Yêrêmi 11:19 - Nau Brah Ndu Ngơi 2023

¹⁹ Bi gâp, nâm bu du mlâm kon biăp rdơ̆ rbăn Bu têk leo tât ntŭk bu sreh nkhĭt. Gâp mâu gĭt khân păng ŭch nchră tâm rdâng ma gâp. Khân păng lah: “Ƀư rai hom nđâp ma tơm jêh ri play, Mƀăr lơi păng bơh neh phung gŭ rêh, Gay mâu hôm nơm nkah tât amoh păng đŏng ôh.”

Yêrêmi 11:19 Iomraidhean Croise

Ndrom Samƀŭt bơh Yôp 28:13

Mâu geh ôh bunuyh gĭt lĕ rnoh khlay bơh nau blau mĭn; Păng mâu geh ta klơ neh phung rêh.

Nau Mprơ Ơm 109:13

Ăn bu nkhĭt lơi phung kon sau păng, Jut lơi amoh khân păng tâm rnôk kăndơ̆.

Nau Mprơ Ơm 112:6

Bunuyh sŏng srăng mâu mra n'gơ n'găr ôh, Nau kah gĭt ndray păng hôm tât n'ho ro.

Nau Mprơ Ơm 116:9

Gâp mra hăn tanăp măt Brah Yêhôva Ta neh phung rêh.

Nau Mprơ Ơm 142:5

Ơ Brah Yêhôva, gâp kuăl dăn ma May pô aơ: “May jêng ntŭk gâp gŭ krap, Jêng ndơ bu pă ma gâp tâm n'gor bri phung rêh.”

Nau Mprơ Ơm 27:13

Gâp gĭt nanê̆ mra saơ nau ueh Brah Yêhôva Tâm neh phung rêh.

Nau Mprơ Ơm 31:13

Gâp tăng âk bunuyh ngơi nchơt; Nau klach krit gŭ jŭm gâp! Khân păng tâm nchră ƀư mhĭk ma gâp, Khân păng ŭch ngroh lơi nau rêh gâp.

Nau Mprơ Ơm 35:15

Ƀiălah tơlah gâp chêh prah, khân păng tâm rƀŭn răm maak, Phung nchơt tâm rƀŭn tâm rdâng ma gâp ƀiălah gâp mâu gĭt ôh; Khân păng sa hêk gâp mâu rlu.

Nau Mprơ Ơm 52:5

Brah Ndu mra ƀư rai may n'ho ro. Păng mra nhŭp may jêh ri klŭp may ngai bơh ngih bok may; Păng mra rôk may bơh neh may gŭ rêh. (Sêla)

Nau Mprơ Ơm 83:4

Khân păng lah: “Văch hom nkhĭt lĕ khân păng bơh lĕ bri dak, Gay ma khân păng mâu hôm kah gĭt amoh Israel đŏng ôh.”

Nau Hôr 10:7

Nau ndray ma bunuyh sŏng srăng geh nau tâm rnê, Bi amoh phung djơh mhĭk mra ôm rai.

Nau Hôr 24:15

Hơi phung ƀai, lơi ta grem kâp ntŭk gŭ phung sŏng srăng; Lơi ƀư rai ôh ntŭk păng gŭ rlu.

Nau Hôr 7:22

Păng gơnh ro tĭng bu ur nây, Nâm bu du mlâm ndrôk leo tât ntŭk bu gŭch, Nâm bu du huê bunuyh rluk bu nkông hăn dơn nau tâm rmal;

Êsai 32:7

Phung ƀlăch ƀlêr dŏng ndơ tâm lơh mhĭk, Mĭn ma nau ƀư ƀai jêh ri nau ngơi mƀruh, Gay ƀư mhĭk phung dêh rhêt jêh ri phung o ach, Nđâp tơlah nau khân păng dăn jêng di.

Êsai 38:11

Gâp hŏ geh lah: “Gâp mâu hôm saơ Brah Yêhôva ôh, Jêng Brah Yêhôva gŭ ta neh phung rêh. Gâp mâu hôm saơ kon bunuyh ôh, Jêng phung bunuyh gŭ rêh ta neh ntu.

Yêrêmi 1:19

Khân păng tâm lơh đah may ƀiălah mâu dơi ôh — Brah Yêhôva lah pônây — yorlah Gâp gŭ ndrel ma may gay tâm rklaih may.”

Yêrêmi 18:18

Khân păng lah: “Kay lŏng, he nchră hom nau tâm rdâng ma Y-Yêrêmi. Yorlah kôranh ƀư brah mâu kƀah nau vay, bunuyh blau mĭn mâu kƀah ôh nau nkah nti, phung nơm mbơh lor mâu kƀah ôh nau mbơh. Văch hom, he mra dŏng mbung mpiăt he ngơi đah păng, lơi ta mĭn ntreng ôh lĕ nau păng ngơi.”

Yêrêmi 20:10

Yorlah gâp tăng nau ngơi ƀŭk dŭk suyh: “Nau krit klach puăn mpeh! Phong hom! Ăn he phong hom păng!” Lĕ rngôch phung mĭt jiăng may Ŭch ma gâp chêh prah da dê. Khân păng lah: “Gĭt lah păng tŭp tâm nau ndơm, He mra dơi đah păng, Jêh ri plơng bôk păng.”

Yêrêmi 26:8

Dôl Y-Yêrêmi ngơi lĕ jêh nau Brah Yêhôva ntăm ma păng mra mbơh ăn ma lĕ rngôch phung ƀon lan, pôri phung kôranh ƀư brah, phung mbơh lor, jêh ri lĕ rngôch phung ƀon lan nhŭp rdâng păng da dê jêh ri lah: “Nanê̆ may mra khĭt!

Nau Nhĭm Vơl 3:60

May hŏ saơ jêh lĕ nau ŭch mĭn plơng bôk Jêh ri lĕ rngôch nau khân păng ŭch ƀư tâm rdâng đah gâp.

Êsêkiêl 32:24

Ta nây geh phung Êlam ndrel ma lĕ rngôch phung lan âk păng gŭ văr jŭm môch păng. Lĕ rngôch lĕ bu nkhĭt da dê jêh ri chôt khĭt yor ma đao. Phung mâu hŏ dơn koh ntâu nây hŏ trŭnh tâm ntu jru tâm dâng neh, nây jêng phung srih nau nkrit toyh tâm bri dak phung hôm rêh. Khân păng geh nau bêk prêng ndrel ma phung trŭnh jêh ntŭk trôm jru.

Daniel 9:26

Jêh tăch prao jât ma bar năng pơh nây, bu mra nkhĭt lơi Nơm Dơn Tŏ Dak Ƀâu Kah jêh ri mâu mra geh ndơ ôh. Phung tahan du huê kôranh tât pakơi mra ƀư rai lơi ƀon jêh ri ngih brah. Nau dăch dŭt mra tât nâm bu dak lip. Kêng dŭt mra geh tât nau tâm lơh, nau rngol hŏ nal jêh.

Ndrom Samƀŭt bơh Ôsê 9:8

Phung nơm mbơh lor, ndrel ma Brah Ndu gâp Jêng bunuyh gak njrăng Êphraim, Ƀiălah dăk nhuăl nthăng tâm ăp trong păng, Nau ji nuih gŭ tâm ngih Brah Ndu păng.

Nau Kơp Bunuyh 1:14

ndŭl mpôl Gat geh Y-Êliasap, kon bu klâu Y-Dêuel;