Yêrêmi 1:14 - Nau Brah Ndu Ngơi 2023

¹⁴ Brah Yêhôva lah: “nau mhĭk bơh mpeh pa lơ mra tât klơ lĕ rngôch phung ƀon lan gŭ tâm n'gor nây.

Yêrêmi 1:14 Iomraidhean Croise

Êsai 14:31

Ơ mpông mpêr! Nhĭm nhhiăng hom! Ơ ƀon toyh, lŭng nter hom! Ơ lĕ phung Philistin, rai lôch hom! Yorlah geh du nau nhhŭk ŭnh tât tă bơh mpeh pa lơ, Mâu geh du huê chalơi phung tahan păng nơm.”

Êsai 41:25

Gâp ƀư lư du huê tă bơh mpeh pa lơ, jêh ri păng văch jêh; Păng kuăl amoh Gâp tă bơh mpeh luh nar. Păng mra jot phung kôranh chiă uănh nâm bu jot bŏk neh, Tâm ban ma nơm blau mon glah jot neh tâm dâng jâng.

Yêrêmi 10:22

Aơ, geh nau lư mpăr tât, Du nau n'găr ktang bơh neh mpeh pa lơ, Ƀư ăn lĕ ƀon Yuđa luh jêng rngot njăp, Jêng trôm so bri.

Yêrêmi 11:17

Brah Yêhôva ma phung tahan, jêng Nơm hŏ brôi tăm khân may, Păng nơm yơh ăn nau mhĭk tât ta may, yorlah nau mhĭk ngih phung Israel jêh ri ngih Yuđa hŏ ƀư nôk nsônh nau nuih Gâp đah nau nhhơr ndơ ƀâu kah ăn brah Baal.”

Yêrêmi 25:9

aơ, Gâp mra prơh hăn lĕ rngôch băl mpôl bunuyh tâm bri mpeh pa lơ jêh ri Y-Nêbukatnetsar, hađăch bri Babilôn, oh mon Gâp, tât tâm rdâng đah bri aơ jêh ri ƀon lan gŭ tâm bri păng, ndrel ma lĕ rngôch bri dak gŭ văr jŭm nây. Gâp mra ƀư rai khân păng, ƀư ăn ma khân păng jêng du ntil ndơ ƀơ̆ bơch, du nau bu gơm mưch, du ntŭk jêng rngot njăp n'ho ro.’ Brah Yêhôva lah pônây.

Yêrêmi 31:8

Aơ, Gâp mra njŭn khân păng sĭt bơh bri mpeh pa lơ, Rgum tâm rƀŭn khân păng bơh nglĕ dŭt rplay neh. Ta nklang khân păng mra geh nơm chieh măt, nơm rvĕn, Phung bu ur ntreo jêh ri bu ur veng deh, Jêng du phung âk ngăn ngên mra sĭt ta aơ.

Yêrêmi 4:6

Yơr hom n'ha kơ rle mpeh Siôn! Hăn du hom, lơi ta nsrŭng ôh! Yorlah Gâp mra djôt tât du nau mhĭk tă bơh mpeh pa lơ, Jêng du nau ƀư rai toyh.

Yêrêmi 46:20

Bri Êjipt jêng du mlâm kon ndrôk me ueh, Ƀiălah du mlâm rhuay rpu tă mpeh pa lơ tât sôch.

Yêrêmi 47:2

Brah Yêhôva lah: “Ri, lĕ dak krong hao lip tă bơh mpeh pa lơ, Jêh ri jêng du n'hor dak rlâm kơh, Ƀư lip bŭk bri dak jêh ri ndô ndơ tâm bri dak, Bŭk ƀon toyh jêh ri bunuyh gŭ tâm ƀon. Bu mra nhhiăng nhĭm nter kuăl, Lĕ rngôch phung ƀon lan gŭ tâm bri nhĭm vơl da dê.

Yêrêmi 50:41

Aơ, geh du ndŭl mpôl bunuyh văch tă bơh mpeh pa lơ; Du bri dak toyh ktang jêh ri âk hađăch Hao ntoh tă bơh nglĕ dŭt rplay neh.

Yêrêmi 50:9

Yorlah aơ, Gâp mra n'hao du phung tâm rnglăp đah lĕ bri dak toyh ktang tă bơh mpeh pa lơ tâm rdâng đah Babilôn. Khân păng dăp tahan rduh lơh ƀon, lơh pit in ƀon. Hăr khân păng nâm bu tahan janh ktang blau pănh di, mâu sĭt ti dơm ôh.

Yêrêmi 6:1

“Hơi phung kon sau Benjamin, Du hom bơh Yêrusalem gay geh nau đăp mpăn! Uh hom nŭng ta Têkôa, Yơr kơ nau mbên klơ ƀon Bet-Hakêrem; Yorlah nau ji tưp jêh ri nau ƀư rai toyh ngăn, Bơh mpeh pa lơ dôl văch tât.

Yêrêmi 6:22

Brah Yêhôva lah: “Aơ, du phung ƀon lan tât bơh mpeh pa lơ; Du bri dak toyh ktang hao ntoh tă bơh nglĕ dŭt rplay neh.

Êsêkiêl 1:4

Ri gâp saơ geh phŭt văch tât tă bơh mpeh pa lơ khôm tât, geh du ndâr tŭk toyh put ŭnh hit sol ang văr jŭm păng, jêh ri tă bơh tâm nklang ŭnh nây geh ndơ n'gă ang nâm bu kông nchrat lơp lam trôk.

Êsêkiêl 24:3

Nkoch hom du nau ngơi ntĭt ma phung ƀon lan vay tâm rdâng jêh ri lah ma khân păng pô aơ: ‘Kôranh Brah lah: N'gân hom glah, n'gân hom glah Jêh ri troch hom dak.

Yôel 2:20

Gâp mra ăn phung rlăng mpeh pa lơ du ngai ma khân may, Mprơh khân păng tâm ntŭk neh kro nđang jêh ri bri rdah: Mprơh du phung tahan panăp khân păng tâm dak mƀŭt luh nar, Phung tahan pakơi khân păng tâm dak mƀŭt nhâp nar. N'hôl khân păng ƀâu ngăn, N'hôl khân păng luh ƀâu chrĭ.” Yorlah n'hêl nanê̆ Kôranh Brah hŏ ƀư lĕ nau kan toyh.

Sakari 6:6

Phung ndeh seh krăk hăn tât ta n'gor mpeh pa lơ, jêh ri phung seh nglang hăn tĭng pakơi păng, jêh ri phung seh êr rvanh hăn tât ta n'gor mpeh pa dâng.”