Yêrêmi 1:8 - Nau Brah Ndu Ngơi 2023

⁸ Lơi klach khân păng ôh, Yorlah Gâp gŭ ndrel may gay tâm rklaih may.” Brah Yêhôva lah pônây.

Yêrêmi 1:8 Iomraidhean Croise

Nau Ngluh Êjipt 3:12

Brah Ndu lah: “Gâp mra gŭ ndrel ma may. Aơ jêng nau tâm mbên gay ma may gĭt nal Gâp hŏ đă may hăn: Jêh may hŏ njŭn leo phung ƀon lan luh bơh n'gor Êjipt, jêh ri khân may mra yơk mbah Brah Ndu ta klơ yôk aơ.”

Êsai 43:2

Tơlah khân may rgăn lĕ n'hor dak, Gâp mra gŭ ndrel may; Lah may re rgăn dak krong, mâu mra hoch rdu. Lah may chuat rgăn tâm ŭnh, mâu mra ŭnh sa ôh, Mpiăt ŭnh mâu sa may.

Êsai 51:12

“Gâp, Gâp yơh jêng Nơm bonh khân may. Mbu nơm may dĭng may klach ma bunuyh blau khĭt, Klach phung kon bunuyh jêng phung mra tâm ban ma gơ̆?

Êsai 51:7

Ơ phung gĭt nau sŏng, iăt hom Gâp! Khân may jêng phung nchih nau vay Gâp tâm nuih n'hâm; Lơi klach ôh ma nau bunuyh nduyh, Mâu lĕ krit kir ma nau khân păng suai rak.

Yêrêmi 1:17

Ƀiălah du huê kon, vân hom rse bŭt jêh ri gơnh ro ngơi đah khân păng ăp ntil nau Gâp ntăm jêh ăn may. Lơi ta klach krit ôh khân păng klach lah Gâp nơm yơh ƀư ăn may klach krit tanăp măt khân păng.

Yêrêmi 1:19

Khân păng tâm lơh đah may ƀiălah mâu dơi ôh — Brah Yêhôva lah pônây — yorlah Gâp gŭ ndrel ma may gay tâm rklaih may.”

Yêrêmi 20:11

Ƀiălah Brah Yêhôva gŭ ndrel ma gâp nâm bu du huê tahan janh ktang ma klach ngăn; Yor nây phung ƀư mhĭk ma gâp mra chêh prah, Mâu mra dơi đah gâp ôh. Khân păng mâu mra dơi ôh Jêh ri prêng hâu ngăn ngên, Nau prêng n'ho ro, Mâu dơi chuêl ôh.

Yêrêmi 30:11

Brah Yêhôva lah: ‘Yorlah Gâp gŭ ndrel ma may gay tâm rklaih may; Gâp mra ƀư rai lĕ bri dak Gâp hŏ nchah rai khân may tât ta nây, Ƀiălah đah may Gâp mâu ƀư rai lĕ ôh. May mâu mra der luh bơh nau tâm rmal Ƀiălah Gâp mra nduyh nkra may ma nau di.’

Yêrêmi 39:11

Y-Nêbukatnetsar, hađăch Babilôn, ntrŭnh nau ăn ma Y-Nêbusaradan kôranh phung tahan gak, ma nau Y-Yêrêmi, lah pô aơ:

Yêrêmi 42:11

Lơi ta klach ôh ma hađăch Babilôn, jêng ma nơm khân ay may klach; Brah Yêhôva lah, lơi klach ôh ma hađăch nây, yorlah Gâp gŭ ndrel ma khân ay may gay koh dŏng jêh ri tâm rklaih khân may tă bơh ti hađăch nây.

Daniel 3:17

Tơlah bu klŭp hên tâm ŭnh năk, pônây ơ hađăch, Brah Ndu nơm hên yơk mbah mra dơi tâm rklaih hên klaih bơh ŭnh năk jêh ri bơh ti may.

Daniel 3:25

Hađăch lah tay: “Ri, gâp saơ puăn nuyh mâu geh chăp hăn ta nklang ŭnh mâu geh nau sôt ôh; jêh ri muh măt nơm rơh puăn nây jêng nâm bu du huê kon bu klâu phung brah.”

Mathay 10:26

Pôri, khân may lơi klach ôh khân păng; yorlah mâu geh ôh moh ndơ pôn mo mâu mpơl; mâu geh ôh moh ndơ ndâp mâu ăn bu gĭt.

Mathay 28:20

jêh ri ntĭm nti ăn khân păng djôt prăp lĕ nau Gâp ntăm jêh ma khân may. Jêh ri aơ, Gâp hôm gŭ ndrel ma khân may ƀaƀơ kŏ tât nar lôch.”

Kôranh Oh Mon 18:10

Gâp gŭ ndrel ma may, mâu geh du huê tâm rdâng, ƀư djơh ma may ôh, yorlah Gâp geh âk bunuyh tâm ƀon aơ.”

Kôranh Oh Mon 26:17

Gâp mra rklaih may tă bơh tâm phung mpôl băl aơ jêh ri phung bu năch jêng ntŭk Gâp mra njuăl may hăn văch

Kôranh Oh Mon 4:13

Lah khân păng saơ nau janh Y-Pêtrôs jêh ri Y-Yôhan, gĭt rah vah bar hê khân păng jêng phung ƀon lan dơm, mâu mâp nti ôh, khân păng hih rhâl da dê jêh ri gĭt năl jêh bar hê khân păng nây hŏ tă gŭ ndrel ma Brah Yêsu.

Kôranh Oh Mon 4:29

Aƀaơ aơ, dăn Kôranh Brah sek uănh nau khân păng thăm rmat jêh ri ăn ma phung oh mon May mbơh nau May ngơi ma nau janh.

Êphêsô 6:20

yor Nau Mhe Mhan Ueh nây, gâp jêng nơm mbơh tâm rse rvăk. Dăn mbơh sơm hom gay ma gâp geh nau janh mbơh Nau Mhe Mhan Ueh nây nâm bu ăn gâp ngơi.

Nau Vay Nkah Tay 31:6

Ăn dăng ktang jêh ri janh nănh! Lơi ta klach, lơi ir krit tanăp măt phung ƀon lan nây, yorlah Yêhôva Brah Ndu khân may yơh hăn ndrel ma khân may. Păng mâu mra tâm nkhah ôh bơh ma khân may, mâu lĕ chalơi khân may!”

Nau Vay Nkah Tay 31:8

Brah Yêhôva Nơm mra hăn lor ma may; Păng mra gŭ ndrel ma may, mâu mƀăr may, mâu lĕ chalơi may. Lơi ta klach jêh ri lơi ir krit ôh!”

Yôsuê 1:5

Du bông nau rêh may mâu mra geh ôh nơm dơi tâm rdâng đah may. Gâp mra gŭ ndrel ma may tâm ban Gâp hŏ gŭ ndrel jêh ma Y-Môis; Gâp mâu mra ƀah ngai đah may ôh, mâu chalơi may.

Yôsuê 1:9

Mâu di Gâp hŏ ntĭnh jêh ma may? Janh ktang hom, nănh! Lơi râm sâr, lơi klach ôh! Yorlah Yêhôva Brah Ndu may gŭ ndrel ma may tâm ăp ntŭk may hăn.”