Yêrêmi 10:10 - Nau Brah Ndu Ngơi 2023

¹⁰ Ƀiălah Brah Yêhôva jêng Brah Ndu nanê̆ ngăn; Păng jêng Brah Ndu gŭ rêh mro mrăng, jêng Hađăch n'ho ro. Neh ntu n'gơ n'găr dôl Păng hao ji nuih, Phung ƀon lan mâu dơi dơn ôh nau ji nuih Păng.

Yêrêmi 10:10 Iomraidhean Croise

Nau Ntơm 21:33

Y-Abraham tăm du tơm mĭl ta Bêr-Sêba, jêh ri ta nây păng kuăl mbơh sơm ma amoh Brah Yêhôva, jêng Brah Ndu gŭ rêh n'ho ro.

I Phung Hađăch 18:39

Saơ nau nây, lĕ rngôch phung ƀon lan chon mon tâm neh jêh ri nter lah: “Brah Yêhôva jêng Brah Ndu! Brah Yêhôva jêng Brah Ndu!”

I Phung Hađăch 8:60

gay ăn lĕ rngôch ntil mpôl bunuyh ta klơ neh gĭt ma Brah Yêhôva jêng Brah Ndu, mâu hôm geh brah êng ôh.

I Nau Rêh Jêng 29:11

Hơi Brah Yêhôva! May toyh ngăn, nau brah ngăn, nau chrêk rmah, nau dơi, jêh ri nau hit rnam khư ma May; yorlah lĕ rngôch ndơ klơ lĕ ndâr trôk jêh ri tâm neh ntu jêng ndơ May da dê. Hơi Brah Yêhôva! Ƀon bri hađăch jêng ndơ May; hên yơk ma May jêng Kôranh Brah ta klơ lĕ rngôch.

II Nau Rêh Jêng 15:3

Hŏ jŏ năm jêh, phung Israel mâu chroh ngăn ôh ma Brah Ndu, mâu geh du huê kôranh ƀư brah ntĭm nti ma khân păng, ăt mâu geh lĕ nau vay.

Ndrom Samƀŭt bơh Yôp 9:6

Păng ƀư mbon neh n'găr mpât, Jêh ri lĕ meh păng n'goh n'gơ;

Nau Mprơ Ơm 10:16

Brah Yêhôva ƀư hađăch tât ƀaƀơ n'ho ro; Lĕ bri dak bu mra ƀư rai tă bơh neh Păng.

Nau Mprơ Ơm 100:3

Ăn gĭt pô aơ Yêhôva jêng Brah Ndu. Păng yơh njêng jêh he, he jêng ndơ Păng; He jêng phung ƀon lan Păng, jêng phung biăp tâm ndrêch gơ̆ Păng.

Nau Mprơ Ơm 100:5

Yorlah Brah Yêhôva jêng ueh, Nau ueh Păng hôm geh mro mrăng Jêh ri nau răp jăp Păng hôm gŭ n'ho ro.

Nau Mprơ Ơm 104:32

Păng uănh ma neh, neh mpât n'gơ; Păng pah tât yôk, yôk luh nhhŭk ŭnh.

Nau Mprơ Ơm 114:7

Ơ neh ntu, râm sâr hom tanăp Kôranh Brah, Tanăp Brah Ndu Yakôb,

Nau Mprơ Ơm 145:13

Ƀon bri hađăch May jêng ƀon bri hađăch n'ho ro, Nau May chiă uănh gŭ mro tă bơh rơh aơ tât rơh ri.

Nau Mprơ Ơm 146:6

Păng jêng Nơm rhăk njêng trôk jêh ri neh ntu, Dak Mƀŭt jêh ri lĕ rngôch mpa tâm khân păng; Păng djôt prăp nau răp jăp n'ho ro.

Nau Mprơ Ơm 18:7

Rnôk aơ neh ntu n'găr mpât, Mbon lĕ yôk n'gơ n'găr tâm ban lĕ yorlah Păng ji nuih ngăn.

Nau Mprơ Ơm 29:10

Brah Yêhôva gŭ ta klơ dak lip; Di yơh, Brah Yêhôva gŭ ta klơ sưng hađăch tât n'ho ro.

