Yêrêmi 1:15 - Nau Brah Ndu Ngơi 2023

¹⁵ Pôri, Gâp mra kuăl rgum lĕ rngôch băl mpôl bunuyh lĕ bri dak mpeh pa lơ — Brah Yêhôva lah pônây — khân păng mra tât jêh ri lĕ rngôch n'gân da dê sưng hađăch păng ta ntŭk trong lăp lĕ mpông ƀon Yêrusalem, nchueng jŭm pôih nâp păng tâm ban lĕ rngôch ƀon Yuđa.

Yêrêmi 1:15 Iomraidhean Croise

Êsai 22:7

Lĕ rngôch rlŭng ueh lơn ma may bêng ma ndeh seh, Bi phung tahan ncho seh dăp ma nau tâm lơh ta mpông ƀon.

Yêrêmi 10:22

Aơ, geh nau lư mpăr tât, Du nau n'găr ktang bơh neh mpeh pa lơ, Ƀư ăn lĕ ƀon Yuđa luh jêng rngot njăp, Jêng trôm so bri.

Yêrêmi 10:25

Dăn May nkhŭt nau ji nuih ta klơ lĕ bri dak mâu gĭt năl May, Jêh ri ta klơ lĕ ndŭl mpôl mâu kuăl amoh May. Yorlah khân păng hŏ rvăn Y-Yakôb, Jêh ri hôm rvăn đŏng; Khân păng ƀư rai lĕ Y-Yakôb, Ƀư ăn ntŭk gŭ păng jêng rngot njăp.

Yêrêmi 13:20

N'gơr măt uănh hom Phung bunuyh tât tă bơh mpeh pa lơ. Phung biăp hŏ jao jêh ma may, Phung biăp ƀư ăn n'hao nuih may, lĕ rngôch ta ntŭk?

Yêrêmi 25:28

Tơlah khân păng mâu ŭch dơn ôh kachok bơh ti may gay ma nhêt, pôri ăn may lah ma khân păng pô aơ Brah Yêhôva ma phung tahan lah: ‘N'hêl nanê̆ khân may mra nhêt!

Yêrêmi 25:9

aơ, Gâp mra prơh hăn lĕ rngôch băl mpôl bunuyh tâm bri mpeh pa lơ jêh ri Y-Nêbukatnetsar, hađăch bri Babilôn, oh mon Gâp, tât tâm rdâng đah bri aơ jêh ri ƀon lan gŭ tâm bri păng, ndrel ma lĕ rngôch bri dak gŭ văr jŭm nây. Gâp mra ƀư rai khân păng, ƀư ăn ma khân păng jêng du ntil ndơ ƀơ̆ bơch, du nau bu gơm mưch, du ntŭk jêng rngot njăp n'ho ro.’ Brah Yêhôva lah pônây.

Yêrêmi 33:10

Brah Yêhôva lah: ‘Tâm ntŭk aơ jêng ntŭk khân may lah: “Nây jêng ntŭk rngol, mâu hôm geh bunuyh, mpô mpa ăt mâu geh lĕ;” tâm lĕ rngôch ƀon n'gor Yuđa jêh ri tâm trong ƀon toyh Yêrusalem, nây jêng rngol jêh, mâu geh bunuyh, mâu geh ƀon lan gŭ, mpô mpa ăt mâu geh lĕ,

Yêrêmi 34:1

Aơ jêng nau Brah Yêhôva lah ma Y-Yêrêmi rnôk Y-Nêbukatnetsar, hađăch Babilôn, ndrel ma lĕ rngôch phung tahan hađăch nây, lĕ rngôch bri hađăch ta neh ntu jêh ri lĕ rngôch ndŭl mpôl gŭ tâm dâng nau dơi chiă uănh hađăch nây, tâm lơh đah ƀon Yêrusalem jêh ri ƀon văr jŭm.

Yêrêmi 34:22

Brah Yêhôva lah: ‘Aơ, Gâp mra ntĭnh ăn ma khân păng plơ̆ tay ma ƀon aơ; khân păng mra lơh, mra pit in, jêh ri sŏk ŭnh su ƀon nây. Gâp mra ƀư lĕ rngôch ƀon n'gor Yuđa mra jêng rngot njăp, mâu geh ƀon lan gŭ ôh.’”

