Yêrêmi 1:16 - Nau Brah Ndu Ngơi 2023

¹⁶ Gâp mra phat dôih tâm rmal khân păng đah ăp ntil nau mhĭk ma yor khân păng hŏ ƀư nôk chalơi Gâp, nhhơr ndơ ƀâu kah ăn ma phung brah êng, jêh ri chon mon mbah lĕ ndô ndơ tă bơh ti khân păng ƀư.

Yêrêmi 1:16 Iomraidhean Croise

II Phung Hađăch 22:17

Yorlah Phung ƀon lan aơ hŏ chalơi jêh Gâp, gŭch ndơ ƀâu kah ăn ma phung brah êng jêh ri nsônh nau Gâp ji nuih ma lĕ rngôch kan ti khân păng ƀư, pôri Gâp hao ji nuih hâu ngăn nđâp ma ntŭk aơ, mâu rngơt ôh.’

II Nau Rêh Jêng 15:2

Păng hăn tâm mâp đah Y-Asa jêh ri lah: “Ơ hađăch Asa nđâp ma lĕ rngôch phung Yuđa jêh ri Benjamin, iăt hom nau gâp lah! Khân may tĭng Brah Yêhôva ndah jŏ, Brah Yêhôva gŭ ndrel ma khân may dah nĕ lĕ. Tơlah khân may joi Păng, nanê̆ mra dơi tâm mâp đah Păng; tơlah khân may chalơi Păng, pôri Păng mra chalơi khân may.

II Nau Rêh Jêng 28:2

ƀiălah chuat tĭng trong phung hađăch Israel. Păng ƀư rup brah ma brah Baal.

II Nau Rêh Jêng 34:25

Yorlah khân păng chalơi jêh Gâp, gŭch ndơ ƀâu kah ăn ma phung brah êng, sŏk lĕ rngôch kan ti khân păng ƀư gay nsônh nau Gâp ji nuih, yor ri yơh nau ji nuih Gâp mra nkhŭt ta ntŭk aơ, mâu dơi rhân ôh.’

II Nau Rêh Jêng 7:19

Ƀiălah tơlah khân may teng trong êng jêh ri chalơi lĕ nau vay dăp jêh ri lĕ nau vay ntăm bơh Gâp hŏ n'gân jêh panăp khân may, hăn tĭng phung brah êng jêh ri yơk mbah ma khân păng,

Êsai 2:8

Bri dak khân păng bêng ma rup brah; Khân păng yơk mbah ma ndơ yor ti khân păng nơm ƀư, Jêng ndơ nglau ti khân păng nơm njêng.

Êsai 37:19

mƀăr lơi phung brah khân păng tâm ŭnh, yorlah khân păng mâu jêng brah ôh, knŏng jêng ndơ bơh ti kon bunuyh ƀư ma si jêh ri ma lŭ, pôri bu ƀư rai lơi khân păng.

Êsai 44:15

Bu mra dŏng tơm si bơh lĕ tơm si nây ƀư long sŭnh ŭnh; du gâl dŏng sênh ŭnh njâr, du gâl dŏng sŭnh ŭnh gay gŭch piăng let, jêh nây sŏk đŏng du kô̆ gay ƀư du mlâm du brah gay yơk mbah, jêh ri yơk mbah ma rup nây, du rup trah gay chon mbah tanăp măt păng.

Êsai 65:3

Jêng phung ƀon lan mâu rlu nsônh nau ji nuih ma Gâp, Nđâp tanăp muh măt Gâp: Khân păng nhhơr mpa ƀư brah tâm lĕ đang trao, Su ndơ ƀâu kah ta klơ lĕ mbŭch ƀrĭk,

Yêrêmi 10:15

Khân păng jêng dơm dam ngăn, du ntil ndơ pâl; Tât nar tâm rmal khân păng mra khân păng mra rai yot.

Yêrêmi 10:3

Yorlah nau vay phung ƀon lan nây knŏng jêng dơm dam. Bu kăl tơm si tâm bri, Nơm blau rhăk dŏng sung njêng rup;

Yêrêmi 11:12

Aƀaơ aơ, lĕ rngôch ƀon n'gor Yuđa jêh ri phung ƀon lan gŭ tâm ƀon Yêrusalem mra hăn kuăl dăn ma phung brah khân păng hôm nhhơr ndơ ƀâu kah, ƀiălah phung brah nây mâu mra dơi tâm rklaih khân păng tâm năng nau rêh ni ôh.

Yêrêmi 11:17

Brah Yêhôva ma phung tahan, jêng Nơm hŏ brôi tăm khân may, Păng nơm yơh ăn nau mhĭk tât ta may, yorlah nau mhĭk ngih phung Israel jêh ri ngih Yuđa hŏ ƀư nôk nsônh nau nuih Gâp đah nau nhhơr ndơ ƀâu kah ăn brah Baal.”

