Yêrêmi 1:9 - Nau Brah Ndu Ngơi 2023

⁹ Pôri Brah Yêhôva yơr ti bi ta mbung gâp. Brah Yêhôva lah ma gâp: “Aơ, Gâp hŏ dơm jêh nau Gâp tâm mbung may.

Yêrêmi 1:9 Iomraidhean Croise

Êsai 49:2

Păng ƀư ăn trôm mbung gâp jêng tâm ban ma đao hơr ngăn, Păng pôn jêh gâp tâm gui ti Păng. Păng ƀư ma gâp tâm ban chiông hăr mplanh, Jêh ri Păng pôn jêh gâp tâm dĭng hăr Păng.

Êsai 50:4

Kôranh Brah Yêhôva ăn jêh ma Gâp Mpiăt phung nti jêh, Gay ma Gâp blau ngơi N'hao nuih phung rgănh. Ăp ôi Păng rlay Gâp, Păng pơk tôr Gâp Gay ma Gâp gŭ iăt tâm ban ma nơm nti.

Êsai 51:16

Gâp dơm jêh nau gâp ngơi tâm trôm mbung may, Jêh ri pôn jêh may tâm dâng gui ti Gâp, Tâm nôk ndâk lĕ ndâr trôk, Dơm mbon rplay neh, Jêh ri lah ma ƀon Siôn pô aơ: ‘Khân may jêng phung ƀon lan Gâp.’”

Êsai 59:21

Brah Yêhôva lah: “Bi Gâp be, aơ jêng nau tâm rnglăp Gâp ƀư đah khân păng: ‘Brah Huêng Ueh Gâp gŭ ta klơ khân may, jêh ri lĕ nau Gâp ngơi hŏ dơm jêh tâm trôm mbung khân may mâu mra du bơh trôm mbung khân may ôh, tâm trôm mbung phung noi deh khân may, jêh ri tâm trôm mbung phung sau khân may, ntơm bơh aƀaơ tât ta n'ho ro!’ ” Brah Yêhôva lah kơt nĕ.

Yêrêmi 15:19

Yor nây, Brah Yêhôva lah: “Tơlah may plơ̆ sĭt tay, Gâp mra njêng tay may, Ăn may dâk tanăp măt Gâp; Tơlah may ƀư nau khlay cha bơh nau lă lêng, Pôri may mra jêng nâm bu bâr mbung Gâp. Khân păng plơ̆ sĭt ma may, Ƀiălah may mâu plơ̆ sĭt ma khân păng.

Yêrêmi 34:6

Nơm mbơh lor Y-Yêrêmi ngơi lĕ nau nây ma Y-Sêdêkia, hađăch Yuđa, tâm ƀon Yêrusalem,

Yêrêmi 36:2

“May sŏk hom du ndrom samƀŭt jêh ri nchih ta nây lĕ rngôch nau Gâp hŏ lah jêh đah may ma phung Israel, phung Yuđa, jêh ri ma lĕ rngôch bri dak, ntơm bơh nar Gâp lah jêh ma may bơh rnôk Y-Jôsia kŏ tât nar aơ.

Yêrêmi 5:14

Yor nây, Yêhôva Brah Ndu ma phung tahan lah: “Yorlah khân may hŏ ngơi lĕ nau nây, Pô aơ, Gâp mra ƀư nau ngơi Gâp nâm bu ŭnh tâm mbung may, Ƀon lan aơ mra nâm bu long, jêh ri ŭnh nây mra sa rvăn khân păng.”

Êsêkiêl 3:10

Păng lah đŏng ma gâp pô aơ: “Hơi kon bunuyh, dơn hom tâm nuih n'hâm jêh ri iăt ma trôm tôr lĕ rngôch nau Gâp mra ngơi ma may.

Daniel 10:10

Rnôk nây, geh du mpang ti pah ta gâp, rdâk gâp dâk tơlah kômâk jêh ri ti gâp râm sâr.

Daniel 10:16

Aơ, geh du huê nơm săk jăn tâm ban ma lĕ kon bunuyh văch pah mbung gâp. Gâp hă trôm mbung ro jêh ri dơi ngơi. Gâp lah ma nơm gŭ tanăp gâp: “Ơ kôranh, nau tâm saơ ƀư ma gâp ji ngăn jêh ri gâp hŏ huăr ngăn jêh.

Nau Kơp Bunuyh 23:5

Brah Yêhôva dơm nau ngơi tâm trôm mbung Y-Balaam jêh ri lah: “Plơ̆ sĭt hom ma Y-Balak jêh ri ngơi pô aơ.”

Mathay 10:19

Ƀiălah tơlah nhŭp njŭn khân may, lơi rvê ôh khân may mra ngơi mâm nau, mâu lah moh nau mra lah; tâm mông nây, lĕ nau khân may ngơi mra mpơl ma khân may.

Markôs 7:33

Păng djôt leo bunuyh nây luh bơh phung âk, dơm nglau ti Păng lăp bar tôr păng jêh ri soh dak diu lĭp ta mpiăt păng.

Luka 12:12

yorlah ta mông nây, Brah Huêng Ueh mra nti ma lĕ nau khân may mra lah.”

Luka 21:15

Yorlah Gâp mra ăn ma khân may nau ngơi jêh ri nau blau mĭn, ƀiălah mâu geh phung rlăng dơi tâm rdâng jêh ri tâm rlăch đah khân may ôh.

Nau Vay Nkah Tay 18:16

Nây jêng nau khân may hŏ mbơh sơm dăn jêh ma Yêhôva Brah Ndu ta Hôrep ta nar tâm rƀŭn: ‘Lơi ăn hên tăng bâr Yêhôva Brah Ndu mâu lah saơ ŭnh hit aơ đŏng ôh, klach lah hên mra khĭt!’

Nau Vay Nkah Tay 18:17

Rnôk nây Brah Yêhôva lah ma gâp: ‘Khân păng ngơi jêng di ngăn.

Nau Vay Nkah Tay 18:18

Tă bơh nklang phung oh nâu khân păng, Gâp mra n'hao ma khân păng du huê nơm mbơh lor nâm bu may. Gâp mra dơm nau Gâp ngơi tâm mbung bunuyh nây, jêh ri bunuyh nây mra ngơi ma khân păng lĕ nau Gâp ntĭnh jêh.