Yêrêmi 10:24 - Nau Brah Ndu Ngơi 2023

²⁴ Mbah Brah Yêhôva, dăn nkra nti gâp, ƀiălah tâm nau di; Mâu di ôh tâm nau ji nuih, Klach lah May ăn gâp rai lơi.

Yêrêmi 10:24 Iomraidhean Croise

Ndrom Samƀŭt bơh Yôp 6:18

Phung mpôl hăn trong lĕ trơn trong hăn, Hăn lăp tâm bri rdah jêh nây khǐt roh hêng.

Nau Mprơ Ơm 38:1

Hơi Brah Yêhôva! Lơi duh ji nuih gay ma nduyh gâp, Mâu lĕ duh nuih gay nduyh nkra gâp.

Nau Mprơ Ơm 6:1

Ơ Brah Yêhôva! Lơi ta nduyh gâp dôl May ji nuih, Lơi May nduyh nkra đŏng gâp tâm nau May ji nuih.

Nau Mprơ Ơm 6:2

Ơ Brah Yêhôva, yô̆ nđach ma gâp yorlah gâp huơi rgănh; Ơ Brah Yêhôva, dăn ƀư bah an gâp Yorlah nting nđăng gâp râm nsâr.

Êsai 28:28

Bu kĭn ba ƀlê gay ma ƀư piăng let, Ƀiălah bu mâu mprah păng ndăng ôh; Nđâp lah jâng ndeh rlă mâu lah jâng seh jot ta ba, Păng mâu đŏng hăch ôh.

Êsai 40:23

Păng yơh ƀư ma phung kôranh chiă uănh toyh tâm ban mrô mô, Jêh ri ƀư ma kôranh phat dôih ta klơ neh ntu mâu jêng dơm dam.

Yêrêmi 30:11

Brah Yêhôva lah: ‘Yorlah Gâp gŭ ndrel ma may gay tâm rklaih may; Gâp mra ƀư rai lĕ bri dak Gâp hŏ nchah rai khân may tât ta nây, Ƀiălah đah may Gâp mâu ƀư rai lĕ ôh. May mâu mra der luh bơh nau tâm rmal Ƀiălah Gâp mra nduyh nkra may ma nau di.’

Yêrêmi 46:28

Brah Yêhôva lah: “Ơ phung Yakôb phung oh mon Gâp, lơi ta klach ôh, Yorlah Gâp gŭ ndrel ma may. Gâp mra ƀư rai lĕ rngôch bri dak Gâp hŏ mprơh may tât jêh; Bi ma may Gâp mâu mra ƀư rai lôch ôh, May mâu mra rklaih ôh bơh nau tâm rmal Ƀiălah Gâp mra nduyh nkra may ma nau di.”

Habakuk 3:2

Ơ Brah Yêhôva! Gâp tăng jêh nau bu nkoch lư n'găr amoh May, Yor ri gâp klach yơk ma May. Ơ Brah Yêhôva! Ta nklang năm khay mro mrăng, Dăn Kôranh Brah ăn njêng mhe tay nau kan May, jêh ri tâm mpơl ma lĕ rngôch bunuyh gĭt. Tâm nau ji nuih, dăn Kôranh Brah kah gĭt ma nau yô̆ nđach!