Yakơ 4:6 - Nau Brah Ndu Ngơi 2023

⁶ Ƀiălah păng ăn nau yô̆ toyh lơn, yor nây Nau Brah Ndu Ngơi lah: “Brah Ndu tâm rdâng đah phung sưr, ƀiălah ăn ma nau yô̆ ma phung dêh rhêt.”

Bunong Bible Latin Script Cambodian dialect

⁶ Yơn ma ta nau ueh Kôranh Brah nơm Păng ŭch kơl bân hô ngăn, kơt ndri geh nchih ta Nau Kôranh Brah Ngơi kơt nđa: ‘Kôranh Brah tâm rdâng ma bunuyh i n'hi êng săk, Yơn ma Păng kơl ma bunuyh i njŭr êng săk ŭch iăt Păng’.

Bunong

⁶ យើន​មា​តា​នាវ​អ្វែស​កោរាញ​ឞ្រាស​នើម​ពាង់​អុច​កើល​ឞ៝ន់​ហោ​ងាន់ កើត​នទ្រី​គែស​ញចីស​តា​នាវ​កោរាញ​ឞ្រាស​ងើយ​កើត​នអា៖ «កោរាញ​ឞ្រាស​តឹម​រាទ៝ង់​មា​ឞូនុយ្ស​អី​នហី​អេង​ឆាក់‌ យើន​មា​ពាង់​កើល​មា​ឞូនុយ្ស​អី​ញជុរ​អេង​ឆាក់​អុច​អ្យាត់​ពាង់»។

Yakơ 4:6 Iomraidhean Croise

II Nau Rêh Jêng 32:26

Ƀiălah, Y-Hêsêkia jêh ri phung ƀon lan gŭ ta Yêrusalem ntrŭnh săk ma nau dêh rhêt, mâu hôm sưr, pôri nau Brah Yêhôva ji nuih mâu tât ôh rô̆ Y-Hêsêkia.

II Nau Rêh Jêng 33:12

Nôk păng gŭ tâm nau rêh ni, păng vah vơl dăn ma Yêhôva Brah Ndu, jêh ri ntrŭnh săk păng nơm tanăp Brah Ndu phung chô yau păng.

II Nau Rêh Jêng 33:19

Nau păng mbơh sơm jêh ri nau Brah Ndu dơn nau păng vơl, lĕ nau păng ƀư tih jêh ri lĕ nau păng mâu gŭ răp jăp ôh, lĕ ntŭk prêh păng hŏ ndâk, rup brah Asêrim jêh ri rup brah trah, êlor ma păng ntrŭnh săk păng nơm; lĕ rngôch bu nchih da dê tâm ndrom samƀŭt Y-Hôxai.

II Nau Rêh Jêng 33:23

Hađăch Amôn mâu ŭch ntrŭnh săk păng nơm tanăp măt Brah Yêhôva nâm bu Y-Manasê, mbơ̆ păng hŏ ƀư jêh, ƀiălah păng ƀư tih lơ hâu lơn.

II Nau Rêh Jêng 34:27

‘Tơlah may tăng jêh nau Gâp lah tâm rdâng đah ntŭk aơ jêh ri phung ƀon lan gŭ tâm ntŭk aơ, pôri may geh nuih n'hâm rdơ̆ rbăn, ntrŭnh dêh rhêt tanăp măt Gâp, nkhêk ao jêh ri nhhiăng nhĭm tanăp măt Gâp, yor ri Gâp hŏ tăng jêh nau may; Brah Yêhôva lah kơt nây.

Ndrom Samƀŭt bơh Yôp 22:29

Lah khân păng geh nau gơm mưch, may mra lah: ‘Yor khân păng sưr!’ Yorlah Brah Ndu rklaih phung dêh rhêt.

Nau Mprơ Ơm 138:6

Nđâp tơlah Brah Yêhôva jêng dŭt prêh, ăt Păng treng uănh ma phung jê̆ janh; Ƀiălah ntơm bơh ngai, Păng gĭt năl jêh phung sưr.

Nau Mprơ Ơm 9:12

Yorlah Nơm plơng bôk ma mham kah gĭt ma phung rêh ni; Păng mâu chuêl ôh nau khân păng kuăl gay sâm rklaih.

