Yêrêmi 1:5 - Nau Brah Ndu Ngơi 2023

⁵ “Êlor rhăk njêng may tâm trôm ndŭl mê̆, Gâp hŏ gĭt jêh may, Êlor may deh, Gâp hŏ prăp êng may; Gâp hŏ ndâk may ƀư nơm mbơh lor ma lĕ bri dak.”

Yêrêmi 1:5 Iomraidhean Croise

Nau Mprơ Ơm 139:15

Nôk May njêng gâp tâm ntŭk ndâp, May tanh gâp blau ir tâm ntŭk jru ir ngăn ta neh ntu, Pôri lĕ ntĭng nđăng gâp mâu dơi pôn tanăp May.

Nau Mprơ Ơm 139:16

Măt May hŏ saơ jêh nau săk jăn mâu geh rup gâp; Rnoh lĕ nar tâm nal ma may, Hŏ nchih jêh tâm ndrom samƀŭt May Nôk ê hŏ geh du nar tâm lĕ nar nây.

Nau Ngluh Êjipt 33:12

Y-Môis lah ma Brah Yêhôva: “Ơ Kôranh Brah, May hŏ lah jêh ma gâp: ‘Njŭn leo hom phung ƀon lan aơ’, ƀiălah May mâu ăn gâp gĭt ôh mbu May mra njuăl hăn ndrel ma gâp, nđâp lah May lah: ‘Gâp năl may ma amoh may, jêh ri may geh jêh nau yô̆ tanăp măt Gâp.’

Nau Ngluh Êjipt 33:17

Brah Yêhôva lah ma Y-Môis: “Gâp mra ƀư nau may dăn ma Gâp, yorlah may geh jêh nau yô̆ tanăp măt Gâp, jêh ri Gâp gĭt năl may ma amoh may nơm.”

Êsai 44:2

Brah Yêhôva jêng Nơm njêng jêh may, Hŏ mon jêh may tâm ndŭl me, jêh ri mra kơl may; Păng lah: Ơ phung Yakôb, oh mon Gâp, Jêh ri Yêsurun, nơm Gâp săch jêh, lơi klach ôh!

Êsai 49:1

Ơ lĕ gôl dak mƀŭt, iăt hom gâp! Ơ phung ƀon lan gŭ ngai, rkêng hom tôr: Brah Yêhôva kuăl jêh gâp bơh ndŭl me, Păng nkah amoh gâp dôl gâp hôm tâm ndŭl me.

Êsai 49:5

Aƀaơ aơ, Brah Yêhôva, Nơm hŏ njêng jêh gâp jêng oh mon păng, bơh tâm ndŭl me, Gay ma gâp njŭn phung Yakôb plơ̆ sĭt ma Păng Jêh ri tâm rƀŭn phung Israel ma Păng; Yorlah gâp geh nau yơk tâm dâng măt Brah Yêhôva, Jêh ri Brah Ndu gâp jêng nau ktang gâp;

Yêrêmi 1:10

Uănh hom, nar aơ Gâp hŏ ndâk may djôt nau dơi đah lĕ mpôl bunuyh, lĕ bri dak, Gay may rôk tơm mâu lah ƀư rlâm, Ƀư rai mâu lah n'glưh lơi, Ndâk mâu lah brôi tăm.”

Yêrêmi 1:4

Nau Brah Yêhôva lah ma gâp pô aơ:

Yêrêmi 20:15

Khư ma nau rak rtăp ăn ma bunuyh mbơh nau mhe ăn ma mbơ̆ gâp: “May geh du huê kon, du huê kon bu klâu!” Ƀư ăn ma mbơ̆ gâp bêng ma nau hâk maak.

Yêrêmi 25:13

Gâp mra ƀư lĕ rngôch nau Gâp ngơi ma bri dak nây, lĕ rngôch nau nchih jêh tâm ndrom samƀŭt aơ, nây jêng nau Y-Yêrêmi hŏ mbơh lor jêh tâm rdâng đah lĕ rngôch bri dak.

Yêrêmi 36:2

“May sŏk hom du ndrom samƀŭt jêh ri nchih ta nây lĕ rngôch nau Gâp hŏ lah jêh đah may ma phung Israel, phung Yuđa, jêh ri ma lĕ rngôch bri dak, ntơm bơh nar Gâp lah jêh ma may bơh rnôk Y-Jôsia kŏ tât nar aơ.

Yêrêmi 50:34

Nơm Tâm chuai khân păng jêng ktang ngăn. Amoh Păng jêng Brah Yêhôva ma phung tahan. N'hêl nanê̆ Păng mra koh dŏng ma khân păng gay ăn nau đăp mpăn ma bri dak khân păng, ƀiălah ƀư rŭng răng ma phung gŭ tâm bri Babilôn.”

Luka 1:15

Yorlah kon se jê̆ nây mra dơi yơk tanăp Kôranh Brah, mâu nhêt ndrănh krăk ƀâu mâu lah dak ndơ nhêt geh ndrui, jêh ri mra dơi bêng ma Brah Huêng Ueh ntơm bơh hôm tâm ndŭl mê̆.

Luka 1:41

H'Êlisabet mhe tăng nau H'Mari mbah, kon tâm ndŭl mpât ro. H'Êlisabet dơi bêng ma Brah Huêng Ueh;

Luka 1:76

Hơi kon se jê̆, bu mra kuăl ma may jêng nơm mbơh lor ma Nơm Dŭt Prêh; May mra hăn tanăp Kôranh Brah, nkra trong ma Păng,

Yôhan 10:36

pôri Gâp yơh aơ, jêng Nơm Mbơ̆ prăp êng tâm nau kloh ueh jêh ri njuăl tât ta neh ntu, mâm ƀư khân may lah tay Gâp ngơi sưr rlau, nôk Gâp lah: ‘Gâp jêng Kon Brah Ndu’?

Samƀŭt Pôl Njuăl Ăn Ma Phung Nsing Ta Ƀon Rôm 1:1

Y-Pôl, oh mon Brah Yêsu Krist, Brah Ndu kuăl jêh ăn jêng kôranh oh mon jêh ri prăp êng ma Nau Mhe Mhan Ueh Brah Ndu,

Samƀŭt Pôl Njuăl Ăn Ma Phung Nsing Ta Ƀon Rôm 8:29

Yorlah phung bunuyh Păng gĭt năl jêh bơh lor, Păng tâm nal jêh ma khân păng plơ̆ jêng tâm ban ma rup Kon Păng, gay ma Kon nây jêng Kon bôk rah ma âk oh nâu.

I Kôrintô 8:3

Ƀiălah tơlah mbu nơm rŏng ma Brah Ndu, Brah Ndu gĭt năl jêh nơm nây.

Êphêsô 1:22

Păng dơm jêh lĕ rngôch ndơ tâm dâng jâng Brah Krist jêh ri njêng Brah Krist jêng bôk ma lĕ ntil ndơ yorlah Phung Ngih Brah Ndu.