Nau Mprơ Ơm 31:5

Gâp jao huêng gâp tâm ti Kôranh Brah; Ơ Brah Yêhôva jêng Brah Ndu nanê̆ ngăn, May hŏ chuai gâp jêh.

Nau Mprơ Ơm 42:2

Huêng gâp ji hir ma Brah Ndu, Jêng Brah Ndu gŭ rêh mro mrăng. Ndah jŏ gâp mra văch Jêh ri dơi mâp tanăp Brah Ndu?

Nau Mprơ Ơm 68:11

Kôranh Brah ntrŭnh nau ntăm, Du phung bu ur hăn mbơh Nau Mhe Mhan Ueh pô aơ:

Nau Mprơ Ơm 68:8

Pôri neh ntu mpât n'gơ, lĕ ndâr trôk nkhŭt dak mih Tanăp măt Brah Ndu, jêng Nơm Sinai, Tanăp măt Brah Ndu, jêng Brah Ndu phung Israel.

Nau Mprơ Ơm 74:12

Nđâp lah pônây, bơh kăl e, Brah Ndu jêng Hađăch gâp May ƀư nau tâm rklaih lam neh ntu.

Nau Mprơ Ơm 76:7

Du huê May yơh khư ma bu klach; Nau May hao ji nuih, Mbu nơm dơi gŭ tanăp May?

Nau Mprơ Ơm 76:8

Tă bơh klơ trôk, May ntrŭnh nau phat dôih, Pôri neh ntu klach jêh ri gŭ rklăk.

Nau Mprơ Ơm 77:18

Nteh nglaih May rdah gŭ tâm sial hĭt; Lơp nglaih nchrat tâm neh ntu; Neh ntu n'găr jêh ri nsâr.

Nau Mprơ Ơm 84:2

Huêng gâp ŭch ngăn kŏ tât huăr hươi Ma nkual nhuang Brah Yêhôva; Nuih n'hâm jêh ri nglay săk gâp hă bâr mprơ tâm rnê Ma Brah Ndu gŭ rêh mro mrăng.

Nau Mprơ Ơm 9:8

Păng mra phat dôih neh ntu tĭng nau sŏng srăng, Sŏk nau di jêh ri phat dôih phung ƀon lan.

Nau Mprơ Ơm 90:11

Mbu dơi gĭt nau ktang nau May ji nuih? Mbu dơi gĭt rbăng nau May ji nuih gay ntop nau klach yơk ma May?

Nau Mprơ Ơm 90:2

Êlor bu deh ma phung yôk, Neh jêh ri neh ntu dơi rhăk njêng, Bơh rnôk kăl e kŏ tât n'ho ro mâu blau lôch May jêng Brah Ndu.

Nau Mprơ Ơm 93:2

Sưng hađăch May njêng nâp jêh bơh rnôk kăl e; May gŭ bơh n'ho ro.

Nau Mprơ Ơm 97:4

Lơp nglaih Păng sol ang neh ntu; Neh ntu saơ jêh ri mpât n'gơ.

Êsai 37:17

Ơ Brah Yêhôva, rkêng hom tôr jêh ri iăt! Ơ Brah Yêhôva, lin hom măt jêh ri uănh treng! Iăt hom lĕ rngôch nau ngơi Y-Sênakêrip njuăl tât gay mưch rmot ma Brah Ndu gŭ rêh mro mrăng.

Êsai 37:4

N'hêl nanê̆ Yêhôva Brah Ndu may hŏ tăng jêh nau Y-Rabshakeh ngơi, kôranh păng jêng hađăch Asiri hŏ prơh păng hăn tât gay mưch rmot Brah Ndu gŭ rêh mro mrăng; jêh ri Yêhôva Brah Ndu may mra rmal ma khân păng tĭng nâm nau Păng tăng jêh. Yor nây, ăn may mbơh sơm hom ma phung hôm klen ta aơ!’”

Êsai 40:15

Aơ, lĕ bri dak jêng tâm ban ma du ntruh dak tâm thŭng, Tâm ban ma ndruyh neh ta klơ njing; Aơ, Păng mpư lĕ gôl dak mƀŭt hao tâm ban mpư du ndơ jê̆.

