Yêrêmi 1:17 - Nau Brah Ndu Ngơi 2023

¹⁷ Ƀiălah du huê kon, vân hom rse bŭt jêh ri gơnh ro ngơi đah khân păng ăp ntil nau Gâp ntăm jêh ăn may. Lơi ta klach krit ôh khân păng klach lah Gâp nơm yơh ƀư ăn may klach krit tanăp măt khân păng.

Yêrêmi 1:17 Iomraidhean Croise

I Phung Hađăch 18:46

Ti Brah Yêhôva gŭ ta Y-Êli; păng rêt rse bŭt păng jêh ri nchuăt panăp ndeh seh Y-Ahap kŏ tât lăp ta ƀon Jesrêel.

II Phung Hađăch 1:15

Tông mpăr Brah Yêhôva lah ma Y-Êli: “Hăn jŭr hom ma bunuyh aơ, lơi klach ma păng ôh.” Pôri, Y-Êli dâk hăn jŭr ndrel ma kôranh nây gay tâm mâp ma hađăch.

II Phung Hađăch 4:29

Y-Êlisê lah ma Y-Gêhasi: “Vân hom rse bŭt may, djôt leo mâng jra gâp tâm ti jêh ri hăn. Tơlah rŏ trong may mâp bu, lơi mbah; tơlah bu mbah may, lơi plơng tay. May mra dơm mâng jra gâp ta klơ muh măt kon se jê̆.”

II Phung Hađăch 9:1

Nơm mbơh lor Y-Êlisê kuăl du huê tâm phung oh mon phung nơm mbơh lor jêh ri lah: “Vân hom bŭt jêh ri sŏk leo du gri dak ƀâu kah aơ hăn rlet ma ƀon Ramôt-Gilêat.

Ndrom Samƀŭt bơh Yôp 38:3

Vân hom rse bŭt nâm bu du huê tahan janh ktang, Gâp mra ôp ma may jêh ri may mra plơ̆ lah ma Gâp.

Nau Ngluh Êjipt 3:12

Brah Ndu lah: “Gâp mra gŭ ndrel ma may. Aơ jêng nau tâm mbên gay ma may gĭt nal Gâp hŏ đă may hăn: Jêh may hŏ njŭn leo phung ƀon lan luh bơh n'gor Êjipt, jêh ri khân may mra yơk mbah Brah Ndu ta klơ yôk aơ.”

Nau Ngluh Êjipt 7:2

Ăn may nkoch tay lĕ nau Gâp hŏ ntĭm nti jêh ma may; jêh nây Y-Arôn, nâu may, mra mbơh ma Pharaôn gay ma hađăch nây dơi ăn phung ƀon lan Israel luh bơh n'gor Êjipt.

Yêrêmi 1:18

Aơ nar aơ, Gâp nơm ndâk may hao ƀư du rplay ƀon nâp ktang, ƀư n'gâng loih, mpêr kông gay rdâng ma lĕ n'gor aơ, tâm rdâng lĕ hađăch Yuđa, lĕ phung kôranh, lĕ kôranh ƀư brah, jêh ri phung ƀon lan tâm n'gor.

Yêrêmi 17:18

Dăn ƀư ăn ma phung ƀư mhĭk ma gâp mra geh nau bêk prêng, Ƀiălah gâp nơm mâu geh nau prêng ôh; Dăn ƀư ăn ma khân păng rdja nuih, Ƀiălah gâp mâu geh nau rdja nuih ôh! Dăn nkhŭt ta klơ khân păng nar mhĭk tât, Ƀư rai khân păng bar tơ̆!

Yêrêmi 23:28

Moh nơm mbơh lor geh nau mbơi, nkoch hom nau mbơi nây! Mbu nơm hŏ dơn jêh nau Gâp, răp jăp hom mbơh tay nau Gâp! Rhe dơi lĕ tâm rlŭk đah ba ƀlê?” Brah Yêhôva lah pônây.

Yêrêmi 26:12

Ƀiălah Y-Yêrêmi plơ̆ lah ma phung kôranh jêh ri ma lĕ rngôch phung ƀon pô aơ: “Brah Yêhôva hŏ prơh gâp ngơi lĕ rngôch nau mbơh lor ma ngih aơ jêh ri ƀon toyh aơ khân may hŏ tăng jêh.

Yêrêmi 26:2

Brah Yêhôva lah pô aơ: “May gŭ dâk hom tâm ndring ngih Brah Yêhôva, mbơh lĕ rngôch nau Gâp ntĭnh jêh ăn ma may mra ngơi ma lĕ rngôch phung ƀon lan n'gor Yuđa hŏ văch yơk mbah tâm ngih Brah Yêhôva; mâu n'hŭch du rplay nau ngơi ôh.

Yêrêmi 36:8

Y-Baruk, kon bu klâu Y-Nêria, ƀư lĕ rngôch nau kôranh nơm mbơh lor Y-Yêrêmi hŏ nti jêh, rŏ nau Brah Yêhôva tâm ndrom samƀŭt tâm ngih Brah Yêhôva.

Nau Nhĭm Vơl 3:57

May hŏ văch jêh ma gâp dôl gâp mbơh sơm đah May, May hŏ lah jêh: ‘Lơi klach ôh!’

Yônais 3:2

“Dâk hom may, hăn tât ma Ninive ƀon toyh jêh ri mbơh ma păng nau Gâp hŏ nti lah jêh ma may.”

Luka 12:35

“Ăn khân may rêt rse bŭt, mpoh ŭnh kađen khân may.

Kôranh Oh Mon 20:20

Gâp nkoch mbơh lĕ nau khlay ma khân may, moh nau prăp tay, jêh ri ntĭm nti ma khân may ta ntŭk phung tâm rƀŭn, mâu lah ntơm bơh ngih aơ tât ta ngih ri;

Kôranh Oh Mon 20:27

Yorlah gâp mbơh lĕ nau ŭch bơh Brah Ndu ma khân may, moh nau mâu prăp tay ôh.

I Kôrintô 9:16

Tơlah gâp mbơh nkoch Nau Mhe Mhan Ueh, gâp mâu geh nau gay ma tâm rnê êng, yorlah gâp geh nau nchâp gay ƀư tâm ban pônây; ƀiălah, tơlah gâp mâu mbơh nkoch Nau Mhe Mhan Ueh, nau rêh ni ngăn ma gâp.

I Têsalônik 2:2

Ƀiălah nâm bu khân may hŏ gĭt jêh, nđâp lah hŏ dơn nau rêh ni jêh ri nau mưch rmot ta ƀon Philip, hên hôm geh nau janh tâm Brah Ndu gay ntăm ma khân may Nau Mhe Mhan Ueh Brah Ndu ta nklang âk nau tâm rdâng.

I Pêtrôs 1:13

Pôri, khân may ndrăp lor hom nau mĭn, di keh hom, dơm nau kâp gân tâm nau yô̆ mra ăn ma khân may nôk Brah Yêsu Krist tâm mpơl.