Yakơ 4:7 - Nau Brah Ndu Ngơi 2023

⁷ Pôri, tông hom ma Brah Ndu. Tâm rdâng hom đah brah mhĭk, jêh ri păng mra nchuăt du bơh khân may.

Bunong Bible Latin Script Cambodian dialect

⁷ Lah ndri ăn khân ay may iăt jan tâng nau Kôranh Brah. Ăn gŭ nâp rkâk dô, lơi ôh iăt lơi ôh jan tâng nau Satăng, ndri dâng păng mra du nchuăt bơh khân ay may ro.

Bunong

⁷ លាស​នទ្រី​អ៝ន់​ខាន់​អៃ​មៃ​អ្យាត់​ជាន​តឹង​នាវ​កោរាញ​ឞ្រាស។ អ៝ន់​គុ​ន៝ប់​រាក៝ក់​ទោ លើយ​អោស​អ្យាត់​លើយ​អោស​ជាន​តឹង​នាវ​ឆាតាង់  នទ្រី​ទឹង​ពាង់​មរា​ទូ​ញច្វាត់​ឞើស​ខាន់​អៃ​មៃ​រ៝។

Yakơ 4:7 Iomraidhean Croise

II Samuel 15:26

Ƀiălah tơlah Păng lah: ‘Gâp mâu ŭch rŏng ôh may,’ pôri ăn Păng ƀư ma gâp tĭng nâm nau Păng mĭn ueh!”

II Nau Rêh Jêng 30:8

Aƀaơ, lơi ta dăng ko ôh nâm bu phung che khân may; yơr hom ti khân may nơm rle mpeh ma Brah Yêhôva jêh ri lăp hom Ntŭk Kloh Ueh jêng ntŭk ƀư kloh ueh n'ho ro jêh ri pah kan hom ma Yêhôva Brah Ndu khân may, gay ma nau Păng ji nuih dơi du ngai bơh khân may.

Ndrom Samƀŭt bơh Yôp 1:21

jêh ri lah: “Gâp rah rhôk luh bơh ndŭl me Gâp mra plơ̆ sĭt rah rhôk tay đŏng; Brah Yêhôva hŏ ăn jêh, Brah Yêhôva plơ̆ sŏk sĭt tay; Khư tâm rnê amoh Brah Yêhôva!”

Nau Mprơ Ơm 66:3

Lah hom ma Brah Ndu pô aơ: “Lĕ nau kan May toyh ngăn ngên! Yorlah nau Brah May dŭt toyh, lĕ phung rlăng May mra tâm rnglăp ma May da dê.

Nau Mprơ Ơm 68:30

Nduyh lah ma mpa bri rêh gŭ tâm rpho treng, Nduyh lah ma phung ndrôk nkuăng ndrel lĕ ndrôk kon phung ƀon lan Kŏ tât khân păng chon kômâk jêh ri nhhơr lĕ rlay prăk. Dăn May ƀư rai lơi phung mpôl băl bunuyh ŭch ma nau tâm lơh.

Yêrêmi 13:18

Lah hom ma hađăch jêh ri mê̆ hađăch pô aơ: “Dăn trŭnh bơh sưng hađăch gŭ tâm dâng neh, Yorlah đon hađăch chrêk lơp Hŏ tŭp bơh bôk lĕ bunuyh jêh.”

Daniel 4:25

Bu mra nsot may tă bơh kon bunuyh jêh ri may mra gŭ ndrel mpô mpa bri tâm ndrêch. Bu mra ăn may sa gơ̆ nâm bu ndrôk jêh ri mra bĕ ma dak ngom bơh trôk; pơh gưl yan mra rgăn ta hađăch kŏ tât hađăch gĭt pô aơ Nơm Dŭt Prêh chiă uănh ƀon bri hađăch kon bunuyh jêh ri Păng ăn ma mbu nơm tĭng nau mĭn Păng ŭch.

Daniel 4:32

Bu mra nsot may tă bơh ta nklang phung bunuyh jêh ri gŭ ndrel ma mpô mpa bri. Bu mra ăn may sa gơ̆ nâm bu ndrôk jêh ri lăn tâm pơh gưl kŏ may gĭt rbăng pô aơ Nơm Dŭt Prêh chiă uănh tâm ƀon bri hađăch kon bunuyh jêh ri ăn ma bu tĭng nau Păng nơm ŭch.”

Mathay 11:29

Gâp geh nuih n'hâm rdơ̆ rbăn, dêh rhêt; ăn khân may anh ndơ mbăk Gâp jêh ri nti tă bơh Gâp ri mơ huêng khân may mra rlu.

Kôranh Oh Mon 26:19

Hơi hađăch Agripa, ntơm bơh nây, gâp mâu janh tâm rdâng đah nau tâm saơ tă bơh klơ trôk ôh;

Kôranh Oh Mon 9:6

Ƀiălah dâk hom may, lăp tâm ƀon, bu mra lah ma may lĕ nau may mra ƀư.”

Samƀŭt Pôl Njuăl Ăn Ma Phung Nsing Ta Ƀon Rôm 10:3

Dôl khân păng mâu gĭt năl nau sŏng srăng Brah Ndu jêh ri joi nau njêng nau sŏng srăng êng khân păng nơm, pôri khân păng mâu tông ma nau sŏng srăng Brah Ndu ôh;

Samƀŭt Pôl Njuăl Ăn Ma Phung Nsing Ta Ƀon Rôm 14:11

Yorlah nau nchih: “Kôranh Brah lah: Nanê̆ ngăn Gâp gŭ rêh mro mrăng, lĕ rngôch kômâk mra chon mon tanăp Gâp, Jêh ri lĕ rngôch mpiăt mra tâm rnê ma Brah Ndu.”

Êphêsô 4:27

lơi dĭng njêng du ntŭk găl ăn brah mhĭk.

Êphêsô 5:21

Yor klach yơk ma Brah Krist, tâm tông hom ndrăng nơm.

Êphêsô 6:13

Yor nây, ndrăp hom lĕ rngôch ndơ tâm lơh Brah Ndu, gay tâm nar mhĭk, khân may dơi tâm rdâng; jêh ri tơlah dơi lĕ rngôch jêh, khân may dơi gŭ nâp ngăn.

ហេឞ្រើ 12:9

Rlau lơn ma nĕ, mbơ̆ tâm nglay săk nduyh nkra, he hôm klach yơk, rlau lơn ma Mbơ̆ tâm huêng, mâu di hĕ he mra tông âk tơ̆ lơn gay geh nau rêh?

I Pêtrôs 2:13

Yor Kôranh Brah, tông hom lĕ rngôch nau dơi kon bunuyh, mâu lah đah hađăch jêng bunuyh geh nau dơi toyh lơn,

I Pêtrôs 5:6

Pôri, ntrŭnh hom păng nơm tâm dâng ti nau brah Brah Ndu, gay tât mông tâm di păng mra n'hao khân may klơ.

I Samuel 3:18

Pôri, Y-Samuel nkoch tay lĕ rngôch nau, mâu pôn mo du ntil nau ma păng ôh. Y-Êli lah: “Nây jêng Brah Yêhôva, ăn Păng ƀư nau nây tĭng nâm nau Păng mĭn ueh!”