Yêrêmi 11:13 - Nau Brah Ndu Ngơi 2023

¹³ Yorlah, hơi phung Yuđa, ndah âk ƀon khân may geh ăt geh âk brah kơt nây lĕ! Ndah âk Yêrusalem geh trong toyh ăt khân may ndâk âk kơt nây lĕ nơng ƀư brah ăn brah di ma nau prêng, jêng lĕ nơng ƀư brah nhhơr ndơ ƀâu kah ăn brah Baal!’

Yêrêmi 11:13 Iomraidhean Croise

II Phung Hađăch 23:13

Hađăch ƀư ƀơ̆ lĕ ntŭk prêh klơ mpeh luh nar ƀon Yêrusalem, mpeh rđŭng ma yôk Ôm-Rai, jêng lĕ ntŭk prêh Y-Salômôn, hađăch Israel ndâk jêh gay nhhơr mbah ma brah Astarôt, rup brah dŭt ƀơ̆ ƀơch phung ƀon lan Sidôn; Chêmôs, rup brah dŭt ƀơ̆ ƀơch phung ƀon lan Môap; jêh ri Milkôm, rup brah dŭt ƀơ̆ ƀơch phung ƀon lan Ammôn.

II Nau Rêh Jêng 28:25

Tâm ăp ƀon n'gor Yuđa, păng ƀư ntŭk prêh gay su ndơ ƀâu kah ma phung brah êng, gay nsônh ăn Yêhôva Brah Ndu phung chô yau păng ji nuih.

Êsai 2:8

Bri dak khân păng bêng ma rup brah; Khân păng yơk mbah ma ndơ yor ti khân păng nơm ƀư, Jêng ndơ nglau ti khân păng nơm njêng.

Yêrêmi 11:17

Brah Yêhôva ma phung tahan, jêng Nơm hŏ brôi tăm khân may, Păng nơm yơh ăn nau mhĭk tât ta may, yorlah nau mhĭk ngih phung Israel jêh ri ngih Yuđa hŏ ƀư nôk nsônh nau nuih Gâp đah nau nhhơr ndơ ƀâu kah ăn brah Baal.”

Yêrêmi 17:1

“Nau tih ƀon lan Yuđa dơi nchih đah mâng nchih loih, Tor kach ma chiông lŭ mplanh diamôn, Ta klơ tâm trôm nuih n'hâm jêh ri ta nke lĕ nơng ƀư brah khân păng,

Yêrêmi 18:15

Ƀiălah phung ƀon lan Gâp hŏ chuêl jêh Gâp, Su ndơ ƀâu kah ăn ma phung brah, Jêng brah ƀư ăn ma khân păng chêh prah ta trong hăn, Tâm lĕ trong hăn bơh kăl e, Gay ma khân păng hăn tâm lĕ trong Mâu hŏ dơi ƀư ôh.

Yêrêmi 19:4

yorlah khân păng hŏ chalơi jêh Gâp, ƀư ntŭk aơ jêng ntŭk blă blơ. Ntŭk aơ, khân păng nhhơr ndơ ƀâu kah ma lĕ brah êng jêng lĕ brah ndơm dam khân păng nơm tâm ban ma phung chô yau khân păng, jêh ri lĕ phung hađăch Yuđa mâu mâp gĭt da dê. Khân păng hŏ ƀư jêh ntŭk aơ bêng ma mham mâu mâp geh nau tih ôh.

Yêrêmi 19:5

Khân păng hôm ndâk lĕ ntŭk prêh ăn brah Baal gay gŭch kon bu klâu khân păng ƀư mpa ƀư brah gŭch ma brah Baal. Nây jêng nau Gâp mâu mâp trŭnh, mâu ntĭm nti, jêh ri nuih n'hâm Gâp mâu lĕ prot mĭn tât.’

Yêrêmi 2:28

Pôri ntŭk phung brah khân may ndâk êng, Lĕ rngôch ntŭk gŭ? Tơlah khân păng dơi rklaih khân may tâm nôk rêh ni Pôri ăn khân păng tât sâm rklaih hom! Yorlah hơi Yuđa, ndah âk ƀon may geh Pôri ăt geh âk brah ri yơh!

