Yêrêmi 1:13 - Nau Brah Ndu Ngơi 2023

¹³ Nau Brah Yêhôva ngơi đŏng ma gâp rơh bar pô aơ: “Moh ndơ may saơ?” Gâp sĭt lah: “Gâp saơ du mlâm glah dak duh, bâr glah nkêng bơh mpeh pa lơ.”

Yêrêmi 1:13 Iomraidhean Croise

Nau Ntơm 41:32

Nau mbơi hađăch rkê̆ch tay bar tơ̆, nau nây Brah Ndu hŏ ƀư ăn nanê̆ jêh, jêh ri Păng mra ăn nau nây tât gơnh.

Êsai 55:11

Tâm ban pônây lĕ nau Gâp ngơi, Luh jêh bơh trôm mbung Gâp mâu mra sĭt ma Gâp dơm dam ôh, Ƀiălah păng mra ƀư jêh nau Gâp ŭch, Jêh ri păng ƀư lôch nau kan Gâp jao.

Yêrêmi 24:3

Brah Yêhôva ôp ma gâp: “Moh ndơ may saơ, ơ Y-Yêrêmi?” Gâp lah: “Gâp saơ play rvi, lĕ play rvi ueh ri ueh ngăn, bi ma play rvi mhĭk ri mhĭk ngăn, mhĭk kŏ tât mâu dơi sa ôh.”

Êsêkiêl 11:3

Khân păng lah: ‘Aƀaơ ri ê-tât ôh rnôk ndâk ngih! Ƀon aơ jêng glah ƀŭng, he jêng nglay puăch.’

Êsêkiêl 11:7

Yor nây, Yêhôva Brah Ndu lah: ‘Đơ bunuyh khĭt khân may hŏ dơm jêh ta nklang ƀon aơ jêng puăch, ƀon jêng glah ƀŭng, bi khân may gâp mra mprơh du luh tă bơh ƀon aơ.

Êsêkiêl 12:28

Pôri, lah hom ma khân păng: ‘Kôranh Brah Yêhôva lah: Mâu geh du rplay ngơi Gâp mra jŏ ôh ƀiălah nau Gâp lah mra tât ngăn, Yêhôva Brah Ndu lah.’”

Amôt 8:2

Rnôk nây Păng lah: “Hơi Y-Amôt, moh may saơ?” Gâp lah: “Du bĭ play tơm si yan ta vai.” Brah Yêhôva lah tay ma gâp: “Nau nglĕ dŭt tât jêh ma phung ƀon lan Israel Gâp; Gâp mâu mra nhhuach ma khân păng ôh.

Sakari 4:2

Păng lah ma gâp pô aơ: “Moh ndơ may saơ?” Gâp plơ̆ lah: “Aơ, gâp uănh saơ, du mlâm jâng kađen bu ƀư đah mah, jêh ri du mlâm yăng dak ngi ôlive ta klơ păng; jâng kađen geh pơh mlâm ŭnh kađen, n'hanh ma pơh mlâm dĭng dak ngi ăn luh ăp ŭnh kađen gŭ ta klơ păng.