Nau Ngluh Êjipt 18:11

Aƀaơ gâp gĭt jêh Brah Yêhôva toyh lơn ma lĕ rngôch brah, yorlah dôl phung Êjipt ƀư mhĭk ma phung ƀon lan Păng ma nau dŭt sưr yor ri Păng dơi lơh khân păng.”

Nau Hôr 15:33

Nau klach yơk ma Brah Yêhôva ntĭm nau blau mĭn, Jêh ri nau dêh rhêt hăn lor ma nau yơk.

Nau Hôr 18:12

Nuih n'hâm sưr hăn lor ma nau rai lôch, Ƀiălah nau dêh rhêt hăn panăp ma nau yơk.

Nau Hôr 22:4

Nau nkhôm ăn nau dêh rhêt jêh ri klach yơk ma Brah Yêhôva Jêng nau ndrŏng, nau bu yơk jêh ri nau rêh.

Nau Hôr 29:23

Nau sưr bơh du huê bunuyh mra ntrŭnh lơi nơm nây, Ƀiălah mbu nơm geh nuih n'hâm dêh rhêt mra geh nau yơk.

Nau Hôr 3:34

Kôranh Brah mưch ma phung vay mưch, Ƀiălah Păng ăn nau yô̆ ma phung dêh rhêt.

Êsai 2:17

Nuih n'hâm sưr kon bunuyh bu mra chŭn, Jêh ri nau hưn kon bunuyh bu mra n'glưh; Tâm nar nây, knŏng êng Brah Yêhôva geh nau bu yơk.

Êsai 54:7

“Gâp chalơi jêh ay ƀât lât, Ƀiălah Gâp mra vơt ay sĭt ma nau yô̆ nđach mâu blau lôch.

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Daniel 4:37

Aƀaơ aơ, gâp, Y-Nêbukatnetsar mprơ tâm rnê, mât ton jêh ri yơk ma hađăch tâm Trôk Yorlah lĕ nau kan Păng jêng nanê̆ ngăn da dê Jêh ri lĕ trong Păng jêng sŏng da dê. Mbu nơm hăn tâm nau sưr Păng mra ntrŭnh.

Mathay 13:12

Yorlah nơm geh jêh, mra ăn ntop gay geh âk rmeh, ƀiălah mbu mâu geh bu mra sŏk lơi lĕ ndơ păng hŏ geh jêh.

Mathay 23:12

Mbu nơm n'hao êng păng nơm bu mra trŭnh tâm dâng, bi mbu nơm ntrŭnh păng nơm, bu mra n'hao păng.

Luka 1:52

Păng n'glưh nsot sưng hađăch lĕ phung chiă uănh, Jêh ri hŏ n'hao phung bunuyh dêh rhêt hao.

Luka 14:11

Yorlah mbu nơm n'hao êng păng nơm bu mra ntrŭnh, ƀiălah mbu nơm ntrŭnh êng păng nơm bu mra n'hao păng.”

Luka 18:14

Gâp mbơh ma khân may, bunuyh aơ plơ̆ sĭt ta ngih păng, dơi kơp sŏng srăng, mâu di bunuyh ri. Yorlah mbu n'hao êng mra hŭch tâm dâng, ƀiălah mbu nơm hŭch tâm dâng êng mra n'hao.”

Yakơ 4:10

Ntrŭnh hom săk jăn khân may tanăp Kôranh Brah ri mơ Păng mra n'hao khân may klơ.

I Pêtrôs 5:5

Tâm ban lĕ, phung druh ndăm tông hom ma phung kôranh bu ranh. Lĕ rngôch bunuyh nsoh hom nau dêh rhêt gay ƀư ueh ndrăng khân may; yorlah Brah Ndu tâm rdâng đah phung sưr, ƀiălah ăn nau yô̆ ma phung dêh rhêt.

I Samuel 2:3

Găp hơi, lơi hôm ngơi lĕ rngôch nau sưr! Lơi dĭng ăn ôh lĕ nau ngơi ƀlăch ƀlêr luh du tă bơh bâr mbung khân may! Yorlah Brah Yêhôva jêng Brah Ndu gĭt lĕ rngôch, Păng veh njing lĕ rngôch kan bu ƀư.