Yakơ 3:6 - Nau Brah Ndu Ngơi 2023

⁶ Mpiăt ăt jêng ŭnh lĕ. Tâm lĕ kô̆ săk jăn he, mpiăt jêng neh ntu nau tih mhĭk, ƀư ƀơ̆ lĕ săk jăn, su lĕ nau rêh, jêh ri ŭnh tă bơh ndrung ŭnh ăt su păng.

Bunong Bible Latin Script Cambodian dialect

⁶ Mpiăt jêng ŭnh du ntil đŏng, păng jêng ndơ dŭt djơh ta săk jăn bân i jan ăn săk jăn bân lĕ rngôch jêng ƀơ̆ ƀơch, ndrel ma su djeh ta nau rêh bân, yorlah ta mpiăt i nây geh ŭnh nau djơh tă bơh ndrung ŭnh.

Bunong

⁶ មព្យាត់​ជេង​អុញ​ទូ​នតីល​ដ៝ង់ ពាង់​ជេង​នទើ​ទុត​អ្យើស​តា​ឆាក់​ជាន់​ឞ៝ន់​អី​ជាន​អ៝ន់​ឆាក់​ជាន់​ឞ៝ន់​លែៈ​រាងោច​ជេង​បឹ​បើច នទ្រែល​មា​ឆូ​អ្យែស​តា​នាវ​រេស​ឞ៝ន់ យ៝រ​លាស​តា​មព្យាត់​អី​នៃ​គែស​អុញ​នាវ​អ្យើស​តាៈ​ឞើស​នទ្រូង​អុញ។

Yakơ 3:6 Iomraidhean Croise

II Samuel 16:20

Y-Apsalôm lah ma Y-Ahitôpel: “Khân may nchră hom joi moh nau he mra ƀư?”

II Samuel 19:43

Phung Israel plơ̆ lah đŏng ma phung Yuđa: “Ma hađăch Đavit, hên geh jât mpôl băl prăp ma ngih hađăch; rlau lơn ma nĕ, hên geh âk nau di lơn ƀơh đah khân may. Pôri mâm ƀư khân may tâm rmot ir ma hên? Mâu hĕ di hên jêng phung lor lơn hŏ lah ma nau njŭn sĭt hađăch he?” Ƀiălah phung Yuđa ngơi ktang lơn ma phung Israel ngơi.

II Nau Rêh Jêng 13:17

Y-Abija jêh ri phung tahan păng lơh rai jêh ri ƀư ma phung tahan Israel khĭt âk ngăn bunuyh; geh prăm rsen bunuyh tahan janh ktang tâm phung Israel khĭt.

Nau Mprơ Ơm 140:3

Khân păng tôl mplanh mpiăt khân păng nâm bu mpiăt bêh, Ndôi khân păng geh dak kăch bêh ku. (Sêla)

Nau Mprơ Ơm 64:3

Khân păng tôl mpiăt khân păng nơm nâm bu đao. Bruh nau kăch mhĭk ji tâm ban ma lĕ chiông hăr.

Nau Hôr 15:1

Nau plơ̆ lah ma bâr rdơ̆ rbăn ƀư djoh nau ji nuih, Bi nau ngơi dăng nsônh nau ji nuih.

Nau Hôr 16:27

Bunuyh mâu chroh tâm nchră ŭch ƀư mhĭk bu, Tâm mbung păng nâm bu geh chiông ŭnh hit.

Nau Hôr 6:19

Nơm nkoch mƀruh jêh ri ngơi nau nchơt, Nơm joi nau tâm djrel ndrăng oh nâu.

Nau Hôr 7:5

Gay ma păng mât may bơh bu ur văng tĭr, Bơh bu ur bu năch ngơi nau njŭng kah.