Êsai 40:28

May mâu gĭt hĕ? May mâu tăng hĕ? Brah Yêhôva jêng Brah Ndu gŭ n'ho ro, Nơm hŏ rhăk njêng jêh lĕ rngôch bri neh, Mâu hŏt rgănh ôh, mâu lĕ rdja; Bu mâu dơi sek uănh ôh lĕ nau Păng gĭt rbăng.

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Êsai 65:16

Yor nây, mbu ta klơ neh ntu mbơh sơm nau ueh lăng ma păng nơm Mra sŏk amoh Brah Ndu nanê̆ ngăn ma nau mbơh sơm; Jêh ri mbu ta klơ neh tâm ton Mra sŏk amoh Brah Ndu nanê̆ ngăn ma nau tâm ton. Yorlah nau rêh ni kăl e chuêl jêh, Jêh ri mâu hôm mpơl tanăp măt Gâp.”

Yêrêmi 23:36

Nôk nây, khân may mâu dơi ngơi tât, ‘nau ngơi bơh Brah Yêhôva ƀư jâk’ đŏng ôh; yorlah bu nơm ngơi jêng jâk ăn bunuyh nây, yorlah khân may hŏ nsak nkhăng nau Brah Ndu gŭ rêh mro mrăng, jêng Brah Yêhôva ma phung tahan, Brah Ndu he.

Yêrêmi 4:2

Tơlah may tâm amoh ‘Brah Yêhôva gŭ rêh mro mrăng’ Sŏk nau ton n'hêl nanê̆, nau di jêh ri nau sŏng srăng, Pôri lĕ rngôch bri dak Păng mra dơi ăn nau ueh uĭn Jêh ri dơi geh nau chrêk rmah tâm Păng.”

Yêrêmi 4:24

Gâp n'gơr uănh lĕ yôk, khân păng mâu mpât n'gơ da dê, Ăp dor prêh n'găr nsâr da dê.

Yêrêmi 50:46

Nteh rlâm tŭp ƀon Babilôn ƀư n'găr neh ntu, jêh ri nter khân păng tăng lam tât ma lĕ rngôch bri dak.

Yêrêmi 51:29

Neh n'gơ n'găr jêh ri rngot rvê Yorlah nau Yêhôva nkra ŭch ƀư ma ƀon Babilôn hŏ tât ngăn jêh, Gay ƀư ma bri Babilôn jêng rngol, Mâu geh bunuyh gŭ ta nây ôh.

Daniel 4:3

Ơ! Lĕ nau mbên klay Păng toyh ngăn ngên, Lĕ nau khlay Păng mâu blau ntĭt ôh! Ƀon bri hađăch Păng jêng ƀon bri hađăch n'ho ro, Nau Păng chiă uănh gŭ tâm lĕ rngôch rnôk.”

Daniel 4:34

Tơlah lôch jêh nar nây, gâp, Y-Nêbukatnetsar, n'gơr măt ta klơ trôk, nau gĭt rbăng plơ̆ sĭt tay, gâp tâm rnê lah ueh ma Nơm Dŭt Prêh. Gâp mprơ tâm rnê jêh ri mât ton Nơm Rêh N'ho Ro. Nau dơi Păng chiă uănh jêng nau dơi n'ho ro, Ƀon bri hađăch Păng ntơm bơh rnôk aơ tât rnôk ri.

Daniel 6:26

Gâp ăn samƀŭt nau ntrŭnh pô aơ ta lam ntŭk tâm ƀon bri hađăch gâp lĕ rngôch bunuyh mra yơk mbah jêh ri râm nsâr klach tanăp Brah Ndu Y-Daniel Yorlah Păng jêng Brah Ndu gŭ rêh mro mrăng Jêh ri hôm gŭ rêh n'ho ro. Ƀon bri hađăch Păng mâu blau rai lôch ôh, Nau Păng chiă uănh mra dŭt toyh mâu blau lôch ôh.

Daniel 6:27

Păng tâm chuai jêh ri rklaih, Ƀư lĕ nau mbên nau khlay ndâp tâm trôk jêh ri ta neh ntu; Păng nơm tâm rklaih Y-Daniel Bơh neng nheh yau mŭr.”

