Yakơ 5:1 - Nau Brah Ndu Ngơi 2023

¹ Aƀaơ aơ, hơi phung oh nâu jêng phung ndrŏng! Nhĭm nhhiăng hom, vơl dăn hom yorlah nau rêh ni mra nkhŭt jŭr ta klơ khân may.

Bunong Bible Latin Script Cambodian dialect

¹ Lŏng ma phung i bunuyh ndrŏng, ăn khân ay may nhhiăng nhŭm nter vơl dô, yorlah nau rêh rnhăl mra geh ta phung khân ay may ro,

Bunong

¹ ល៝ង់​មា​ផូង​អី​ឞូនុយ្ស​នទ្រ៝ង់ អ៝ន់​ខាន់​អៃ​មៃ​ញហ្យាង់​ញុម​នតែរ​វើល​ទោ យ៝រ​លាស​នាវ​រេស​រាញាល់​មរា​គែស​តា​ផូង​ខាន់​អៃ​មៃ​រ៝‌

Yakơ 5:1 Iomraidhean Croise

Nau Mprơ Ơm 17:14

Ơ Brah Yêhôva, dŏng ti May rklaih an gâp tă bơh phung bunuyh neh ntu, Jêng phung khân păng knŏng geh tâm rnôk aơ. May ăn ndŭl khân păng bêng ler lĕ drăp ndơ May ăn prăp ma khân păng; Phung kon khân păng dơi rmeh ler tâm ban lĕ Jêh ri kŏ hôm e rmeh ăn ma phung sau khân păng.

Nau Hôr 11:28

Mbu nơm rnơm nsing ma drăp ndơ păng nơm mra rlâm tŭp, Bi ma bunuyh sŏng srăng mra geh jêng lơn nâm bu n'ha si ndrêh.

Nau Hôr 11:4

Drăp ndơ mâu geh ôh nau khlay ta nar nau ji nuih, Ƀiălah nau sŏng srăng tâm rklaih bơh nau khĭt.

Êsai 13:6

Nhĭm nhhiăng hom, yorlah nar Brah Yêhôva dăch jêh! Nar nây mra tât tâm ban ma nau ƀư rai bơh Nơm Geh Lĕ Nau Brah.

Êsai 15:3

Tâm trong sâng, khân păng nsoh ao ƀau; Ta klơ chor jây jêh ri tâm lĕ ntŭk rgum băl, Lĕ rngôch bunuyh nhĭm nhhiăng da dê, dêh rhêt jêh ri luh dak măt.

Yêrêmi 4:8

Yor nây, put hom bok ƀau tâm săk Nhĭm nhhiăng vơl dăn, Yorlah nau Brah Yêhôva ji nuih Ê hŏ du bơh he ôh.”

Yêrêmi 9:23

Brah Yêhôva lah: “Bunuyh blau lơi rnê êng ma nau blau mĭn păng nơm; Bunuyh ktang lơi rnê êng ma nau dăng ktang păng nơm; Bunuyh ndrŏng lơi rnê êng ma nau ndrŏng păng nơm ôh.

Êsêkiêl 19:2

jêh ri lah: “Mê̆ may kăl e ri mâm păng jêng? Jêng yau mŭr me gŭ kuen ta nklang phung yau mŭr nkuăng; Gŭ kuen ta nklang phung yau mŭr kon Jêh rong phung kon păng.

Êsêkiêl 30:2

“Hơi kon bunuyh, mbơh lor hom pô aơ nau Kôranh Brah Yêhôva lah: ‘Nhĭm vơl hom! Ngăn yơh jêng nar rêh ni ngăn!

Yôel 1:11

Hơi phung ƀư mir, bêk prêng hom; Hơi phung tăm tơm krăk ƀâu, nhĭm vơl hom ma ba ƀlê jêh ri ba ôrgơ, Yorlah yan kăch roih tâm mir hŏ roh jêh.

Yôel 1:13

Hơi phung kôranh ƀư brah, nsoh hom ao ƀau jêh ri nhĭm vơl! Hơi phung pah kan ta nơng ƀư brah, nhĭm vơl hom! Hơi phung pah kan ma Brah Ndu gâp, Văch nsoh hom ao ƀau rngeh lĕ du măng! Yorlah ndơ ƀư brah rnih môi jêh ri ndơ nhhơr nhêt sa mâu hôm geh nhhơr Tâm ngih Brah Ndu khân may!

Yôel 1:5

Hơi phung nhŭl ndrănh, kah rngăl hom jêh ri nhĭm nhhiăng! Hơi lĕ rngôch phung vay nhêt ndrănh, nhĭm nhhiăng hom, Yorlah ndrănh njŭng lĕ bu sŏk jêh tă bơh trôm mbung khân may!

Mika 6:12

Yorlah phung ndrŏng ƀon aơ bêng ma nau ƀai, Phung ƀon lan păng jêng phung ngơi mƀruh Jêh ri mpiăt vay ndơm gŭ tâm trôm mbung khân păng.

Sôphôni 1:18

Nđâp ma prăk mâu lah mah khân păng Kŏ mâu dơi đŏng tâm rklaih khân păng Tâm nar Brah Yêhôva ji nuih. Ƀiălah tâm lam neh ntu mra geh ŭnh ntôn bơh Păng su ntrŭt, Yorlah Păng mra ƀư rai lĕ rngôch phung gŭ ta klơ neh ntu Ma nau krit toyh ngăn!”

Nau Vay Nkah Tay 32:15

Dôl Yêsurun văch ma lay jêh ri chưng, — Khân may lay đŏng, săk jăn rmŏng — Chalơi Brah Ndu, Nơm njêng jêh khân may nơm Jêh ri mưch ma Lŭ Toyh tâm rklaih khân may nơm.

Yakơ 1:11

Nar luh geh duh ktang ƀư ma gơ̆ kro, kao rŭng, nau ueh păng roh. Tâm ban pônây lĕ, bunuyh ndrŏng ăt mra hoănh kro ta nklang lĕ nau mĭn kan păng ƀư.

Yakơ 2:6

Ƀiălah khân may mưch rmot ma phung o ach. Mâu di phung ndrŏng hĕ tŭn jot khân may, têk khân may văch tanăp ntŭk ngih phat dôih?

Yakơ 4:13

Aƀaơ aơ, hơi oh nâu jêng phung bunuyh dôl lah: “Nar aơ mâu lah nar ôi taơ he mra hăn ta du ƀon ri, gŭ ta nĕ du năm, tăch rgâl jêh ri sa drăp.”

Yakơ 4:9

rngot rvê hom, nter lŭng hom, nhĭm nhhiăng hom; rgâl hom gơm jêng nhĭm, rgâl hom maak jêng nau rngot klâng.