Yakơ 3:2 - Nau Brah Ndu Ngơi 2023

² Lĕ rngôch he tih da dê tâm âk ntil nau. Mbu nơm mâu tih ôh tâm nau ngơi, păng jêng bunuyh rĭng jêh, mra dơi chiă uănh lĕ săk jăn păng nơm.

Bunong Bible Latin Script Cambodian dialect

² Dâng lĕ bân hôm jan tih ŏk, bu moh i mâu ôh jan tih ta nau păng mbơh ngơi, păng i nây jêng bunuyh lĕ di keh, nđâp ma blao mât njrăng lĕ rngôch săk jăn păng nơm ro.

Bunong

² ទឹង​លែៈ​ឞ៝ន់​ហោម​ជាន​តីស​អ៝ក់ ឞូ​ម៝ស​អី​មោ​អោស​ជាន​តីស​តា​នាវ​ពាង់​មឞើស​ងើយ ពាង់​អី​នៃ​ជេង​ឞូនុយ្ស​លែៈ​ទី​កែស នអ៝ប់​មា​ឞ្លាវ​ម៝ត់​ញជ្រាង់​លែៈ​រាងោច​ឆាក់​ជាន់​ពាង់​នើម​រ៝។

Yakơ 3:2 Iomraidhean Croise

I Phung Hađăch 8:46

Tơlah khân păng ƀư tih đah Kôranh Brah — yorlah mâu geh du huê bunuyh mâu ƀư tih — ƀư ăn May ji nuih ma khân păng jêh ri jao khân păng ăn ma phung rlăng ăn bu nhŭp khân păng ƀư dĭk tâm n'gor phung rlăng, mâu lah ntŭk ngai mâu lah dăch.

II Nau Rêh Jêng 6:36

Tơlah phung ƀon lan Israel ƀư tih đah May (yorlah mâu geh du huê bunuyh mâu ƀư tih), jêh ri May ji nuih jao khân păng ăn ma phung rlăng, nhŭp khân păng ƀư dĭk tâm n'gor ngai mâu lah dăch;

Ndrom Samƀŭt bơh Yôp 15:13

Kŏ tât huêng may tâm rdâng đah Brah Ndu, Jêh ri mbung may luh nau ngơi tâm ban pônây?

Nau Mprơ Ơm 34:13

Njrăng hom mpiăt may bơh nau mhĭk, Jêh ri trôm mbung may bơh ngơi nau ndơm.

Nau Mprơ Ơm 39:1

Gâp lah pô aơ: “Gâp mra prăp lĕ trong gâp, Gay prăp mpiăt gâp mâu ƀư tih: Tơlah dôl phung mhĭk gŭ tanăp gâp, Gâp mra mêm lơi trôm mbung gâp.

Nau Hôr 10:19

Mbu âk ngơi, nơih ngăn geh nau tih; Ƀiălah mbu nơm blau njrăng bâr mbung jêng nau blau mĭn.

Nau Hôr 13:3

Mbu nơm blau njrăng bâr mbung dơi mât nau rêh păng nơm, Ƀiălah nơm nđar huy ir mbung n'ho geh nau rai yot.

Nau Hôr 20:9

Mbu dơi lah: “Gâp hŏ ƀư kloh jêh nuih n'hâm gâp nơm; Gâp hŏ kloh jêh nau tih”?

Nau Hôr 21:23

Mbu nơm mât mbung mpiăt păng Jêng mât huêng păng nơm klaih bơh nau rêh ni.

Nơm Nti 7:20

N'hêl nanê̆, mâu geh du huê bunuyh sŏng srăng ta klơ neh Ƀư nau ueh ƀaƀơ mâu mâp tih ôh.

Êsai 64:6

Lĕ rngôch hên jêng jêh tâm ban ma ndơ ƀơ̆ ƀơch, Lĕ kan sŏng srăng hên jêng tâm ban ma bok ao ƀơ̆ jêh; Lĕ rngôch phung hên nhop kro tâm ban ma n'ha si, Jêh ri nau kue hên khôm rdu hên tâm ban ma sial.

Kan Lêvi 13:39

kôranh ƀư brah mra sek uănh. Tơlah lĕ ƀlak nglang tâm ntâu săk jăn du huê bunuyh jêng nhhuay, nây knŏng jêng kuh luh ntoh tâm ntâu; păng ăt jêng kloh.

