Yêrêmi 11:14 - Nau Brah Ndu Ngơi 2023

¹⁴ Bi ma may, lơi may mbơh sơm kơl an ăn phung ƀon lan aơ, mâu lĕ yorlah khân păng hă bâr vơl dăn mâu lah vah vơl, Gâp mâu iăt khân păng nđâp ma khân păng vơl dăn ma Gâp tâm nau rêh ni.

Yêrêmi 11:14 Iomraidhean Croise

Nau Mprơ Ơm 66:18

Tơlah nuih n'hâm gâp n'gĭl uănh nau mĭn mhĭk Kôranh Brah mâu mra iăt nau gâp ôh.

Nau Ngluh Êjipt 32:10

Pôri aƀaơ, lơi kđôi Gâp be, gay ma Gâp hao nau ji nuih jêh ri gâp ƀư rai khân păng. Ƀiălah Gâp mra ƀư ma may jêng du mpôl băl toyh.”

Yêrêmi 11:11

Yor nây, Brah Yêhôva lah pô aơ: ‘Aơ, Gâp mra ăn nau mhĭk tât ma khân păng jêh ri khân păng mâu dơi der ôh. Nđâp tơlah khân păng kuăl dăn ma Gâp, Gâp ăt mâu tăng ôh.

Yêrêmi 14:11

Brah Yêhôva lah ma gâp: “Lơi ta may mbơh sơm nau ueh ôh ăn ma phung ƀon lan aơ.

Yêrêmi 14:12

Nđâp lah khân păng ât sông sa, Gâp mâu mra iăt nau khân păng kuăl mbơh sơm; jêh ri nđâp lah khân păng nhhơr ndơ ƀư brah gŭch jêh ri ndơ ƀư brah rnih môi, Gâp ăt mâu dơn ôh; ƀiălah Gâp mra ƀư rai khân păng ma đao, nau sa sât ji ngot, jêh ri ma nau ji tưp.”

Yêrêmi 15:1

Brah Yêhôva lah ma gâp; “Nđâp lah Y-Môis jêh ri Y-Samuel dâk panăp măt Gâp, nuih n'hâm Gâp mâu hôm n'gĭl uănh ma phung ƀon lan aơ ôh. Mprơh hom khân păng bơh Gâp, jêh ri đă khân păng hăn du!

Yêrêmi 7:16

Bi may, Y-Yêrêmi, lơi ta may mbơh sơm ăn ma phung ƀon lan aơ, lơi ta vơl dăn, vah vơl dăn ma khân păng, mâu lĕ sŏl dăn ma Gâp, yorlah Gâp mâu mra iăt may ôh.

Ndrom Samƀŭt bơh Ôsê 5:6

Khân păng mra hăn ndrel ma phung biăp phung ndrôk khân păng Gay tĭng joi Brah Yêhôva, Ƀiălah khân păng mâu dơi mâp Păng ôh! Păng hŏ chalơi jêh khân păng.

Sakari 7:13

Brah Yêhôva ma phung tahan lah: ‘Lah Gâp kuăl, khân păng mâu ŭch iăt ôh, pôri lĕ, lah khân păng kuăl dăn, kŏ Gâp mâu iăt lĕ.

Malachi 2:13

Aơ jêng nau tal bar khân may mra ƀư: Khân may sŏk dak măt, nau nhĭm nhhiăng, nau nter vơl gay nkŭm lơi nơng ƀư Brah Yêhôva, yor Păng mâu hôm rle uănh ôh jêh ri mâu dơn ôh lĕ ndơ ƀư brah nhhơr tă bơh ti khân may.

I Yôhan 5:16

Tơlah mbu nơm saơ oh nâu păng nơm ƀư tih, ƀiălah nau tih nây mâu kŏ tât khĭt ôh, vơh vơl hom, jêh ri Brah Ndu mra ăn nau rêh ma bunuyh nây, jêng ma phung ƀư nau tih mâu kŏ tât khĭt. Geh đŏng nau tih njŭn leo tât nau khĭt; gâp mâu đă ma ăn khân may mbơh sơm dăn ma nau tih aơ.