Yêrêmi 11:10 - Nau Brah Ndu Ngơi 2023

¹⁰ Khân păng plơ̆ sĭt ma nau tih mhĭk phung che khân păng jêng phung mâu ŭch iăt nau Gâp. Khân păng hŏ hăn tĭng jêh ri yơk mbah lĕ brah êng. Ngih Israel jêh ri ngih Yuđa hŏ ƀư rai nau tâm rnglăp Gâp hŏ ndâk đah chô yau khân păng.

Yêrêmi 11:10 Iomraidhean Croise

Nau Mprơ Ơm 78:57

Ƀiălah khân păng rŭch jêh ri mâu răp jăp nâm bu phung chô yau khân păng; Khân păng kue kuăt nâm bu na geh nau kue.

Êsai 24:5

Rplay neh geh nau ƀơ̆ ƀơch Yor phung ƀon lan păng nơm, Yorlah khân păng hŏ ƀư tih nau vay, Mâu di đah nau vay dăp, Jêh ri ƀư rai lơi nau tâm rnglăp n'ho ro.

Yêrêmi 13:10

Phung ƀon lan mhĭk aơ mâu ŭch iăt ôh nau Gâp, sŏl ko ƀư tĭng nau mĭn nuih n'hâm khân păng nơm, nchuăt tĭng ndô̆ phung brah êng ŭch pah kan jêh ri yơk mbah. Khân păng mra jêng mâu hôm dŏng nâm bu rse vân bŭt aơ.”

Yêrêmi 17:23

Ƀiălah, chô yau khân may mâu ŭch iăt ôh, mâu meng. Khân păng dăng bôk dăng trô ko mâu rkêng tôr iăt, mâu sŏk dơn nau nkra nti.’

Yêrêmi 22:9

Mra geh bunuyh plơ̆ lah: ‘Yorlah phung ƀon lan tâm ƀon nây hŏ chalơi jêh nau tâm rnglăp đah Yêhôva Brah Ndu khân păng, yơk mbah jêh ri rhŏ ma lĕ brah êng.’

Yêrêmi 31:32

Nau tâm rnglăp aơ mâu di nâm bu nau tâm rnglăp Gâp ƀư jêh đah phung chô yau khân păng tâm nar Gâp kuăn ti têk njŭn khân păng du luh tă bơh n'gor Êjipt, nau tâm rnglăp khân păng hŏ ƀư rai lơi jêh, nđâp lah Gâp jêng Sai khân păng,” Brah Yêhôva lah pônây.

Yêrêmi 44:16

“Nau may ngơi jêh ma hên tâm amoh Brah Yêhôva, hên mâu mra iăt ôh.

Yêrêmi 44:5

Ƀiălah khân păng mâu iăt ôh, mâu lĕ rkêng tôr iăt, mâu chalơi ôh nau ƀai jêh ri hôm nhhơr ndơ ƀâu kah ăn ma phung brah êng.

Yêrêmi 7:28

May lah hom ma khân păng: ‘Aơ jêng ƀon lan mâu tông tĭng nau Yêhôva Brah Ndu khân păng, mâu dơn nau nkra nti. Nau nanê̆ ngăn hŏ rai lêk, hŏ du roh bơh trôm mbung khân păng jêh.

Yêrêmi 9:6

Brah Yêhôva lah: “May dôl gŭ rêh tâm nau mƀruh nây; Yorlah nau mƀruh khân păng dun nau gĭt năl Gâp.”

Êsêkiêl 16:59

Yorlah Brah Yêhôva lah pô aơ: “Ay hŏ tâm rmot jêh nau ay ton ƀư rai lơi nau tâm rnglăp Gâp, yor nây Gâp mra ƀư ma ay tâm di đah ay ƀư jêh.

Êsêkiêl 44:7

Khân may hŏ leo jêh phung bu năch jêng phung mâu koh ntâu tâm nuih n'hâm jêh ri tâm săk jăn hăn lăp tâm ntŭk kloh ueh Gâp gay ƀư ƀơ̆ ƀơch ngih brah Gâp, tơlah khân may nhhơr piăng let, ngi jêh ri mham ma Gâp. Pônây, khân may hŏ ƀư tih ngroh lơi nau tâm rnglăp Gâp ma lĕ rngôch nau ƀơ̆ khân may.

Êsêkiêl 5:6

Ƀiălah păng tâm rdâng đah nau vay ƀư bơh Gâp, ƀư nau ƀai rlau lơn ma lĕ bri dak êng, păng dun nau vay dăp Gâp rlau lơn ma bri dak gŭ jŭm păng yorlah khân păng chalơi nau vay ƀư bơh Gâp jêh ri mâu tĭng nau vay dăp Gâp ôh.

Ndrom Samƀŭt bơh Ôsê 6:4

Mâm Gâp mra ƀư ma may, hơi Êphraim? Mâm Gâp mra ƀư ma may, hơi Yuđa? Nau rŏng khân may ăn Ma Gâp tâm ban ma ndâr ntŭk nkân ang ôi, Nâm bu dak ngom gơnh sơh.

