh bu jêng bunuyh tâm ngih vâl may nơm.

Mathay 10:21

Nâu mra jao oh păng nơm ma bu gay ƀư nkhĭt, mbơ̆ mra jao kon păng nơm, phung kon mra plơ̆ dâk tâm rdâng đah mê̆ mbơ̆ jêh ri ƀư ăn ma khân păng khĭt.

Mathay 21:35

Ƀiălah khân păng nhŭp phung oh mon, lơh bunuyh aơ, nkhĭt bunuyh ri, jêh ri klŭp lŭ ma bunuyh tê̆.

Mathay 22:6

bi phung êng nhŭp phung oh mon hađăch, ƀư mhĭk, jêh nây nkhĭt lơi khân păng.

Luka 4:24

Păng lah tay: “Nanê̆, Gâp lah ma khân may, mâu geh du huê nơm mbơh lor, bu dơn ta ƀon tơm păng nơm.