Êsai 30:27

Aơ, amoh Brah Yêhôva văch tă bơh ngai; Ma nau Păng duh nuih, Nhhŭk ŭnh mbâl hao thŭl; Trôm mbung Păng bêng ma nau ji nuih, Mpiăt Păng tâm ban ma ŭnh sa;

Êsai 50:11

Aơ, lĕ rngôch khân may jêng phung sŭnh ŭnh, Jêh ri ŭnh rdo, Hăn hom ta nklang mpiăt ŭnh Jêh ri ŭnh rdo khân may su jêh! Aơ jêng nau ti Gâp hŏ ƀư ma khân may: Khân may mra lâng săk ma nau rêh ni!

Yêrêmi 20:10

Yorlah gâp tăng nau ngơi ƀŭk dŭk suyh: “Nau krit klach puăn mpeh! Phong hom! Ăn he phong hom păng!” Lĕ rngôch phung mĭt jiăng may Ŭch ma gâp chêh prah da dê. Khân păng lah: “Gĭt lah păng tŭp tâm nau ndơm, He mra dơi đah păng, Jêh ri plơng bôk păng.”

Yêrêmi 28:16

Yor nây, Brah Yêhôva lah: ‘Aơ, Gâp mra mprơh may bơh klơ neh ntu. Năm aơ yơh may mra khĭt yorlah may hŏ ƀư nau uh ah tâm rdâng đah Brah Yêhôva.’”

Kan Lêvi 24:11

Kon bu klâu bu ur Israel nây yơh ngơi sưr jêh ri rak rtăp ma amoh Brah Yêhôva. Bu njŭn păng tât ma Y-Môis. Amoh me păng H'Sêlômit, kon bu ur Y-Dibri, bơh noi deh Dan.

Nau Kơp Bunuyh 25:2

Phung bu ur aơ jă phung ƀon lan Israel sa lĕ mpa ƀư brah nhhơr ma phung brah khân păng. Phung ƀon lan sa jêh ri chon mbah panăp phung brah khân păng.

Nau Kơp Bunuyh 31:16

Phung bu ur nây hăn tĭng nau Y-Balaam gay ndơm phung ƀon lan Israel nhhơr mbah Pêôr, ƀư tih toyh tanăp măt Brah Yêhôva jêh ri ƀư ăn phung tâm rƀŭn Brah Yêhôva tâm rƀŭn anh nau mhĭk.

Mathay 12:24

Ƀiălah jêh phung Pharisi tăng pôri khân păng lŏ lah: “Bunuyh nây mâu dơi mprơh brah mhĭk, tơlah mâu tâm kôranh brah mhĭk Bêlsêbul.”

Mathay 5:22

Ƀiălah Gâp lah ma khân ay may: Mbu nơm ji nuih ma oh nâu păng mra dơn nau bu phat dôih; mbu nơm suai rak ma oh nâu păng jêng ‘nau rluk’ khư dơn Mpôl Kôranh Phat Dôih sek uănh; mbu nơm suai rak ma oh nâu păng jêng brŭt ndrăng khư dơn nau rmal tâm ndrung ŭnh.

Markôs 7:15

Mâu geh ôh du ntil ndơ tă bơh padih lăp tâm bunuyh jêh ri dơi ƀư ƀơ̆ păng; ƀiălah lĕ ndơ luh tă bơh bunuyh, ndơ nây yơh ƀư ƀơ̆ păng.”

Luka 16:24

Păng kuăl huy: ‘Hơi chô yau Y-Abraham, yô̆ nđach an gâp ƀă, njuăl Y-Lasar mbŭk nglau ti tâm dak gay nđik ta mpiăt gâp, yorlah gâp rêh ni dŭt hâu ngăn tâm mpiăt ŭnh aơ.’

Kôranh Oh Mon 20:30

Tă bơh nklang phung oh nâu khân may mra dâk đŏng bunuyh nti lah âk nau tih mhĭk, gay ma ndơm phung oh mon tĭng ndô̆ khân păng.

Kôranh Oh Mon 5:3

Y-Pêtrôs lah: “Hơi Y-Ananias! Mâm ƀư ăn Satan bêng tâm nuih n'hâm may, kŏ tât may ngơi mƀruh Brah Huêng Ueh gay prăp tay du kô̆ rnoh prăk tăch neh nây?

