Yêrêmi 10:7 - Nau Brah Ndu Ngơi 2023

⁷ Ơ Hađăch ma lĕ bri dak! Mbu moh mâu klach yơk May? May dơi khư ma nau yơk mbah. Yorlah ta nklang phung bunuyh blau mĭn tâm lĕ bri dak, Tâm lam ƀon bri hađăch khân păng, Mâu geh nơm dơi tâm rđĭl đah May.

Yêrêmi 10:7 Iomraidhean Croise

II Phung Hađăch 17:39

Ƀiălah ăn khân may klach yơk ma Yêhôva Brah Ndu khân may, Păng nơm mra tâm rklaih khân may bơh ti lĕ rngôch phung rlăng khân may.”

I Nau Rêh Jêng 16:25

Yorlah Brah Yêhôva dŭt toyh, khư ngăn ma bu mprơ tâm rnê, Păng khư ngăn ma bu klach yơk rlau lơn ma lĕ rngôch brah.

Êsther 1:13

Hađăch lah ma phung njêh vay gĭt rbăng nau mbên trôk nar rnôk êng êng; yorlah tĭng nâm nau vay, tơlah geh moh nau tât hađăch mơng vay ôp nau mĭn ma lĕ rngôch phung blau nau vay,

Nau Mprơ Ơm 147:5

Kôranh Brah hên jêng dŭt toyh, geh nau brah mâu blau dŭt; Nau gĭt rbăng Păng dŭt toyh mâu blau lôch ôh.

Nau Mprơ Ơm 22:28

Yorlah ƀon bri hađăch jêng ndơ Brah Yêhôva, Păng chiă uănh phung mpôl băl bunuyh.

Nau Mprơ Ơm 47:3

Păng ăn phung ƀon lan geh nau plơ̆ rŭch tanăp hên Păng ƀư lĕ bri dak mra gŭ tâm dâng jâng hên.

Nau Mprơ Ơm 72:11

Ăn lĕ rngôch phung hađăch mra chon mon tanăp hađăch; Lĕ rngôch mpôl băl mra pah kan ma hađăch.

Nau Mprơ Ơm 76:7

Du huê May yơh khư ma bu klach; Nau May hao ji nuih, Mbu nơm dơi gŭ tanăp May?

Nau Mprơ Ơm 86:8

Ơ Kôranh Brah! Tâm lĕ rngôch brah mâu geh nơm tâm ban ma May, Mâu geh lĕ nau kan tâm ban ma nau kan May.

Nau Mprơ Ơm 86:9

Lĕ rngôch phung mpôl băl May hŏ rhăk njêng jêh Mra văch yơk mbah tanăp măt May Jêh ri tâm rnê amoh May.

Nau Mprơ Ơm 89:6

Yorlah mbu nơm gŭ ta klơ lĕ ndâr trôk dơi tâm rđĭl ma Brah Yêhôva? Tâm lĕ phung brah, mbu nơm dơi tâm ban ma Brah Yêhôva?

Nau Ngluh Êjipt 8:10

Hađăch plơ̆ lah: “Ôi taơ.” Y-Môis lah: “Mra di tĭng nâm nau may lah gay ma may gĭt mâu geh ôh nơm tâm ban ma Brah Yêhôva, Brah Ndu hên.

Nau Ngluh Êjipt 9:14

Yorlah tal aơ Gâp mra ƀư ăn ma may lĕ nau mhĭk tât tâm nuih n'hâm may, ma phung oh mon may jêh ri ma phung ƀon lan may, gay ma may gĭt tâm lam neh ntu mâu geh ôh bunuyh dơi ban Gâp.

Êsai 2:4

Păng mra ƀư nau phat dôih ta nklang lĕ bri dak, Jêh ri nkra dôih ma âk phung ƀon lan. Aƀaơ, khân păng mra sŏk đao chiăr njêng kau kai, Sŏk tak chiăr njêng nhuĕ. Bri dak aơ mâu mra tŏk đao lơh bri dak êng, Khân păng mâu lĕ hôm nti tay nau tâm lơh đŏng ôh.

Yêrêmi 10:6

“Ơ Brah Yêhôva, mâu geh nơm dơi tâm rđĭl đah May! May toyh ngăn ngên, Amoh May dŭt prêh brah toyh.

