Yakơ 4:11 - Nau Brah Ndu Ngơi 2023

¹¹ Hơi oh nâu, lơi ta khân may ngơi mhĭk ndrăng khân may nơm ôh. Mbu nơm ngơi mhĭk ma oh nâu păng nơm mâu lah phat dôih ma oh nâu păng nơm, nâm bu ntĭt ngơi mhĭk ma nau vay jêh ri phat dôih ma nau vay. Ƀiălah tơlah may phat dôih ma nau vay, may mâu di jêng bunuyh jan tĭng ma nau vay ôh, ƀiălah may jêng kôranh phat dôih ma nau vay.

Bunong Bible Latin Script Cambodian dialect

¹¹ Ơ oh nô ta nau nsing, khân ay may lơi ôh tâm kek ndrăng nơm. Bu moh i tâm kek, mâu lah tâm jưch ndrăng khân păng nơm, khân păng i nây tâm ban ma ngơi kek ngơi jưch nau vay Kôranh Brah đŏng. Bu moh i jưch nau vay Kôranh Brah, păng i nây mâu hôm ôh jan tâng nau vay i nây, jêng kôranh ma nau vay i nây chrao.

Bunong

¹¹ អើ​អ៝ស​នោ​តា​នាវ​ញឆីង ខាន់​អៃ​មៃ​លើយ​អោស​តឹម​កែក​នទ្រាង់​នើម។ ឞូ​ម៝ស​អី​តឹម​កែក មោ​លាស​តឹម​ជឺច​នទ្រាង់​ខាន់​ពាង់​នើម ខាន់​ពាង់​អី​នៃ​តឹម​ឞាន​មា​ងើយ​កែក​ងើយ​ជឺច​នាវ​វៃ​កោរាញ​ឞ្រាស​ដ៝ង់។ ឞូ​ម៝ស​អី​ជឺច​នាវ​វៃ​កោរាញ​ឞ្រាស ពាង់​អី​នៃ​មោ​ហោម​អោស​ជាន​តឹង​នាវ​វៃ​អី​នៃ ជេង​កោរាញ​មា​នាវ​វៃ​អី​នៃ​ច្រាវ។

Yakơ 4:11 Iomraidhean Croise

Nau Mprơ Ơm 140:11

Lơi ăn bunuyh geh mpiăt ndơm dơi gŭ nâp tâm n'gor; Ăn nau djơh mra hăn tĭng joi bunuyh janh ƀai!

Luka 6:37

Lơi phat dôih bu gay khân may mâu mra geh nau phat dôih. Lơi phong bu gay khân may mâu mra geh nau tâm rmal. Yô̆ an hom ri mơ khân may mra dơi yô̆ an.

Samƀŭt Pôl Njuăl Ăn Ma Phung Nsing Ta Ƀon Rôm 2:1

Pônây, hơi bunuyh ri, nđâp tơlah mbu moh may jêng kđôi, tơlah may phat dôih bunuyh êng, may mâu dơi koh dŏng may nơm; yorlah dôl may phat dôih khân păng, may tâm rmal may nơm yơh, yorlah may phat dôih bu ƀiălah may ƀư tâm ban ma bu đŏng.

Samƀŭt Pôl Njuăl Ăn Ma Phung Nsing Ta Ƀon Rôm 2:13

Yorlah mâu di bunuyh iăt rŏ nau vay dơi kơp jêng sŏng srăng tanăp Brah Ndu, ƀiălah bunuyh ƀư tĭng nau vay jêng bunuyh dơi kơp sŏng srăng.

Samƀŭt Pôl Njuăl Ăn Ma Phung Nsing Ta Ƀon Rôm 7:7

Pônây mâm ƀư he mra lah? Nau vay jêng nau tih lĕ? Mâu! Mâu di tâm ban pônây ôh! Ƀiălah tơlah mâu geh nau vay gâp mâu gĭt năl nau tih. Tơlah nau vay mâu lah: “Lơi may kơnh ir” pôri gâp mâu hŏ gĭt năl moh nau kơnh ir ôh.

