Yêrêmi 1:18 - Nau Brah Ndu Ngơi 2023

¹⁸ Aơ nar aơ, Gâp nơm ndâk may hao ƀư du rplay ƀon nâp ktang, ƀư n'gâng loih, mpêr kông gay rdâng ma lĕ n'gor aơ, tâm rdâng lĕ hađăch Yuđa, lĕ phung kôranh, lĕ kôranh ƀư brah, jêh ri phung ƀon lan tâm n'gor.

Yêrêmi 1:18 Iomraidhean Croise

Êsai 50:7

Kôranh Brah jêng Brah Yêhôva mra kơl Gâp, Yor ri Gâp mâu geh nau bêk ôh; Yor nây, Gâp ƀư muh măt Gâp kranh tâm ban ma lŭ, Yorlah Gâp gĭt, Gâp mâu geh du ntil ndơ bêk ôh.

Yêrêmi 1:17

Ƀiălah du huê kon, vân hom rse bŭt jêh ri gơnh ro ngơi đah khân păng ăp ntil nau Gâp ntăm jêh ăn may. Lơi ta klach krit ôh khân păng klach lah Gâp nơm yơh ƀư ăn may klach krit tanăp măt khân păng.

Yêrêmi 1:19

Khân păng tâm lơh đah may ƀiălah mâu dơi ôh — Brah Yêhôva lah pônây — yorlah Gâp gŭ ndrel ma may gay tâm rklaih may.”

Yêrêmi 15:10

“Mê̆ ơi, rêh ni ma gâp, yorlah ay hŏ deh jêh gâp, Gay ƀư bunuyh mâp ma nau tâm rlăch jêh ri nau tâm rlăch nchră lam n'gor. Gâp mâu ăn bu manh ôh, mâu lĕ manh ndơ bu Ƀiălah lĕ rngôch bunuyh rak rtăp gâp.”

Yêrêmi 15:20

Gâp mra njêng may Ƀư mpêr kông nâp ăn ma phung ƀon lan aơ, Khân păng mra tâm lơh đah may, Ƀiălah mâu dơi đah may ôh, Yorlah Gâp gŭ ndrel may Gay tâm rklaih may jêh ri ăn kon me may.” Brah Yêhôva lah pônây.

Yêrêmi 20:11

Ƀiălah Brah Yêhôva gŭ ndrel ma gâp nâm bu du huê tahan janh ktang ma klach ngăn; Yor nây phung ƀư mhĭk ma gâp mra chêh prah, Mâu mra dơi đah gâp ôh. Khân păng mâu mra dơi ôh Jêh ri prêng hâu ngăn ngên, Nau prêng n'ho ro, Mâu dơi chuêl ôh.

Yêrêmi 21:4

‘Yêhôva Brah Ndu Israel lah: Aơ, Gâp mra plăch rlơ̆ lơi ndơ tâm lơh khân may dôl djôt tâm ti gay tâm lơh mprơh lơi hađăch Babilôn jêh ri bunuyh Kaldê aƀaơ nchueng jŭm khân may ta padih mpêr ƀon, jêh ri rgum khân păng ta nklang ƀon aơ.

Yêrêmi 26:24

Ƀiălah Y-Ahikam, kon bu klâu Y-Saphan, ngơi n'gang Y-Yêrêmi, mâu ăn păng khĭt tâm ti phung ƀon lan.

Yêrêmi 34:3

May nơm mâu mra klaih tă bơh hađăch nây, ƀiălah bu mra nhŭp jêh ri jao tâm ti hađăch nây. May mra saơ ma măt hađăch Babilôn, tâm ngơi măt đah măt ma hađăch nây jêh ri may mra hăn ma bri Babilôn.’

Yêrêmi 37:7

“Yêhôva Brah Ndu Israel lah: ‘Khân may lah tay ma hađăch Yuđa, nơm hŏ prơh khân may hăn ôp ma Gâp, pô aơ: Aơ, phung tahan Pharaôn hŏ văch gay kơl khân may mra plơ̆ sĭt rlet bri dak khân păng jêng Êjipt.

Yêrêmi 38:18

Ƀiălah tơlah may mâu yơr ti ôh đah phung kôranh hađăch Babilôn, ƀon aơ bu mra jao ma ti phung Kaldê, khân păng mra su ƀon aơ ma ŭnh, jêh ri may mâu mra klaih ôh tă bơh ti khân păng.’”

Yêrêmi 38:2

“Brah Yêhôva lah: ‘Mbu nơm hôm gŭ tâm ƀon aơ mra khĭt ma tak đao, ma nau sa sât ji ngot, mâu lah ma nau ji tưp; ƀiălah mbu nơm luh jao săk păng nơm ma phung Kaldê mra dơi rêh; khân păng mra dơi rklaih nau rêh nâm bu geh drăp ndơ jêh ri mra rêh.’

Yêrêmi 42:22

Pônây, ăn gĭt nanê̆ ngăn pô aơ ma khân ay may mra khĭt ma đao, ma nau sa sât ji ngot, jêh ri ma nau ji tưp tâm ntŭk khân ay may ŭch hăn gŭ.”

Yêrêmi 6:27

“Gâp hŏ ndâk may ƀư bunuyh ƀư rlong jêh ri pôih nâp ta nklang ƀon lan Gâp, Gay ma may dơi gĭt năl jêh ri sek ƀư rlong trong khân păng.

Yôhan 1:42

Păng njŭn leo Y-Simôn văch ta Brah Yêsu. Brah Yêsu uănh Y-Simôn jêh ri lah: “May jêng Y-Simôn, kon Y-Yôhan, bu mra amoh may Y-Sêphas,” nâm bu ntĭt Y-Pêtrôs.

Nau Tâm Mpơl 3:12

Mbu nơm mra dơi, Gâp mra ăn ƀư meh n'gâng tâm ngih brah Brah Ndu Gâp; jêh ri bunuyh nây mâu mra luh bơh nĕ. Gâp mra nchih ta klơ bunuyh nây: amoh Brah Ndu Gâp, amoh ƀon Brah Ndu Gâp — ƀon Yêrusalem mhe, gŭ ta klơ trôk, bơh Brah Ndu hăn jŭr — jêh ri amoh mhe Gâp.