Daniel 7:14

Nơm Gŭ Rêh Bơh Rnôk Kăl E ăn ma nơm nây nau dơi chiă uănh, Nau chrêk rmah jêh ri ƀon bri hađăch. Ma lĕ rngôch phung ƀon lan, lĕ rngôch bri dak, lĕ rngôch nau ngơi Pah kan ma nơm nây da dê. Nau Păng chiă uănh jêng nau dơi n'ho ro, Mâu mra rlau lôch ôh, Jêh ri ƀon bri hađăch Păng mâu mra rai ôh, Mâu mra rai ôh.”

Yôel 2:11

Brah Yêhôva ƀư nau Păng ngơi nteh huy tanăp phung tahan Păng, Yorlah pôih tahan Păng âk ngăn jêh ri âk ngăn ngên phung ƀư tĭng nau Păng ntăm ktang ngăn. Nar Brah Yêhôva toyh ngăn ngên jêh ri di ma klach ngăn, Mbu nơm dơi dơn?

Mika 1:4

Lĕ yôk mra lêk hoch tâm dâng Păng, Lĕ rlŭng mra đang Nâm bu jrêng sŭt gŭ panăp ŭnh, Nâm bu dak hoch jŭr sop.

Nahum 1:5

Yor tă Kôranh Brah, gôl yôk n'găr n'gơ, Lĕ yôk chah rai da dê; Tanăp măt Păng, rplay neh jêh ri neh ntu Nđâp ma lĕ rngôch phung ƀon lan gŭ ta klơ neh dâk da dê.

Nahum 1:6

Mbu nơm dơi dâk tanăp nau Păng ji nuih? Mbu nơm dơi srôih dơn nau Păng duh nuih? Nau Păng ji nuih nkhŭt nâm bu ŭnh sa, Lĕ lŭ toyh mra chah yor tă bơh Păng.

Habakuk 3:10

Lĕ rngôch yôk saơ Păng klach krit da dê; Lĕ n'hor dak hoch thăng ngăn Hoch rbuh mro mrăng, Brŏng jru nteh n'gôr dak, jêh ri yơr ti leo klơ.

Habakuk 3:6

Păng dâk, ƀư n'găr n'gơ rplay neh; Păng uănh, ƀư ma phung mpôl băl bunuyh râm sâr; Phung yôk ntơm bơh rnôk saơm chah rai da dê, Lĕ gôl yôk gŭ lĕ jŏ rnôk rlâm da dê. Trong Păng hôm tâm ban kăl e.

Malachi 3:2

Ƀiălah mbu nơm dơi dơn nar Păng văch? Mbu nơm dơi dâk lah păng tâm mpơl? Yorlah Păng jêng nâm bu ŭnh bunuyh blau krĕt prăk, nâm bu buh bunuyh blau ƀư kloh bok.

Mathay 16:16

Y-Simôn Pêtrôs ơh: “May jêng Brah Krist, Kon Brah Ndu gŭ rêh mro mrăng.”

Mathay 26:63

Ƀiălah Brah Yêsu ăt gŭ rklăk. Kôranh ƀư brah toyh lơn lah ma păng: “Gâp đă may tâm amoh Brah Ndu gŭ rêh mro mrăng ma nau sơm ton jêh ri lah ma hên gĭt, di lĕ may jêng Brah Krist, Kon Brah Ndu?”

Yôhan 17:3

Nau rêh n'ho ro jêng nau gĭt năl Mbơ̆ jêng Brah Ndu knŏng nguay jêh ri nau nanê̆ ngăn, ndrel Yêsu Krist jêng Nơm Mbơ̆ hŏ njuăl jêh.

Kôranh Oh Mon 14:15

“Hơi phung bunuyh! Mâm ƀư khân may ƀư pônây? Hên knŏng jêng kon bunuyh, tâm ban ma khân may lĕ. Hên mbơh nkoch Nau Mhe Mhan Ueh gay ma khân may chalơi phung brah dơm dam ri jêh ri plơ̆ sĭt ma Brah Ndu rêh mro mrăng, jêng Nơm rhăk njêng trôk, neh ntu, dak mƀŭt, jêh ri lĕ rngôch mpa tâm nây.