Ndrom Samƀŭt bơh Ôsê 6:7

Ƀiălah nâm bu Y-Ađam, khân păng hŏ ƀư tih jêh đah nau tâm rnglăp; Ta nây, khân păng mâu gŭ răp jăp ôh đah Gâp.

Ndrom Samƀŭt bơh Ôsê 7:16

Khân păng mâu rle mpeh ma Nơm Dŭt Prêh Klơ; Khân păng nâm bu na lĕ djơh jêh, Phung kôranh khân păng cha lôt yor ma đao Yorlah mpiăt khân păng luh nau ngơi ji nuih ngăn. Khân păng jêng ndơ bu gơm mưch Tâm n'gor bri Êjipt.

Kan Lêvi 26:15

dun lĕ nau vay dăp bơh Gâp jêh ri nuih n'hâm khân may dĭl khek ma nau Gâp đă, yor nây khân may mâu ƀư tĭng kơt lĕ nau vay ntăm jêh ri ƀư rai lơi nau tâm rnglăp bơh Gâp,

Sôphôni 1:6

Nđâp phung lĕ chalơi jêh mâu tĭng Brah Yêhôva, Phung mâu ŭch joi Brah Yêhôva, jêh ri mâu ôp ôh Păng.

Sakari 1:4

Lơi ta ƀư nâm bu phung chô yau khân may, phung nơm mbơh lor kăl e hŏ kuăl jêh khân păng, Brah Yêhôva ma phung tahan lah: ‘Chalơi hom trong mhĭk jêh ri nau djơh janh khân may ƀư.’ Ƀiălah khân păng mâu iăt ôh, mâu lĕ ŭch gŭ mĭn ma Gâp. Pôri Brah Yêhôva lah.

Sakari 7:11

Ƀiălah khân păng dun mâu ŭch iăt, dăng bôk jêh ri ndôn kơi, nsêt lơi tôr khân păng nơm gay lơi ăn tăng ôh nau ngơi.

Sakari 7:13

Brah Yêhôva ma phung tahan lah: ‘Lah Gâp kuăl, khân păng mâu ŭch iăt ôh, pôri lĕ, lah khân păng kuăl dăn, kŏ Gâp mâu iăt lĕ.

Nau Vay Nkah Tay 31:16

Brah Yêhôva lah ma Y-Môis: “Aơ, may lĕ dăch khĭt, hăn gŭ ndrel ma phung chô yau may. Bi phung ƀon lan aơ mra ƀư nau tâm rdâng jêh ri ƀư nau văng tĭr đah lĕ brah phung bu năch tâm n'gor khân păng mra hăn lăp. Khân păng mra chalơi Gâp jêh ri rlau nau vay tâm rnglăp Gâp hŏ ƀư jêh đah khân păng.

Nau Vay Nkah Tay 9:7

“Ăn khân may kah gĭt, lơi ta chuêl, tâm bri rdah khân may hŏ nsônh jêh nau ji nuih Yêhôva Brah Ndu kơt nĕ. Tă bơh nar khân may du luh bơh n'gor Êjipt kŏ tât ta ntŭk aơ, khân may hŏ tâm rdâng ƀaƀơ jêh đah Brah Yêhôva.

ហេឞ្រើ 8:9

Mâu di nâm bu nau tâm rnglăp Gâp ƀư jêh đah phung chô yau khân păng ôh, Tâm nar Gâp kuăn ti khân păng têk njŭn du luh tă bơh n'gor Êjipt. Yorlah khân păng mâu răp jăp djôt prăp nau tâm rnglăp Gâp, Pôri Gâp chalơi khân păng,” Kôranh Brah lah pônây:

Phung Kôranh Phat Dôih 2:11

Nôk nây, phung ƀon lan Israel ƀư nau mhĭk tanăp măt Brah Yêhôva, pah kan ma phung rup brah Baal,

Phung Kôranh Phat Dôih 2:17

Ƀiălah khân păng mâu ŭch iăt đŏng nau ngơi phung kôranh phat dôih yorlah khân păng ƀư nau văng tĭr đah phung brah êng jêh ri chon mbah panăp phung brah nây. Khân păng gơnh chalơi trong phung chô yau khân păng hŏ hăn jêh, mâu kơt tĭng ôh phung chô yau khân păng djôt prăp lĕ nau vay Brah Yêhôva ntăm.

Phung Kôranh Phat Dôih 2:19

Ƀiălah dôl phung kôranh phat dôih khĭt jêh, phung Israel ƀư tay nau mhĭk tih rlau lơn phung chô yau khân păng, hăn tĭng phung brah êng, pah kan jêh ri chon mbah phung brah nây. Khân păng mâu ŭch chalơi lĕ nau djơh ƀiălah ăt thoi đŏng nau dăng bôk.

I Samuel 15:11

“Gâp lĕ nhhuach jêh njêng ăn ma Y-Sôl jêng hađăch, yorlah păng ndôn kơi tă bơh Gâp, mâu ƀư tĭng nâm nau Gâp ntăm.” Y-Samuel rngot ngăn, jêh ri păng vơl dăn ma Brah Yêhôva du măng kŏ ang.