Yêrêmi 3:24

Ntơm bơh hên hôm mom ndăm, Brah khư ma nau bêk prêng hŏ rvăn lĕ kan chô yau hên, Phung biăp, phung ndrôk, Phung kon bu klâu, kon bu ur khân păng.

Yêrêmi 3:25

Hên di ma lâng bê̆ch tâm nau bêk prêng, Ntâk klơ hên nau bêk prêng. Yorlah lĕ rngôch hên nđâp ma chô yau hên Hŏ ƀư tih đah Yêhôva Brah Ndu da dê; Ntơm bơh hôm mom ndăm tât aƀaơ, Phung hên mâu ŭch iăt nau Yêhôva Brah Ndu hên.”

Yêrêmi 32:35

Khân păng hŏ ndâk jêh lĕ ntŭk prêh klơ ăn ma brah Baal tâm rlŭng Ben-Hinôm, gay nhhơr phung kon bu klâu phung kon bu ur khân păng nơm ăn ma brah Môlek. Nây jêng nau Gâp mâu geh ntĭm nti, mâu mâp lĕ mĭn ma nau nây khân păng dơi ƀư nau tâm rmot aơ tâm ban pônây gay ăn phung Yuđa ƀư tih.

Yêrêmi 44:21

“Di lĕ khân may jêh ri phung chô yau khân may, phung hađăch jêh ri phung kôranh khân ay may, ndrel phung ƀon lan tâm bri nây hŏ nhhơr jêh ndơ ƀâu kah tâm ăp ƀon toyh n'gor Yuđa jêh ri lĕ trong toyh ƀon Yêrusalem, Brah Yêhôva hŏ kah gĭt jêh ri hŏ prăp jêh tâm nau mĭn Păng nây lĕ?

Yêrêmi 44:5

Ƀiălah khân păng mâu iăt ôh, mâu lĕ rkêng tôr iăt, mâu chalơi ôh nau ƀai jêh ri hôm nhhơr ndơ ƀâu kah ăn ma phung brah êng.

Yêrêmi 48:35

Brah Yêhôva lah: “Gâp mra ngroh lơi bơh bri Môap jêng nơm nhhơr ndơ ƀư brah tâm ntŭk prêh jêh ri nhhơr ndơ ƀâu kah ăn ma lĕ brah khân păng.

Yêrêmi 7:9

Mâu di hĕ khân may ntŭng, nkhĭt bunuyh, ƀư tih văng tĭr, ton mƀruh, nhhơr ndơ ƀâu kah ăn ma brah Baal, tĭng ndô̆ brah êng, jêng brah khân may mâu gĭt lĕ?

Êsêkiêl 16:24

ay ndâk nơng ƀư brah jêh ri ndâk lĕ ntŭk prêh ma ay nơm tâm lĕ rngôch trong toyh.

Ndrom Samƀŭt bơh Ôsê 10:1

Israel jêng du tơm krăk ƀâu ueh ngăn ngên, Geh kao play âk. Play păng lơ hâu âk, Păng lơ hâu đŏng ndâk nơng ƀư brah; Bri dak păng lơ hâu ndrŏng Păng lơ âk nkrơ̆ lĕ n'gâng ƀư brah ueh reh lơn.

Ndrom Samƀŭt bơh Ôsê 12:11

Gâp tâm ban lĕ hŏ lah jêh ma phung nơm mbơh lor; Gâp yơh hŏ ăn âk tơ̆ lĕ nau tâm saơ. Dŏng phung nơm mbơh lor Ntĭm nti ma nau ngơi hôr.

Ndrom Samƀŭt bơh Ôsê 9:10

Gâp hŏ mâp Israel Nâm bu mâp rkŭm play krăk ƀâu tâm bri rdah; Gâp hŏ saơ chô yau khân may Nâm bu play bôk rah bôk yan ta klơ tơm play rvi nse. Ƀiălah khân păng hŏ tât Baal-Pêôr; Nhhơr săk jăn khân păng ăn ma ndơ khư bêk prêng, Jêh ri jêng ndơ ƀơ̆ nâm bu ndơ khân păng hŏ rŏng jêh.