Yêrêmi 1:7 - Nau Brah Ndu Ngơi 2023

⁷ Ƀiălah Brah Yêhôva lah ma gâp: “Lơi ngơi: ‘May hôm e mom ndăm;’ Yorlah may mra hăn lam moh ntŭk Gâp đă may hăn, Jêh ri mra ngơi lĕ nau Gâp ntăm may ngơi.

Yêrêmi 1:7 Iomraidhean Croise

I Phung Hađăch 22:14

Ƀiălah Y-Mika plơ̆ lah: “Gâp sŏk amoh Brah Yêhôva gŭ rêh mro mrăng gay sơm ton, gâp mra ngơi moh nau Brah Yêhôva lah ma gâp.”

I Phung Hađăch 3:7

Aƀaơ aơ, hơi Brah Yêhôva jêng Brah Ndu gâp, Kôranh Brah nơm hŏ ƀư ăn ma oh mon May gŭ ta sưng hađăch chiă uănh thoi ntrok Y-Đavit, mbơ̆ gâp, nđâp lah gâp jêng knŏng du huê kon se jê̆ mâu gĭt ôh mâm nau mât uănh bri dak.

II Nau Rêh Jêng 18:13

Ƀiălah Y-Mika plơ̆ lah: “Tĭng nâm Brah Yêhôva gŭ rêh mro mrăng! moh nau Brah Ndu gâp lah, gâp mra ngơi nau nây.”

Nau Ngluh Êjipt 6:29

Brah Yêhôva hŏ lah jêh ma Y-Môis: “Gâp jêng Brah Yêhôva. Nkoch hom ma Pharaôn, hađăch Êjipt lĕ rngôch nau Gâp hŏ ngơi ma may.”

Yêrêmi 26:2

Brah Yêhôva lah pô aơ: “May gŭ dâk hom tâm ndring ngih Brah Yêhôva, mbơh lĕ rngôch nau Gâp ntĭnh jêh ăn ma may mra ngơi ma lĕ rngôch phung ƀon lan n'gor Yuđa hŏ văch yơk mbah tâm ngih Brah Yêhôva; mâu n'hŭch du rplay nau ngơi ôh.

Yêrêmi 43:1

Lôch jêh nau Y-Yêrêmi nkoch ma lĕ rngôch phung ƀon lan lĕ nau Yêhôva Brah Ndu, nây jêng lĕ rngôch nau ngơi Yêhôva Brah Ndu khân păng hŏ prơh jêh păng hăn nkoch tay ma khân păng tăng,

Yêrêmi 7:27

“Pônây, may mra ngơi ma khân păng lĕ rngôch nau aơ, ƀiălah khân păng mâu mra iăt may ôh. May mra kuăl, ƀiălah khân păng mâu plơ̆ sĭt lah.

Êsêkiêl 2:7

Pôri may mbơh hom nau Gâp lah ma khân păng nđâp lah khân păng iăt mâu lah mâu, yorlah khân păng jêng phung tâm rdâng.

Êsêkiêl 3:27

Ƀiălah tơlah Gâp lah ma may, Gâp mra pơk trôm mbung may jêh ri may mra lah ma khân păng pô aơ: ‘Yêhôva Brah Ndu lah kơt aơ: Mbu nơm ŭch iăt, iăt hom; mbu nơm mâu ŭch iăt, lơi ta iăt ôh! Yorlah khân păng jêng du rplay ƀon vay mơng tâm rdâng.’”

Amôt 7:15

Brah Yêhôva nhŭp sŏk gâp tă bơh ntŭk chiăp biăp, jêh ri Brah Yêhôva lah ma gâp pô aơ: ‘Hăn mbơh lor hom ma phung ƀon lan Israel gâp.’

Yônais 3:2

“Dâk hom may, hăn tât ma Ninive ƀon toyh jêh ri mbơh ma păng nau Gâp hŏ nti lah jêh ma may.”

Nau Kơp Bunuyh 22:20

Dôl măng, Brah Ndu tât ma Y-Balaam jêh ri lah ma păng: “Yorlah phung nây văch jă, pôri may hăn hom ndrel ma khân păng, ƀiălah ăn may ƀư tĭng kơt lĕ nau Gâp ntĭnh ma may.”

Nau Kơp Bunuyh 22:38

Y-Balaam ơh nau ma Y-Balak pô aơ: “Aƀaơ, gâp văch jêh ma may, ƀiălah gâp geh lĕ nau dơi ngơi ƀaƀă aƀaơ ri? Gâp knŏng lah nau Brah Ndu dơm tâm trôm mbung gâp.”

Mathay 28:20

jêh ri ntĭm nti ăn khân păng djôt prăp lĕ nau Gâp ntăm jêh ma khân may. Jêh ri aơ, Gâp hôm gŭ ndrel ma khân may ƀaƀơ kŏ tât nar lôch.”

Kôranh Oh Mon 20:27

Yorlah gâp mbơh lĕ nau ŭch bơh Brah Ndu ma khân may, moh nau mâu prăp tay ôh.