Yêrêmi 15:6

Brah Yêhôva lah: “May hŏ chalơi jêh Gâp, Ăt hôm chalơi; Yor nây Gâp hŏ yơr ti ta klơ may, gay ƀư rai may. Gâp mâu hôm yô̆ nđach ma may đŏng ôh.

Yêrêmi 16:11

May ngơi hom ma khân păng pô aơ Brah Yêhôva lah: ‘Yor phung chô yau khân may hŏ chalơi jêh Gâp tĭng lĕ brah êng, hŏ pah kan jêh ri yơk mbah ma lĕ brah nây. Khân păng hŏ chalơi jêh Gâp, mâu djôt prăp ôh nau vay Gâp.

Yêrêmi 17:13

Ơ Brah Yêhôva, nau kâp gân ma phung Israel, Mbu nơm dun May geh nau prêng da dê! Mbu nơm plăch ndŭr kơi đah May bu mra nchih amoh ta ndruyh neh, Yorlah khân păng hŏ chalơi jêh Brah Yêhôva jêng tu dak rêh.

Yêrêmi 18:15

Ƀiălah phung ƀon lan Gâp hŏ chuêl jêh Gâp, Su ndơ ƀâu kah ăn ma phung brah, Jêng brah ƀư ăn ma khân păng chêh prah ta trong hăn, Tâm lĕ trong hăn bơh kăl e, Gay ma khân păng hăn tâm lĕ trong Mâu hŏ dơi ƀư ôh.

Yêrêmi 19:4

yorlah khân păng hŏ chalơi jêh Gâp, ƀư ntŭk aơ jêng ntŭk blă blơ. Ntŭk aơ, khân păng nhhơr ndơ ƀâu kah ma lĕ brah êng jêng lĕ brah ndơm dam khân păng nơm tâm ban ma phung chô yau khân păng, jêh ri lĕ phung hađăch Yuđa mâu mâp gĭt da dê. Khân păng hŏ ƀư jêh ntŭk aơ bêng ma mham mâu mâp geh nau tih ôh.

Yêrêmi 2:13

“Phung ƀon lan Gâp hŏ tih bar ntil nau mhĭk: Khân păng hŏ chalơi Gâp, Jêng tu dak rêh; Kuyh êng ntu dak, Ntu dak lĕ đang, Mâu hôm prăp dak.

Yêrêmi 2:17

Mâu di hĕ may nơm hŏ ƀư êng nau nây ăn ma may nơm Yorlah hŏ chalơi Yêhôva Brah Ndu, Dôl Păng njŭn may ta rŏ trong nây?

Yêrêmi 2:19

Nau tih mhĭk may mra tâm rmal may, Nau may tâm rdâng mra nduyh nkra may. Gĭt năl hom jêh ri saơ rah vah nau djơh mhĭk jêh ri rngot ngăn ngên Dôl chalơi Yêhôva Brah Ndu, Jêh ri mâu geh nuih n'hâm klach yơk Gâp.” Kôranh Brah jêng Brah Yêhôva ma phung tahan lah pônây.

Yêrêmi 2:28

Pôri ntŭk phung brah khân may ndâk êng, Lĕ rngôch ntŭk gŭ? Tơlah khân păng dơi rklaih khân may tâm nôk rêh ni Pôri ăn khân păng tât sâm rklaih hom! Yorlah hơi Yuđa, ndah âk ƀon may geh Pôri ăt geh âk brah ri yơh!

Yêrêmi 4:12

ƀiălah jêng du sail khôm dŭt dăng tât tĭng Gâp ntăm lĕ nau nây. Abaơ Gâp nơm mra phat dôih khân păng.”

Yêrêmi 4:28

Yor nây, măt neh mra nhĭm vơl, Trôk mra ngo klĕng; Yor Gâp hŏ lah, lĕ dăp nal jêh, Pôri nau ŭch mâu rgâl, nau ngơi mâu plơ̆ ôh.”

Yêrêmi 44:17

Ƀiălah, hên mra ƀư nŭm lĕ nau hŏ ton jêh luh bơh ma mbung hên, mra nhhơr ndơ ƀâu kah jêh ri ƀư nau ndơ nhhơr nhêt ma hađăch bu ur tâm trôk, nâm bu hên jêh ri phung chô yau hên, phung hađăch jêh ri phung kôranh hên hŏ ƀư jêh tâm ƀon n'gor Yuđa jêh ri n'gŏ trong toyh ƀon Yêrusalem. Nôk nây, hên hŏ geh ndơ sông sa âk rmeh, gŭ rêh geh nau chăt hao, mâu geh nau mhĭk tât ôh.

Yêrêmi 5:29

Brah Yêhôva lah: “Gâp mâu mra tâm rmal hĕ khân păng ma nau tih nây? Du ndŭl mpôl nâm bu pônây Gâp mâu plơng bôk hĕ?

Yêrêmi 5:9

Gâp mâu mra tâm rmal hĕ khân păng yor ma nau tih nây lĕ? Du phung ndŭl mpôl pônây Ah Gâp mâu plơng lĕ?” Brah Yêhôva lah pônây.

