Yêrêmi 1:1 - Nau Brah Ndu Ngơi 2023

¹ Aơ jêng nau Y-Yêrêmi mbơh, kon bu klâu Y-Hilkia, du huê tâm phung kôranh ƀư brah gŭ ta Anathôt, n'gor Benjamin.

Yêrêmi 1:1 Iomraidhean Croise

I Phung Hađăch 2:26

Jêh nau nây, hađăch ntăm ma kôranh ƀư brah Y-Abiathar: “Hăn sĭt hom ma tâm mir may ta Anathôt, yorlah may khư khĭt. Ƀiălah nar aơ gâp mâu nkhĭt ôh may, yorlah may tung Hip Nau Tâm Rnglăp Kôranh Brah jêng Brah Yêhôva, tanăp măt Y-Đavit, mbơ̆ gâp, jêh ri yor may lĕ tâm pă jêh lĕ rngôch nau rêh ni nđâp ma mbơ̆ gâp.”

I Nau Rêh Jêng 6:60

Ntơm bơh ndŭl mpôl Benjamin, bu ăn ma khân păng ƀon Gêba, ndrel ma lĕ ndrêch gơ̆ văr jŭm; ƀon Alêmet, ndrel ma lĕ ndrêch gơ̆ văr jŭm; ƀon Anathôt, ndrel ma ndrêch gơ̆ văr jŭm. Lĕ rngôch ƀon khân păng dơn jêh jêng jât ma pe rplay ƀon tĭng nâm ndŭl mpôl khân păng.

II Nau Rêh Jêng 35:25

Y-Yêrêmi nchih nau mprơ rngot ma Y-Jôsia. Kŏ tât ta nar aơ, lĕ rngôch phung bu klâu bu ur ăt hôm mprơ nau mprơ rngot ma Y-Jôsia, jêh ri nau nây jêng du nau vay tâm bri Israel; lĕ nau aơ bu nchih jêh tâm Ndrom Samƀŭt Nau Mprơ Rngot.

II Nau Rêh Jêng 36:12

Păng ƀư nau mhĭk tanăp măt Yêhôva Brah Ndu păng. Păng mâu ŭch dêh rhêt ôh tanăp Y-Yêrêmi, jêng nơm mbơh lor ntuh bâr Brah Yêhôva gay ntĭm nti păng.

II Nau Rêh Jêng 36:21

Tât ngăn ƀoi nau Brah Yêhôva hŏ dŏng jêh bâr mbung Y-Yêrêmi ngơi, neh dơi ntop dơn tay năm saƀat. Tâm lĕ năng nar cha lat jêh, neh dơi rlu kŏ tât rĭng pơh jât năm.

Êsra 1:1

Năm rơh nguay rnôk rô̆ Y-Sirus, hađăch Persi, Brah Yêhôva ŭch ƀư tât di nau ngăn Păng hŏ ngơi jêh ma bâr mbung Y-Yêrêmi, yor ri Brah Yêhôva hŏ nsŭk nsôr nuih n'hâm Y-Sirus, hađăch Persi, ăn nau ntrŭnh jêh ri mbơh tâm lam bri dak păng pô aơ:

Êsra 2:23

Phung gŭ ta Anathôt geh du rhiăng bar jât ma pham nuyh.

Êsai 1:1

Tâm rnôk Y-Usia, Y-Jôtham, Y-Ahas jêh ri Y-Hêsêkia jêng phung hađăch Yuđa, Y-Êsai, kon bu klâu Y-Amôt, dơn nau tâm saơ ma bri dak Yuđa jêh ri ma ƀon Yêrusalem.

Êsai 10:30

Ơ kon bu ur ƀon Galim, nter hom ăn huy! Ơ phung Laisa, rkêng tôr iăt hom! Yô̆ nđach ngăn ma phung Anathôt!

Êsai 2:1

Aơ jêng nau Y-Êsai, kon bu klâu Y-Amôt, hŏ saơ ma bri Yuđa jêh ri ƀon Yêrusalem:

Yêrêmi 11:21

Brah Yêhôva lah: “Ma phung Anathôt, phung ŭch nkhĭt nau rêh may, hŏ nkrit nhhu may pô aơ: ‘Tơlah may mâu ŭch khĭt tâm ti he pôri lơi sŏk amoh Brah Yêhôva ngơi mbơh lor đŏng ôh.’

Yêrêmi 29:27

Pônây mâm ƀư may mâu nduyh Y-Yêrêmi bunuyh Anathôt, dôl ngơi mbơh lor nây ăn ma khân may?

Yêrêmi 30:1

Aơ jêng nau Brah Yêhôva lah ma Y-Yêrêmi:

Yêrêmi 37:12

pôri Y-Yêrêmi du luh bơh Yêrusalem, hăn tât ma bri Benjamin gay păng sŏk dơn ma drăp ndơn ta nklang phung ƀon lan nây.

Êsêkiêl 1:3

geh nau Brah Yêhôva lah êng ma kôranh ƀư brah Y-Êsêkiêl, kon bu klâu Y-Busi, tâm n'gor Kaldê, ta kơh krong Kêbar. Ta ntŭk nây, ti Brah Yêhôva dơm ta păng.

Daniel 9:2

năm tal nguay rnôk rô̆ păng chiă uănh nây, gâp, Y-Daniel, tĭng nâm nau ŭch nti nau Brah Ndu ngơi, dơi gĭt mrô năm mra găn rlau êlor lôch rnôk Yêrusalem jêng rngot njăp, nau Brah Yêhôva hŏ lah jêh ma nơm mbơh lor Y-Yêrêmi, jêng pơh jât năm.

Amôt 1:1

Aơ nau Y-Amôt ngơi, păng jêng du huê kôranh mât biăp ta ƀon Têkôa, nkoch lĕ nau păng saơ tât ma ƀon Israel tâm rnôk Y-Usia, hađăch Yuđa jêh ri tâm rnôk Y-Jêrôbôam, kon bu klâu Y-Jôas, hađăch Israel, lor bar năm ma nau n'găr neh.

Amôt 7:10

Rnôk nây, Y-Amasia kôranh ƀư brah Bêthel, njuăl bunuyh hăn mbơh ma Y-Jêrôbôam hađăch Israel pô aơ: “Y-Amôt tâm nchră nau tâm rdâng đah may ta trôm nuih n'hâm Israel; bri dak mâu ŭch dơn ôh lĕ nau păng ngơi.

Mathay 16:14

Phung oh mon ơh: “Ƀaƀă phung lah jêng Y-Yôhan-Ƀaptist, ƀaƀă phung êng lah jêng Y-Êli, ƀaƀă phung êng đŏng lah jêng Y-Yêrêmi mâu lah du huê tâm phung nơm mbơh lor.”

Mathay 2:17

Pônây, nau kôranh nơm mbơh lor Y-Yêrêmi hŏ lah tât di ngăn:

Mathay 27:9

Kơt nây, nau nơm mbơh lor Y-Yêrêmi lah dơi tât di ngăn: “Khân păng sŏk jêh pe jât rêl prăk, jêng rnoh du huê bunuyh phung Israel veh jêh ma Păng,