Yêrêmi 1:19 - Nau Brah Ndu Ngơi 2023

¹⁹ Khân păng tâm lơh đah may ƀiălah mâu dơi ôh — Brah Yêhôva lah pônây — yorlah Gâp gŭ ndrel ma may gay tâm rklaih may.”

Yêrêmi 1:19 Iomraidhean Croise

Nau Mprơ Ơm 129:2

“Ntơm bơh gâp hôm jêng mom, khân păng vay tŭn jot gâp, Ƀiălah khân păng mâu mâp dơi đah gâp ôh.

Yêrêmi 1:18

Aơ nar aơ, Gâp nơm ndâk may hao ƀư du rplay ƀon nâp ktang, ƀư n'gâng loih, mpêr kông gay rdâng ma lĕ n'gor aơ, tâm rdâng lĕ hađăch Yuđa, lĕ phung kôranh, lĕ kôranh ƀư brah, jêh ri phung ƀon lan tâm n'gor.

Yêrêmi 1:8

Lơi klach khân păng ôh, Yorlah Gâp gŭ ndrel may gay tâm rklaih may.” Brah Yêhôva lah pônây.

Yêrêmi 11:19

Bi gâp, nâm bu du mlâm kon biăp rdơ̆ rbăn Bu têk leo tât ntŭk bu sreh nkhĭt. Gâp mâu gĭt khân păng ŭch nchră tâm rdâng ma gâp. Khân păng lah: “Ƀư rai hom nđâp ma tơm jêh ri play, Mƀăr lơi păng bơh neh phung gŭ rêh, Gay mâu hôm nơm nkah tât amoh păng đŏng ôh.”

Yêrêmi 11:21

Brah Yêhôva lah: “Ma phung Anathôt, phung ŭch nkhĭt nau rêh may, hŏ nkrit nhhu may pô aơ: ‘Tơlah may mâu ŭch khĭt tâm ti he pôri lơi sŏk amoh Brah Yêhôva ngơi mbơh lor đŏng ôh.’

Yêrêmi 18:18

Khân păng lah: “Kay lŏng, he nchră hom nau tâm rdâng ma Y-Yêrêmi. Yorlah kôranh ƀư brah mâu kƀah nau vay, bunuyh blau mĭn mâu kƀah ôh nau nkah nti, phung nơm mbơh lor mâu kƀah ôh nau mbơh. Văch hom, he mra dŏng mbung mpiăt he ngơi đah păng, lơi ta mĭn ntreng ôh lĕ nau păng ngơi.”

Yêrêmi 2:1

Geh nau Brah Yêhôva lah ma gâp:

Yêrêmi 20:10

Yorlah gâp tăng nau ngơi ƀŭk dŭk suyh: “Nau krit klach puăn mpeh! Phong hom! Ăn he phong hom păng!” Lĕ rngôch phung mĭt jiăng may Ŭch ma gâp chêh prah da dê. Khân păng lah: “Gĭt lah păng tŭp tâm nau ndơm, He mra dơi đah păng, Jêh ri plơng bôk păng.”

Yêrêmi 20:11

Ƀiălah Brah Yêhôva gŭ ndrel ma gâp nâm bu du huê tahan janh ktang ma klach ngăn; Yor nây phung ƀư mhĭk ma gâp mra chêh prah, Mâu mra dơi đah gâp ôh. Khân păng mâu mra dơi ôh Jêh ri prêng hâu ngăn ngên, Nau prêng n'ho ro, Mâu dơi chuêl ôh.

Yêrêmi 26:8

Dôl Y-Yêrêmi ngơi lĕ jêh nau Brah Yêhôva ntăm ma păng mra mbơh ăn ma lĕ rngôch phung ƀon lan, pôri phung kôranh ƀư brah, phung mbơh lor, jêh ri lĕ rngôch phung ƀon lan nhŭp rdâng păng da dê jêh ri lah: “Nanê̆ may mra khĭt!

Yêrêmi 30:11

Brah Yêhôva lah: ‘Yorlah Gâp gŭ ndrel ma may gay tâm rklaih may; Gâp mra ƀư rai lĕ bri dak Gâp hŏ nchah rai khân may tât ta nây, Ƀiălah đah may Gâp mâu ƀư rai lĕ ôh. May mâu mra der luh bơh nau tâm rmal Ƀiălah Gâp mra nduyh nkra may ma nau di.’

Yêrêmi 39:17

Brah Yêhôva lah: ‘Ƀiălah tâm nar nây, Gâp mra rklaih may, may mâu mra jao tâm ti phung bunuyh ƀư ăn may klach ôh.

Yêrêmi 42:11

Lơi ta klach ôh ma hađăch Babilôn, jêng ma nơm khân ay may klach; Brah Yêhôva lah, lơi klach ôh ma hađăch nây, yorlah Gâp gŭ ndrel ma khân ay may gay koh dŏng jêh ri tâm rklaih khân may tă bơh ti hađăch nây.

Yêrêmi 46:28

Brah Yêhôva lah: “Ơ phung Yakôb phung oh mon Gâp, lơi ta klach ôh, Yorlah Gâp gŭ ndrel ma may. Gâp mra ƀư rai lĕ rngôch bri dak Gâp hŏ mprơh may tât jêh; Bi ma may Gâp mâu mra ƀư rai lôch ôh, May mâu mra rklaih ôh bơh nau tâm rmal Ƀiălah Gâp mra nduyh nkra may ma nau di.”

Daniel 3:25

Hađăch lah tay: “Ri, gâp saơ puăn nuyh mâu geh chăp hăn ta nklang ŭnh mâu geh nau sôt ôh; jêh ri muh măt nơm rơh puăn nây jêng nâm bu du huê kon bu klâu phung brah.”

Nau Kơp Bunuyh 14:9

Knŏng geh du nau jêng khân may mâu ƀư nau tâm rdâng ôh đah Yêhôva jêh ri lơi ta klach ôh ma phung ƀon lan tâm n'gor bri nây, yorlah khân păng mra jêng ndơ sông sa ma he. Bu sŏk lơi jêh nau king tă bơh khân păng, ƀiălah Brah Yêhôva gŭ ndrel ma he. Lơi klach ôh ma khân păng!”

Kôranh Oh Mon 26:17

Gâp mra rklaih may tă bơh tâm phung mpôl băl aơ jêh ri phung bu năch jêng ntŭk Gâp mra njuăl may hăn văch

Yôsuê 1:9

Mâu di Gâp hŏ ntĭnh jêh ma may? Janh ktang hom, nănh! Lơi râm sâr, lơi klach ôh! Yorlah Yêhôva Brah Ndu may gŭ ndrel ma may tâm ăp ntŭk may hăn.”