Yêrêmi 10:16 - Nau Brah Ndu Ngơi 2023

¹⁶ Drăp ndơn Y-Yakôb mâu nâm bu pônây ôh, Yorlah Păng yơh jêng Nơm hŏ rhăk njêng jêh lĕ rngôch ndô ndơ, Jêh ri Israel jêng mpôl băl drăp ndơn Păng. Amoh Păng jêng Brah Yêhôva ma phung tahan.”

Yêrêmi 10:16 Iomraidhean Croise

Nau Mprơ Ơm 119:57

Brah Yêhôva jêng drăp ndơn ma gâp; Gâp ton mra djôt prăp nau May ngơi.

Nau Mprơ Ơm 135:4

Yorlah Brah Yêhôva hŏ săch jêh Yakôb ma Păng nơm, Sŏk phung Israel jêng drăp ndơn êng ma Păng.

Nau Mprơ Ơm 142:5

Ơ Brah Yêhôva, gâp kuăl dăn ma May pô aơ: “May jêng ntŭk gâp gŭ krap, Jêng ndơ bu pă ma gâp tâm n'gor bri phung rêh.”

Nau Mprơ Ơm 33:6

Lĕ ndâr trôk rhăk njêng bơh nau ngơi Brah Yêhôva, Lĕ rngôch khay mănh mbing luh tă n'hâm nsôr bơh bâr mbung Păng.

Nau Mprơ Ơm 73:26

Nglay săk jêh ri play nuih gâp mra roh rai, Ƀiălah Brah Ndu jêng nau ktang ma nuih n'hâm gâp; Jêh ri jêng ndơ ma gâp n'ho ro.

Nau Mprơ Ơm 74:2

Ăn May kah gĭt ma phung ƀon lan May hŏ ndâk jêh ntơm bơh kăl e, Phung May tâm chuai jêh gay ƀư jêng drăp ndơn May; Ăn May kah gĭt ma yôk Siôn jêng ntŭk May tă gŭ jêh.

Nau Ngluh Êjipt 19:5

Pôri aƀaơ, tơlah khân may tông bâr Gâp jêh ri djôt prăp nau tâm rnglăp Gâp, khân may mra jêng drăp ndơ êng ma Gâp nơm ta nklang lĕ rngôch ƀon lan; nđâp lah lĕ neh ntu jêng ndơ Gâp.

Nau Ngluh Êjipt 34:9

Păng ngơi: “Ơ Kôranh Brah! Tơlah gâp geh nau yô̆ tanăp măt Kôranh Brah, dăn Kôranh Brah hăn ndrel hên. Nđâp lah aơ jêng phung ƀon lan dăng ko, dăn Kôranh Brah yô̆ an ma nau djơh mhĭk jêh ri nau tih hên jêh ri dơn hên jêng drăp ndơn Kôranh Brah.”

Nau Hôr 16:4

Brah Yêhôva rhăk njêng lĕ rngôch mpô mpa geh da dê nau ŭch, Nđâp ma lĕ bunuyh ƀai đŏng prăp ma nar nau mhĭk.

Êsai 19:25

yorlah Brah Yêhôva ma phung tahan hŏ ăn nau ueh uĭn ma khân păng. Păng lah: “Nau ueh uĭn ma bri Êjipt jêng phung ƀon lan Gâp, bri Asiri jêng kan ti Gâp ndâk, bri Israel jêng drăp ndơn gâp!”

Êsai 45:7

Gâp jêng Nơm njêng nau ang jêh ri nau ngo, Ƀư nau đăp mpăn jêh ri njêng nau tât; Gâp nơm yơh, Brah Yêhôva, jêng Nơm ƀư lĕ rngôch nau aơ.

Êsai 47:4

Nơm Tâm Chuai he Jêng Nơm Kloh Ueh phung Israel; Amoh Păng jêng Brah Yêhôva ma phung tahan.

Êsai 47:6

Gâp hŏ hao ji nuih ma phung ƀon lan Gâp, Ƀư ƀơ̆ drăp ndơn Gâp Jêh ri jao jêh khân păng tâm ti may. Ƀiălah may mâu mâp yô̆ ôh ma khân păng; May hŏ dơm jêh ta klơ bunuyh ranh Du mlâm mbăk mâng jâk ngăn

Êsai 51:15

Yorlah Gâp jêng Yêhôva Brah Ndu khân may, Jêng Nơm ăn dak mƀŭt rbuh, jêh ri rbuh tap djhu djhut. Brah Yêhôva ma phung tahan jêng amoh Gâp.