Nau Vay Nkah Tay 32:4

Păng jêng Lŭ Toyh, nau kan Păng jêng rah vah ngăn, Yorlah lĕ rngôch trong Păng jêng nau di. Brah Ndu Nơm răp jăp jêh ri mâu geh nau tih ôh, Nau di jêh ri nau sŏng ƀaƀơ.

Nau Vay Nkah Tay 5:26

Yorlah mbu nơm tâm phung bunuyh tăng jêh bâr Brah Ndu gŭ rêh mro mrăng ngơi tă bơh tâm nklang ŭnh nâm bu phung hên ƀiălah hôm rêh?

I Têsalônik 1:9

Yorlah khân păng hŏ nkoch jêh bri nau khân may vơt rom hên, jêh ri mâm nau khân may hŏ plơ̆ sĭt ma Brah Ndu, chalơi jêh rup brah gay pah kan ma Brah Ndu rêh jêh ri nanê̆ ngăn,

I Timôthê 1:17

Dăn nau yơk jêh ri nau chrêk rmah n'ho ro mâu blau lôch jêng ndơ ma Hađăch lĕ rngôch rnôk, mâu blau khĭt, mâu geh rup, nâm bu ntĭt Brah Ndu, knŏng nguay! Amen.

I Timôthê 6:17

Nti nkah hom ma phung ndrŏng gŭ tâm neh ntu aơ lơi sưr rlau jêh ri lơi dơm nau kâp gân ma drăp ndơ mâu nanê̆, ƀiălah dơm hom nau kâp gân tâm Brah Ndu, jêng Nơm ăp nar ăn ma lĕ rngôch ndô ndơ tâm nau rmeh ler gay ma he maak sŏk dơn.

ហេឞ្រើ 10:31

Tŭp tâm ti Brah Ndu rêh jêng nau klach krit ngăn.

Yôsuê 3:10

Jêh ri Y-Yôsuê lah: “Yor nau nây, khân may mra gĭt ma Brah Ndu gŭ rêh mro mrăng gŭ ta nklang khân may, Păng mra mprơh lĕ phung Kanaan, phung Hitit, phung Hivit, phung Pêrisit, phung Girgasit, phung Amôrit, jêh ri Jêbusit du tă bơh năp khân may.

I Yôhan 5:20

He gĭt lĕ ma Kon Brah Ndu văch jêh, jêh ri ăn nau gĭt rbăng ma he gay ma he gĭt năl Păng jêng Nơm nanê̆ ngăn; he gŭ tâm Nơm nanê̆ ngăn, jêng gŭ tâm Kon Păng jêng Brah Yêsu Krist. Păng yơh jêng Brah Ndu nanê̆ ngăn jêh ri jêng nau rêh n'ho ro.

Nau Tâm Mpơl 20:11

Nôk nây gâp saơ du mlâm sưng hađăch toyh jêh ri nglang ndrel ma Nơm gŭ ta sưng hađăch. Tanăp măt Păng neh ntu jêh ri trôk du lĕ, mâu hôm saơ geh ntŭk ma khân păng ôh.

Phung Kôranh Phat Dôih 5:4

Hơi Brah Yêhôva! Dôl May hăn luh bơh Sêir, Dôl May hăn găn neh lâng Êđôm, Ri mơ neh ntu n'găr mpât, Jêh ri trôk nkhŭt dak mih, Ndâr tŭk ăn tŭp dak mih.

I Samuel 17:26

Y-Đavit lah ma phung gŭ êp păng: “Moh ndơ bu mra nkhôm ma nơm dơi nkhĭt bu klâu Philistin aơ, jêh ri sŏk lơi nau bêk prêng tă bơh phung Israel? Yorlah bu klâu Philistin aơ, nơm mâu koh ntâu ôh mbu moh păng jêng, dĭng nănh rlong nuih phung tahan Brah Ndu gŭ rêh mro mrăng?”

I Samuel 17:36

Oh mon may hŏ nkhĭt jêh yau mŭr jêh ri kau, pônây bu klâu Philistin mâu geh koh ntâu ri mra jêng tâm ban nây lĕ, yorlah păng nănh rlong nuih phung tahan Brah Ndu gŭ rêh mro mrăng.”