Yakơ 5:4 - Nau Brah Ndu Ngơi 2023

⁴ Aơ, prăk nkhôm phung rek ba nkhôm tâm lôk mir khân may, khân may ntŭng prăp ma khân may nơm, dôl lŭng nter; jêh ri bâr nteh phung rek nây hao tât ta tôr Kôranh Brah geh lĕ nau brah.

Bunong Bible Latin Script Cambodian dialect

⁴ khân ay may mâu ôh ƀơk prăk nkhôm ăn ma mpôl i rek ba ta sre khân ay may, jêh ri bu mra ntôn khân ay may yor ma khân ay may mâu ƀơk prăk i nây. Lŏng nau nter mpôl i nây tăng tât a Kôranh Brah i dŭt geh nau dơi ma dâng lĕ ntil ndơ.

Bunong

⁴ ខាន់​អៃ​មៃ​មោ​អោស​បើក​ព្រាក់​ងខោម​អ៝ន់​មា​មពោល​អី​រែក​ឞា​តា​ឆ្រែ​ខាន់​អៃ​មៃ ជេសរី​ឞូ​មរា​នតោន​ខាន់​អៃ​មៃ​យ៝រ​មា​ខាន់​អៃ​មៃ​មោ​បើក​ព្រាក់​អី​នៃ។ ល៝ង់​នាវ​នតែរ​មពោល​អី​នៃ​តាង់​ត៝ត់​អា​កោរាញ​ឞ្រាស​អី​ទុត​គែស​នាវ​ទើយ​មា​ទឹង​លែៈ​នតីល​នទើ។

Yakơ 5:4 Iomraidhean Croise

Nau Ntơm 4:10

Brah Yêhôva ôp: “Moh nau may ƀư pônây? Nteh mham oh may tă bơh neh hŏ nter tât ma Gâp.

Ndrom Samƀŭt bơh Yôp 34:28

Khân păng ƀư ma phung o ach lŭng nter tăng tât ma Kôranh Brah, Jêh ri Păng iăt nteh nhĭm bơh phung rêh ni.

Ndrom Samƀŭt bơh Yôp 7:2

Tâm ban bunuyh dĭk bu kơnh ngăn ma ntŭk n'hâm, Tâm ban bunuyh pah kan nkhôm kâp gân prăk khay,

Nau Mprơ Ơm 9:12

Yorlah Nơm plơng bôk ma mham kah gĭt ma phung rêh ni; Păng mâu chuêl ôh nau khân păng kuăl gay sâm rklaih.

Nau Ngluh Êjipt 22:27

yorlah păng geh knŏng bok nây, jêng ao mbâl gay nkŭm săk jăn păng, moh ndơ păng nsoh dôl păng lâng săk? Tơlah păng kuăl nter ma Gâp, Gâp mra tăng nau păng, yorlah Gâp jêng Nơm geh nau ueh.

Nau Ngluh Êjipt 3:9

Aơ, nau phung Israel nter lŭng hŏ hao tât ta Gâp; Gâp hŏ saơ nau phung Êjipt tŭn jot khân păng.

Êsai 1:9

Tơlah Brah Yêhôva ma phung tahan Mâu lơi ma he du phung djê̆ hôm rêh, Pôri he he hŏ jêng nâm bu ƀon Sôdôm, Jêh ri tâm ban ma ƀon Gômôrơ jêh.

Êsai 5:7

Đang play Brah Yêhôva ma phung tahan Jêng ngih Israel, Bi ma phung Yuđa Jêng lĕ tơm si Păng răm maak tăm. Păng kâp gân gay saơ nau sŏng, Ƀiălah knŏng saơ nau mhĭk; Păng kâp gân ma nau sŏng srăng, Ƀiălah knŏng geh nau nter nđêng!

Êsai 5:9

Brah Yêhôva ma phung tahan lah jêh ma tôr gâp: “Nanê̆ ngăn, geh âk rplay ngih mra jêng rngot njăp, Lĕ ngih toyh jêh ri ueh nây mâu mra geh bunuyh gŭ ôh!

Yêrêmi 22:13

Rêh ni ngăn ma nơm ndâk ngih păng ma nau kue, Ndâk jrô ma nau mâu sŏng; Dŏng bunuyh chiau meng pah kan dơm dam hĕ, Mâu lĕ nkhôm kan ăn ma khân păng.

Kan Lêvi 19:13

Mâu dơi tŭn jot nơm chiau meng khân may nơm, mâu đŏng ntŭng ndơ khân păng. Lơi dĭng mâu ăn prăk ma bunuyh kan nkhôm tâm ngih khân may kŏ tât ôi taơ.

Habakuk 2:11

Yorlah lŭ tâm mpir mra nter, Jêh ri rda ƀư ma si klơ chor jay mra plơ̆ lah.

Malachi 3:5

“Gâp mra văch dăch khân may gay phat dôih, jêh ri Gâp mra ƀư ndal mbơh nau tâm rdâng đah phung n'hŭm, đah phung văng tĭr, phung ton mƀruh, phung sa đĭ nau nkhôm ma phung pah kan, phung tŭn jot bu ur ndrô khĭt sai jêh ri phung kon đơi, phung ƀư djơh đah phung bu năch; yorlah khân păng mâu klach yơk ma Gâp.” Brah Yêhôva ma phung tahan lah pônây.

Mathay 9:37

Păng lah ma phung oh mon pô aơ: “Yan rek geh âk ba ƀiălah bunuyh rek geh djê̆.

Luka 18:7

Pônây, lĕ ƀơh Brah Ndu mâu phat dôih sŏng ma phung Păng săch, jêng phung kuăl dăn Păng măng nâm nar, jêh ri mbrĕ mbrơi kơl an khân păng?

Samƀŭt Pôl Njuăl Ăn Ma Phung Nsing Ta Ƀon Rôm 9:29

Y-Êsai hŏ mbơh lor jêh pô aơ: “Tơlah Kôranh Brah phung tahan mâu rong ma he bunuyh thoi noi deh, Pôri he hŏ jêng nâm bu ƀon Sôdôm jêh ri tâm ban ma ƀon Gômôrơ.”

Nau Vay Nkah Tay 15:9

Njrăng hom, lơi prăp nau mĭn mhĭk tâm nuih n'hâm khân may pô aơ: ‘Bơi tât năm tal pơh jêng năm jut lơi rnon’ jêh ri khân may uănh oh nâu khân may ma măt mhĭk, mâu ăn ôh du mlâm ndơ ma khân păng. Khân păng mra nter ma Brah Yêhôva phong khân may jêh ri khân may mra anh nau tih.

Kôlôh 4:1

Hơi phung kôranh, ƀư hom nau sŏng jêh ri nau di ma phung dĭk khân may, yorlah khân may gĭt jêh khân may geh du huê Kôranh ta klơ trôk.