Mathay 12:34

Hơi phung kon bêh rmâng! Khân may phung djơh mhĭk, mâm dơi ngơi nau ueh? Yorlah bêng tâm nuih n'hâm rĭ dĭng mbung luh ngơi.

Mathay 12:37

Yorlah nau ngơi, may mra dơi kơp sŏng srăng; yor nau ngơi đŏng, may mra geh nau tâm rmal.”

Samƀŭt Pôl Njuăl Ăn Ma Phung Nsing Ta Ƀon Rôm 3:10

mâm bu nchih jêh pô aơ: Mâu geh du huê bunuyh sŏng srăng ôh, Nđâp tơlah du huê mâu geh đŏng.

Samƀŭt Pôl Njuăl Ăn Ma Phung Nsing Ta Ƀon Rôm 7:21

Yor ri, gâp joi saơ tâm nau vay aơ: Tơlah gâp ŭch ƀư nau ueh, nau mhĭk iang ta gâp.

I Kôrintô 9:27

Ƀiălah gâp nsrôih nsram đăp ma săk jăn gâp tâm nau dăng ngăn, nchâp păng ăn tông, klach lah jêh gâp nti lah ma bunuyh êng, ƀiălah Brah Ndu mƀăr lơi gâp nơm.

Galati 3:22

Ƀiălah Nau Brah Ndu Ngơi mbơh da dê lĕ ntil ndơ gŭ tâm dâng nau dơi ktang nau tih, gay ma nau chroh tâm Brah Yêsu Krist, nau ton dơi ăn ma phung chroh.

Galati 5:17

Yorlah nglay săk geh lĕ nau ŭch êng đah nau Brah Huêng Ueh, jêh ri Brah Huêng Ueh geh lĕ nau ŭch êng đah nglay săk; bar đah tâm rdâng kơt nây, pôri khân may mâu dơi ƀư nau khân may ŭch.

Kôlôh 1:28

Păng yơh jêng Nơm hên mbơh nkoch. Hên sŏk lĕ nau blau mĭn gay mbơh lor lĕ rngôch bunuyh, ntĭm nti lĕ rngôch bunuyh, gay mpơl lĕ rngôch bunuyh jêng rah vah ngăn tâm Brah Krist.

Kôlôh 4:12

Y-Êpapras, bunuyh ƀon ndrel khân may, du huê oh mon ma Yêsu Krist jô̆ khâl ma khân may; păng tâm lơh tâm nau mbơh sơm yor khân may; gay khân may plơ̆ jêng nŭm rĭng jêh ri ƀư lôch lĕ nau mĭn ŭch Brah Ndu.

ហេឞ្រើ 13:21

ăn ma khân may lĕ nau ueh gay tĭng nau Păng ŭch, jêh ri ƀư nau ueh nuih n'hâm Păng ma he tâm Brah Yêsu Krist. Ăn nau chrêk rmah jêng ndơ Păng n'ho ro ƀaƀơ! Amen.

Yakơ 1:26

Tơlah mbu moh mĭn păng nơm jêng bunuyh dơn nau chroh, mâu njrăng mpiăt păng nơm, ƀiălah ndơm êng nuih n'hâm păng nơm, pôri dơn nau chroh bunuyh nĕ jêng dơm dam.

Yakơ 1:4

Ƀiălah nau srôih ăn jêh nanê̆ kan păng, gay ma khân may yơh geh nau văch ma toyh, rah vah ngăn, mâu geh du ntil pưt ôh.

Yakơ 2:10

Yorlah mbu nơm djôt prăp lĕ rngôch nau vay, ƀiălah ƀư tih du ntil nau vay, jêng tâm ban ma bunuyh hŏ ƀư tih lĕ rngôch nau vay nây.

I Pêtrôs 3:10

Yorlah: “Mbu nơm ŭch rŏng ma nau rêh Jêh ri saơ lĕ nar ueh, Nkân hom mpiăt păng nơm bơh nau mhĭk, Jêh ri trôm mbung păng lơi ngơi nau ndơm;

I Pêtrôs 5:10

Jêh ri lah jêh khân may dơn nau rêh ni ƀât lât, Brah Ndu ma lĕ nau yô̆, Nơm kuăl jêh khân may tât nau chrêk rmah n'ho ro tă bơh Păng tâm Yêsu Krist, Păng nơm mra njêng tay, ƀư ktang, ndâk njêng jêh ri ăn nau dăng ktang ma khân may.