Yêrêmi 5:22

Brah Yêhôva lah: “Lĕ phung khân may mâu klach yơk ma Gâp Mâu râm nsâr hĕ tanăp măt Gâp? Gâp jêng Nơm hŏ sŏk jêh choih ƀư n'har ma dak mƀŭt, Du ntŭk nal n'ho ro mâu dơi rlau ôh. Rbuh geh nkŏch ăt mâu dơi; Dak Mƀŭt geh ngrông nteh ăt mâu ler rlau ôh.

Daniel 2:27

Y-Daniel plơ̆ lah: “Mâu geh du huê nơm njêh, nơm n'hŭm, nơm ƀŭk rƀên mâu lah nơm sek uănh mănh dơi tâm mpơl ôh ma hađăch nau khlay ndâp hađăch hŏ ôp.

Daniel 2:28

Ƀiălah Brah Ndu klơ trôk jêng Nơm tâm mpơl nau ndâp, mra ăn ma hađăch Nêbukatnetsar gĭt lĕ nau mra tât tâm rnôk nglĕ dŭt. Aơ jêng nau mbơi jêh ri lĕ nau tâm saơ tât nau mĭn may dôl may bê̆ch ta klơ sưng bê̆ch:

Habakuk 3:2

Ơ Brah Yêhôva! Gâp tăng jêh nau bu nkoch lư n'găr amoh May, Yor ri gâp klach yơk ma May. Ơ Brah Yêhôva! Ta nklang năm khay mro mrăng, Dăn Kôranh Brah ăn njêng mhe tay nau kan May, jêh ri tâm mpơl ma lĕ rngôch bunuyh gĭt. Tâm nau ji nuih, dăn Kôranh Brah kah gĭt ma nau yô̆ nđach!

Sakari 2:11

Tâm nar nây, âk bri dak mra tâm rnglăp đah Brah Yêhôva, jêh ri mra jêng phung ƀon lan Gâp; Gâp mra gŭ ta nklang khân may.” Nôk nây, khân may mra gĭt Brah Yêhôva ma phung tahan hŏ njuăl jêh gâp hăn văch n'hanh khân may.

Malachi 1:11

Yor ntơm bơh nar luh tât nar nhâp, tâm amoh Gâp jêng dŭt toyh ta nklang tâm lĕ rngôch bri dak. Gŭ lam ntŭk, bu mra nhhơr ndơ ƀâu kah jêh ri nhhơr ndơ ƀư brah kloh ma amoh Gâp, yor amoh Gâp jêng dŭt toyh ta nklang lĕ rngôch bri dak.” Brah Yêhôva ma phung tahan lah pônây.

Luka 12:5

Ƀiălah Gâp ntĭm ma khân may gĭt klach mbu nơm: Klach hom ma Nơm, nôk nkhĭt jêh, hôm geh nau dơi mƀăr jŭr ndrung ŭnh. Di kơt nây, Gâp đă ma khân may, klach hom ma Nơm nây!

I Kôrintô 8:6

ƀiălah ma phung he, knŏng geh du huê Brah Ndu jêng Mbơ̆, Nơm rhăk njêng lĕ rngôch ndơ, jêh ri he rêh yor ma Păng; geh đŏng knŏng du huê Kôranh Brah jêng Brah Yêsu Krist, lĕ rngôch ndơ geh yor tă bơh Păng, phung he gŭ rêh yor ma tă bơh Păng đŏng.

Yôsuê 4:24

Pônây, lĕ rngôch phung bunuyh ta neh ntu dơi gĭt mpang ti nau dơi Brah Yêhôva, jêh ri khân may tâm ban đŏng klach yơk ma Yêhôva Brah Ndu khân may ƀaƀơ.”

Nau Tâm Mpơl 11:15

Tông mpăr rơh pơh uh nŭng, geh bâr dŭt nteh ngăn tă bơh ta klơ trôk lah pô aơ: “Ƀon bri hađăch neh ntu jêng ndơ Kôranh Brah he, Jêh ri Brah Krist Păng. Păng mra chiă uănh n'ho ro.”

Nau Tâm Mpơl 15:4

Ơ Kôranh Brah, mbu nơm mâu mra klach yơk Kôranh Brah, Jêh ri mâu tâm rnê amoh may? Yorlah knŏng êng Kôranh Brah jêng kloh ueh. Lĕ rngôch mpôl băl mra văch Yơk mbah tanăp Kôranh Brah, Yorlah lĕ nau sŏng srăng May tâm mpơl jêh.”