Kôranh Oh Mon 6:13

Khân păng ăn phung mbơh nchơt mƀruh, lah pô aơ: “Bunuyh aơ vay ngơi lĕ nau ngơi djơh tât ma ntŭk kloh ueh jêh ri ma nau vay.

Nau Vay Nkah Tay 13:6

Tơlah oh nâu khân may, kon bu klâu, kon bu ur, mâu lah ur khân may rŏng ngăn, mâu lah mĭt jiăng dăch đah khân may, jêng nơm ndơm khân may ma nau ndâp pô aơ: ‘Ăn he hăn jêh ri yơk mbah ma brah êng’ jêng phung brah khân may mâu lah phung chô yau khân may mâu hŏ gĭt năl ôh,

Titus 1:11

Yor ma drăp ndơ jê̆ jănh, khân păng hŏ ƀư lĕ nau mâu dơi nti, nau ƀư rai lĕ rnăk vâl bunuyh ƀa bă.

Yakơ 2:7

Mâu di hĕ khân păng jêng nơm ngơi djơh tât amoh dŭt khlay khân may kuăl jêh?

Yakơ 3:7

Lĕ rngôch ntil mpô mpa jêh ri sĭm och, ntil mpa vơr jêh ri mpa rêh tâm dak mƀŭt, mra dơi chiă uănh, jêh ri phung bunuyh hŏ chiă uănh jêh;

II Pêtrôs 3:3

Lor lơn, ăn khân may gĭt nau aơ: Tâm lĕ nar nglĕ dŭt, phung mưch mra văch ma nau ngơi srơh mbơh bir, gŭ rêh tĭng nau kơnh ŭch khân păng nơm.

III Yôhan 1:10

Yor nây, tơlah gâp hăn tât, gâp mra rkê̆ch tay lĕ nau păng ƀư jêh, jêng lĕ nau ƀai mhĭk tâm rdâng đah hên. Nđâp lah kơt nĕ ê hŏ maak nuih n'hâm đŏng, păng lŏ mâu vơt rom phung oh nâu, jêh ri mbu nơm ŭch vơt rom, păng buay bu jêh ri mprơh lơi bơh Phung Ngih Brah Ndu.

Nau Tâm Mpơl 12:9

Bu klŭp mƀăr bêh nhŭk nhăk toyh jŭr ta neh, jêng bêh ơm, bu rnha jêng brah mhĭk mâu lah Satan, nơm ndơm mƀruh lĕ kon bunuyh. Bu klŭp păng jŭr ta neh ntu; phung mbơh păng bu klŭp mƀăr jŭr ndrel ma păng.

Nau Tâm Mpơl 13:14

Păng ndơm mƀruh phung gŭ ta neh ntu ma nau mbên khlay, bu ăn păng dơi vay ƀư tanăp mpô mpa dŭt janh; jêh ri đă ma khân păng ƀư rup trah mpô mpa geh ntŭk sôt rmanh ƀơh đao gưm ƀiălah ăt hôm rêh.

Nau Tâm Mpơl 18:23

Nau ang kađen mâu mra nchrat ang ta ntŭk may đŏng; nteh maak ma ur sai mhe mâu mra hôm tăng ta ntŭk may đŏng, yorlah phung tăch rgâl may jêng phung bunuyh geh nau ktang ta neh ntu, jêh ri yorlah may dŏng nau ƀŭk rƀên gay ndơm mƀruh ma lĕ rngôch mpôl băl bunuyh.

Nau Tâm Mpơl 19:20

Ƀiălah bu nhŭp jêh mpô mpa dŭt janh nây jêh ri nơm mbơh lor nklă — nơm ƀư jêh lĕ nau mbên khlay tanăp mpô mpa, gay ndơm mƀruh ma phung bunuyh dơn jêh nau mbên tă bơh mpô mpa jêh ri phung bunuyh yơk mbah ma rup păng — bu nhŭp đŏng. Lĕ bar hê khân păng bu mƀăr rêh jŭr tâm nglao ŭnh mô ŭnh dôl hit.