Yêrêmi 10:8 - Nau Brah Ndu Ngơi 2023

⁸ Khân păng jêng rluk mâl; Nau ntĭm nti tă bơh lĕ rup brah Mâu rlau ndơ bơh n'gâng tâm si.

Yêrêmi 10:8 Iomraidhean Croise

Nau Mprơ Ơm 115:8

Mbu nơm ƀư rup brah jêh ri rnơm ma păng Jêng tâm ban khân păng.

Nau Mprơ Ơm 135:18

Mbu nơm ƀư rup brah, Jêh ri mbu nơm rnơm ma khân păng Jêng tâm ban khân păng da dê.

Êsai 41:29

Aơ, lĕ rngôch khân păng knŏng jêng nau ndơm; Nau kan khân păng mâu geh nau khlay ôh; Rup brah khân păng tŏ chiăr jêng dơm dam tâm ban ma sial khôm.

Êsai 44:18

Phung nây mâu gĭt rbăng ôh, mâu lĕ blau sek uănh; yorlah măt khân păng nhêp jêh gay mâu dơi saơ ôh, nuih n'hâm khân păng nchăng jêh gay mâu dơi gĭt rbăng.

Êsai 44:19

Mâu geh nơm gŭ mĭn ôh, mâu lĕ geh nơm dŏng nau gĭt rbăng mâu lah nau sek uănh, kŏ tât lah pô aơ: “Gâp sŏk jêh du gâl tơm si nây sŭnh ŭnh, ta klơ sa ônh gâp hŏ gŭch piăng let, gâp hŏ gŭch puăch jêh ri gâp sa; jêh ri gâl hôm e, gâp ƀư du ndơ bu tâm rmot lĕ? Mâm gâp hăn chon mon mbah đŏng tanăp du n'gâng tơm si?”

Yêrêmi 10:14

Ăp nơm jêng rluk da dê kƀah nau gĭt rbăng; Phung chiăr prăk prêng ma rup brah păng; Yorlah lĕ rup tŏ knŏng jêng nchơt dơm, Mâu geh n'hâm nsôr ôh tâm trôm nây.

Yêrêmi 2:27

Khân păng ngơi ma n'gâng tơm si: ‘Păng jêng mbơ̆ gâp,’ Ma glo lŭ: ‘Păng hŏ deh jêh gâp.’ Yorlah khân păng hŏ ndôn kơi jêh, Mâu ŭch rle măt uănh Gâp. Ƀiălah tâm nôk nau rêh ni, khân păng ngơi: ‘Dăn gơnh sâm rklaih phung hên ƀă!’

Yêrêmi 3:9

Yorlah uănh mâu tih ôh nau păng văng tir yor nây păng ƀư ƀơ̆ ƀơch êng păng nơm ndrel ma neh aơ, văng tĭr đah lŭ jêh ri tơm si.

Yêrêmi 4:22

“Phung ƀon lan Gâp rluk ngăn, Khân păng mâu gĭt năl Gâp ôh. Nây jêng du huê phung kon se rluk, Mâu geh nau gĭt rbăng, Blau ƀư nau mhĭk, Ƀiălah mâu gĭt ƀư nau ueh ôh.”

Yêrêmi 5:4

Bi gâp, gâp lah: “Aơ jêng knŏng phung o ach, rluk mâl, Yorlah khân păng mâu gĭt trong Brah Yêhôva, Nau Brah Ndu lah păng.

Ndrom Samƀŭt bơh Ôsê 4:12

Phung ƀon lan Gâp ôp rup trah ma tơm si, Dăn mâng jra plơ̆ sĭt lah. Yorlah bên ka n'hong ƀư vĭ nhhơt ma khân păng, Khân păng rêh văng tĭr, gŭ ngai đah Brah Ndu.

Yônais 2:8

Tơlah huêng gâp lĕ huơi jêh tâm gâp Pôri gâp kah gĭt ma Brah Yêhôva Jêh ri nau gâp mbơh sơm tât ma May, Lăp tât tâm ngih brah kloh ueh May.

Habakuk 2:18

Rup trah nơm rhăk hŏ trah mon jêh Geh ndơ khlay lĕ? Rup tŏ chiăr jêng nơm nti mƀruh, Mâm bunuyh rhăk rup mlo nây Rnơm nsing nkhơng ma kan ti păng nơm ƀư?

Sakari 10:2

Yorlah phung rup brah knŏng ngơi nau dơm dam, Lĕ phung n'hŭm knŏng saơ nau mƀruh; Khân păng mbơh nkoch lĕ nau mbơi mƀruh ndơm bu, Jêh ri ngơi nau bonh leng mâu khlay ôh. Yor nây, phung ƀon lan chah rai du pru Nâm bu phung kon biăp rêh ni yorlah mâu geh rmăk chiăp.