Yêrêmi 39:3

Lĕ rngôch phung kôranh toyh bri Babilôn tât da dê jêh ri gŭ ta mpông pêr tâm nklang. Nây jêng Y-Nergal-Sarêser, Y-Samgar-Nêbô, Y-Sarsêkim ƀư bôk kôranh bu char, Y-Nergal-Sarêser ƀư bôk kôranh sek uănh mănh, ndrel ma lĕ rngôch phung kôranh toyh phung ƀaƀă hađăch Babilôn.

Yêrêmi 4:16

“Ntĭnh hom ăn ma lĕ rngôch bri dak! Mbơh hom ăn phung Yêrusalem pô aơ: ‘Phung nchueng lơh tât tă bơh bri ngai, Khân păng nter troh tâm rdâng phung ƀon Yuđa.

Yêrêmi 4:6

Yơr hom n'ha kơ rle mpeh Siôn! Hăn du hom, lơi ta nsrŭng ôh! Yorlah Gâp mra djôt tât du nau mhĭk tă bơh mpeh pa lơ, Jêng du nau ƀư rai toyh.

Yêrêmi 43:10

Jêh nây may lah ma khân păng: Brah Yêhôva ma phung tahan, Brah Ndu Israel, lah: ‘Aơ, Gâp mra prơh hăn kuăl oh mon Gâp jêng Y-Nêbukatnetsar, hađăch Babilôn, jêh ri Gâp mra ndâk sưng hađăch păng ta klơ lŭ toyh Gâp mhe pôn aơ; păng mra ling bok nchăng ăn gui n'hâm ta klơ.

Yêrêmi 44:6

Yor nây, Gâp nkhŭt nau ji nuih jêh ri ji nuih ngăn jŭr su lĕ rngôch ƀon bri Yuđa jêh ri tâm lĕ trong toyh ƀon Yêrusalem, ƀư ma khân păng jêng ntŭk rngot njăp rjăp, roh rai.

Yêrêmi 46:24

Kon bu ur bri Êjipt mra djôt nau prêng, Bu mra jao tâm ti phung ƀon lan mpeh pa lơ.”

Yêrêmi 5:15

Brah Yêhôva lah: “Hơi ngih phung Israel, Gâp mra djôt du ndŭl mpôl ƀon ngai tât tâm rdâng đah may. Nây jêng du ndŭl mpôl dăng ktang, Du ndŭl mpôl ơm jêh, Du ndŭl mpôl nau ngơi khân păng may mâu gĭt, Mâu gĭt rbăng moh nau khân păng ngơi.

Yêrêmi 6:22

Brah Yêhôva lah: “Aơ, du phung ƀon lan tât bơh mpeh pa lơ; Du bri dak toyh ktang hao ntoh tă bơh nglĕ dŭt rplay neh.

Yêrêmi 9:11

“Gâp mra ƀư ƀon Yêrusalem jêng mbŭch bun ndơ rai jêh, Jêng trôm so bri; Jêh ri ƀư ăn lĕ ƀon Yuđa jêng rngot njăp, Mâu geh bunuyh gŭ ôh.”

Nau Nhĭm Vơl 5:11

Khân păng nchâp gay bê̆ch ndrel đah bu ur tâm ƀon Siôn, Jêh ri ƀư mhĭk ma phung bu ur druh tâm ƀon n'gor Yuđa.

Êsêkiêl 32:30

Ta nây tâm ban lĕ geh lĕ rngôch phung kôranh gŭ mpeh pa lơ, jêh ri lĕ rngôch phung ƀon lan Sidôn hăn trŭnh da dê ndrel phung bu nkhĭt, nđâp lah khân păng hŏ dŏng janh ktang ăn bu krit toyh. Khân păng lâng bê̆ch nâm bu phung mâu hŏ koh ntâu ndrel phung bu nkhĭt ma đao; khân păng bêk prêng ndrel ma phung trŭnh tâm trôm ntu jru.

Yôel 2:20

Gâp mra ăn phung rlăng mpeh pa lơ du ngai ma khân may, Mprơh khân păng tâm ntŭk neh kro nđang jêh ri bri rdah: Mprơh du phung tahan panăp khân păng tâm dak mƀŭt luh nar, Phung tahan pakơi khân păng tâm dak mƀŭt nhâp nar. N'hôl khân păng ƀâu ngăn, N'hôl khân păng luh ƀâu chrĭ.” Yorlah n'hêl nanê̆ Kôranh Brah hŏ ƀư lĕ nau kan toyh.

Sakari 6:6

Phung ndeh seh krăk hăn tât ta n'gor mpeh pa lơ, jêh ri phung seh nglang hăn tĭng pakơi păng, jêh ri phung seh êr rvanh hăn tât ta n'gor mpeh pa dâng.”