Êsai 54:5

Yorlah sai ay jêng Nơm Rhăk Njêng ay; Amoh Păng jêng Brah Yêhôva ma phung tahan. Nơm Tâm Chuai ay jêng Nơm Kloh Ueh Israel, Bu mra rnha Păng jêng Brah Ndu ma lĕ neh ntu.

Yêrêmi 10:12

Brah Yêhôva yơh hŏ rhăk njêng jêh neh ntu ma nau brah Păng, Ndâk njêng neh ntu bơh nau blau mĭn Păng, Lăk huy lĕ ndâr trôk bơh nau gĭt rbăng Păng.

Yêrêmi 10:6

“Ơ Brah Yêhôva, mâu geh nơm dơi tâm rđĭl đah May! May toyh ngăn ngên, Amoh May dŭt prêh brah toyh.

Yêrêmi 31:35

Brah Yêhôva jêng Nơm ăn nar ƀư nau ang dôl nar, Tâm nal jêh nau vay dăp ăn ma khay, jêh ri mănh sol ang dôl măng; Nơm ƀư mpât dak mƀŭt ăn sial rbuh lŭng nter, Tâm amoh Păng jêng Brah Yêhôva ma phung tahan, lah pô aơ:

Yêrêmi 32:18

May tâm mpơl nau yô̆ tât rbăn rô̆ nuyh, ƀiălah rmal nau tih phung mbơ̆ tât ma phung kon sau. Ơ! May jêng Brah Ndu dŭt toyh jêh ri Nơm geh nau brah, amoh May jêng Brah Yêhôva ma phung tahan.

Yêrêmi 33:2

“Brah Yêhôva jêng Nơm njêng jêh kan aơ, Brah Yêhôva jêng Nơm rhăk njêng jêh ri ŭch ƀư nâp nau kan aơ, amoh Păng jêng Yêhôva, lah:

Yêrêmi 46:18

Hađăch, amoh Păng jêng Brah Yêhôva ma phung tahan, lah: “Tĭng nâm Gâp gŭ rêh mro mrăng, Nơm rlăng mra tât Nâm bu yôk Tabor ta nklang ma lĕ gôl yôk êng, Nâm bu yôk Karmel ntoh tâm dak mƀŭt.

Yêrêmi 50:34

Nơm Tâm chuai khân păng jêng ktang ngăn. Amoh Păng jêng Brah Yêhôva ma phung tahan. N'hêl nanê̆ Păng mra koh dŏng ma khân păng gay ăn nau đăp mpăn ma bri dak khân păng, ƀiălah ƀư rŭng răng ma phung gŭ tâm bri Babilôn.”

Yêrêmi 51:19

Ƀiălah drăp ndơn Y-Yakôb mâu nâm bu pônây ôh, Yorlah Păng yơh jêng Nơm hŏ rhăk njêng jêh lĕ rngôch ndô ndơ, Israel jêng mpôl băl drăp ndơn Păng; Amoh Păng jêng Brah Yêhôva ma phung tahan.

Nau Nhĭm Vơl 3:24

Gâp lah êng, “Brah Yêhôva jêng drăp ndơn ma gâp, Yor nây gâp kâp gân ta Păng.”

Amôt 4:13

N'hêl nanê̆ Păng hŏ njêng jêh yôk jêh ri rhăk njêng sial; Păng yơh mpơl nau bunuyh mĭn tâm nuih n'hâm. Păng rgâl luh nar luh jêng ngo Jêh ri hăn tâm lĕ ntŭk prêh ta neh ntu. Amoh Păng jêng Yêhôva Brah Ndu ma phung tahan.

Sakari 2:12

Brah Yêhôva mra dơn phung Yuđa jêng drăp ndơn tâm ntŭk kloh ueh Păng, jêh ri Păng mra săch rgum đŏng Yêrusalem.

Nau Vay Nkah Tay 32:9

Yorlah kô̆ prăp ma Brah Yêhôva jêng phung ƀon lan Păng, Y-Yakôb jêng drăp ndơn prăp ma Păng.