Yêrêmi 51:17

Ăp nơm jêng rluk da dê, mâu gĭt rbăng ôh; Phung chiăr prăk prêng da dê ma rup tŏ păng nơm; Yorlah rup brah jêng mƀruh, Mâu geh n'hâm nsôr ôh tâm trôm nây.

Yêrêmi 7:17

May mâu saơ hĕ moh khân păng ƀư tâm lĕ ƀon Yuđa jêh ri rŏ trong ƀon Yêrusalem?

Yêrêmi 7:18

Phung kon dônh long, mbơ̆ sŭnh ŭnh, mê̆ piăch rnih, gay ƀư ƀănh nhhơr ăn ma hađăch bu ur tâm trôk, hôm ƀư tay rƀŭn ndơ nhhơr nhêt sa ăn ma lĕ brah êng, gay nsônh nau ji nuih Gâp.”

Yêrêmi 7:9

Mâu di hĕ khân may ntŭng, nkhĭt bunuyh, ƀư tih văng tĭr, ton mƀruh, nhhơr ndơ ƀâu kah ăn ma brah Baal, tĭng ndô̆ brah êng, jêng brah khân may mâu gĭt lĕ?

Êsêkiêl 16:18

Ay sŏk kho bu cheh ay nkŭm ăn ma khân păng, sŏk dak ngi ôlive jêh ri ndơ ƀâu kah Gâp mpơl tanăp khân păng.

Êsêkiêl 24:14

Gâp, Brah Yêhôva, hŏ lah jêh nau nây mra geh tât. Gâp mra ƀư, Gâp mâu mra plơ̆ rŭch ôh, mâu yô̆ ôh, mâu tâm rgâl nau mĭn ôh. Bu mra phat dôih may tĭng nâm trong jêh ri kan may pah,’ Kôranh Brah Yêhôva lah pônây.”

Ndrom Samƀŭt bơh Ôsê 11:2

Lơ hâu Gâp kuăl păng Păng lơ hâu du der ma Gâp. Khân păng hŏ nhhơr ndơ ƀư brah ma rup brah Baal Jêh ri su ndơ ƀâu kah ma rup brah.

Ndrom Samƀŭt bơh Ôsê 8:6

Yorlah ndrôk kon nây bơh Israel ƀư, Du huê bunuyh blau hŏ njêng păng; Păng mâu di Brah Ndu ôh. Ndrôk kon n'gor Samari Bu mra nchah hăch rhên.

Yôel 2:11

Brah Yêhôva ƀư nau Păng ngơi nteh huy tanăp phung tahan Păng, Yorlah pôih tahan Păng âk ngăn jêh ri âk ngăn ngên phung ƀư tĭng nau Păng ntăm ktang ngăn. Nar Brah Yêhôva toyh ngăn ngên jêh ri di ma klach ngăn, Mbu nơm dơi dơn?

Kôranh Oh Mon 7:41

Tâm lĕ nar nây, khân păng tŏ rup du mlâm kon ndrôk, nhhơr ndơ ƀư brah ma rup brah nây jêh ri khân păng răm maak ma nau kan tă bơh ti khân păng ƀư.

Nau Vay Nkah Tay 28:20

Tơlah khân may ƀư nau djơh mhĭk jêh ri chalơi Brah Yêhôva pôri Păng mra ăn tât nau mhĭk, nau krit klach jêh ri nau phit ndrŏt tâm khân may, tâm lĕ nau kan ti khân may ƀư, kŏ tât khân may rai jêh ri gơnh rai lôch ro.

Nau Vay Nkah Tay 31:16

Brah Yêhôva lah ma Y-Môis: “Aơ, may lĕ dăch khĭt, hăn gŭ ndrel ma phung chô yau may. Bi phung ƀon lan aơ mra ƀư nau tâm rdâng jêh ri ƀư nau văng tĭr đah lĕ brah phung bu năch tâm n'gor khân păng mra hăn lăp. Khân păng mra chalơi Gâp jêh ri rlau nau vay tâm rnglăp Gâp hŏ ƀư jêh đah khân păng.

Yôsuê 24:20

Tơlah khân may chalơi Brah Yêhôva jêh ri pah kan ma phung brah bu năch, Păng mra plơ̆ sĭt tay ƀư mhĭk jêh ri ƀư rai khân may, nđâp lah lĕ ƀư lor jêh nau yô̆ ma khân may.”

Nau Tâm Mpơl 9:20

Kô̆ hôm e tâm kon bunuyh, phung bunuyh mâu khĭt yor nau ƀư rai aơ, mâu rmal ôh lĕ kan ti khân păng ƀư, mâu đŏng chalơi nau yơk mbah ma brah mhĭk, ma lĕ rup brah mah, prăk, kông, lŭ, tơm si jêng lĕ rup brah mâu dơi saơ, mâu tăng mâu lah blau nsong ôh.