I Kôrintô 4:5

Pôri, lơi dĭng phat dôih gơnh ir, gŭ kâp hom Kôranh Brah plơ̆ văch; Păng mra mpơl ta ntŭk ang lĕ rngôch moh nau pôn jêh tâm ntŭk ngo, jêh ri mpơl lĕ nau ŭch tâm nuih n'hâm. Nôk nây, ăp nơm mra dơn nau tâm rnê tă bơh Brah Ndu.

II Kôrintô 12:20

Yorlah gâp klach tơlah gâp tât gâp mâu mra saơ khân may nâm bu gâp kâp gân, bi khân may saơ đŏng gâp mâu di nâm bu khân may ŭch. Gâp klach ta nklang khân may geh nau tâm jin, nau mâu nach, nau duh nuih, nau mbeh, nau ngơi kek, nau nchơt, nau sưr, nau uh ah.

Êphêsô 4:31

Ngroh lơi hom bơh khân may lĕ nau khek, nuih n'hâm hăt janh, nau ji nuih, nau nter, nau suai rak, ndrel ma lĕ nau djơh mhĭk.

I Timôthê 3:11

Phung bu ur tâm ban lĕ, ăn gŭ ngao ueh, mâu ngơi mhĭk, ƀiălah di keh jêh ri gŭ răp jăp tâm lĕ rngôch ndơ.

II Timôthê 3:3

mâu geh nau rŏng ma bu, mâu gĭt yô̆, ngơi nchơt, brŭt ndrăng, janh ngăn, tâm rmot ma nau ueh,

Titus 2:3

Bu ur ranh kơt nây đŏng, ăn gŭ ngao ma nau kloh ueh, mâu ngơi mhĭk, mâu vay nhêt ndrănh. Ăn khân păng gĭt ntĭm nti ntil nau ueh jêh ri nau di

Yakơ 1:16

Hơi phung oh nâu gâp rŏng, lơi ăn bu ndơm mƀruh ma khân may:

Yakơ 1:19

Hơi phung oh nâu gâp rŏng, khân may gĭt jêh nau aơ: Ăn lĕ rngôch bunuyh gơnh tâm iăt, ƀât ngăch ngơi, ngăch ji nuih ôh;

Yakơ 1:25

Ƀiălah mbu nơm sek uănh nanê̆ nau vay di ngăn nây, jêng nau vay djôt leo nau jêng kon me, jêh ri nuih n'hâm srôih sek uănh, mâu di knŏng tăng jêh ri chuêl lơi, ƀiălah păng ƀư tĭng nâm nau nây, bunuyh nĕ mra geh nau ueh maak ngăn tâm kan păng nơm.

Yakơ 2:8

Tơlah nanê̆ khân may tông ma nau vay Hađăch, tĭng nâm Nau Brah Ndu Ngơi: “Rŏng hom ma phung chiau meng nâm bu khân may nơm lĕ” khân may gŭ ngao di.

Yakơ 5:10

Hơi phung oh nâu, tĭng kơt hom anh dơn nau rêh ni jêh ri nau srôih bơh phung mbơh lor, jêng phung bunuyh lah jêh tâm amoh Kôranh Brah.

Yakơ 5:7

Yor ri, hơi oh nâu, srôih hom ma tât nar Kôranh Brah plơ̆ văch. Uănh hom bunuyh kan mir gŭ kâp play kao khlay tă bơh neh, srôih kŏ tât nôk geh dak mih bôk rah jêh ri dak mih dŭt yan.

Yakơ 5:9

Hơi phung oh nâu, lơi tâm nduyh ndrăng khân may nơm, gay ma khân may mâu geh nau phat dôih; ri, Nơm phat dôih dôl dâk ta bôk mpông.

I Pêtrôs 2:1

Pôri, khân may chalơi hom lĕ nau janh ƀai, ƀlêp ƀlêr, nuih n'hâm nklă, mâu nach jêh ri lĕ nau ngơi nchơt.