Yakơ 3:1 - Nau Brah Ndu Ngơi 2023

¹ Hơi phung oh nâu gâp, tâm phung khân may mâu dơi geh âk bunuyh ndâk êng kan nơm nti, yorlah khân may gĭt jêh yorlah jêng nơm nti, he mra dơn nau phat dôih ktang lơn.

Bunong Bible Latin Script Cambodian dialect

¹ Ơ oh nô ta nau nsing, ta phung khân ay may, ueh lah geh đê̆ dơm bunuyh jan nơm nti, yorlah khân ay may lĕ gĭt jêh, Kôranh Brah phat dôih hên i nơm nti jru rlau bu.

Bunong

¹ អើ​អ៝ស​នោ​តា​នាវ​ញឆីង តា​ផូង​ខាន់​អៃ​មៃ អ្វែស​លាស​គែស​ដេៈ​ទើម​ឞូនុយ្ស​ជាន​នើម​នតី យ៝រ​លាស​ខាន់​អៃ​មៃ​លែៈ​គឹត​ជេស កោរាញ​ឞ្រាស​ផាត​ទោយ្ស​ហេន​អី​នើម​នតី​ជ្រូ​រាលាវ​ឞូ។

Yakơ 3:1 Iomraidhean Croise

Kan Lêvi 10:3

Jêh nây Y-Môis lah ma Y-Arôn: “Aơ jêng nau Brah Yêhôva hŏ ntăm jêh: ‘Ta nklang phung văch dăch Gâp Gâp mra mpơl nau kloh ueh Gâp; Jêh ri tanăp lĕ rngôch bunuyh ƀon lan Gâp mra dơi tâm rnê.’” Y-Arôn gŭ rklăk.

Malachi 2:12

Mbu moh ƀư nau nây, mâu lah ma nơm gĭt vât dơi plơ̆ lah, mâu lah nơm djôt leo ndơ nhhơr ƀư brah ma Brah Yêhôva ma phung tahan, pôri Brah Yêhôva mra ƀư rai da dê khân păng tă bơh ngih bok phung Yakôb.

Mathay 10:24

Oh mon mâu rlau lơn nơm nti, oh mon mâu rlau lơn kôranh păng.

Mathay 23:13

Rêh ni ngăn ma khân may, phung kôranh nchih samƀŭt jêh ri phung Pharisi, jêng phung nuih n'hâm nklă! Yorlah khân may nchăng mpông ƀon ueh klơ trôk tanăp măt bu; khân may nơm mâu dơi lăp tâm ƀon nây ôh, ƀiălah khân may nơm buay mbu nơm ŭch lăp ta nây đŏng.

Mathay 9:11

Saơ pônây, phung Pharisi lah ma phung oh mon Brah Yêsu: “Mâm ƀư Kôranh khân may sông sa ndrel ma phung riu pi jêh ri phung tih?”

Luka 16:2

Yor ri, kôranh kuăl păng tât jêh ri lah: ‘Gâp tăng bu phong may moh nau nây! Mbơh nkoch rah vah hom nau may mât uănh, yorlah ntơm aƀaơ may mâu mra dơi mât ngih gâp ôh!’

Luka 6:37

Lơi phat dôih bu gay khân may mâu mra geh nau phat dôih. Lơi phong bu gay khân may mâu mra geh nau tâm rmal. Yô̆ an hom ri mơ khân may mra dơi yô̆ an.

Yôhan 3:10

Brah Yêsu plơ̆ lah: “May jêng kôranh nơm nti tâm phung Israel, mâm ƀư mâu gĭt rbăng lĕ nau nây?

Kôranh Oh Mon 13:1

Tâm Phung Ngih Brah Ndu ta ƀon Antiôs geh phung nơm mbơh lor jêh ri phung kôranh nơm nti: Y-Ƀarnaƀas, Y-Simêôn, ntơ amoh Y-Niger, Y-Lusius, bunuyh Siren, Y-Manahem jêng oh mât rong hađăch Hêrôt, jêh ri Y-Sôl.

I Kôrintô 12:28

Brah Ndu dơm hŏ dăp lor tâm Phung Ngih Brah Ndu: tal nguay jêng kôranh oh mon, rơh bar jêng nơm mbơh lor, rơh pe jêng kôranh nti, rĭ mơ tât bunuyh ƀư nau mbên khlay, jêh nây bunuyh dơi ƀư bah nau ji, phung dơi kơl bu, bunuyh mât uănh, bunuyh ngơi lĕ nau ngơi êng.

II Kôrintô 5:10

Yorlah lĕ rngôch he mra tâm mpơl tanăp ntŭk ngih phat dôih Brah Krist, gay ăp nơm sŏk dơn tĭng nâm nau ueh mâu lah nau mhĭk păng nơm ƀư jêh dôl hôm gŭ tâm săk jăn.

Êphêsô 4:11

Păng yơh ăn ma ƀaƀă phung jêng kôranh oh mon, ƀaƀă phung jêng nơm mbơh lor, ƀaƀă phung êng jêng ma nơm mbơh nkoch Nau Mhe Mhan Ueh, ƀaƀă phung êng êng đŏng jêng nơm nti jêh ri kôranh nti,

I Timôthê 1:7

khân păng ŭch jêng nơm nti nau vay, ƀiălah mâu gĭt rbăng ôh nau khân păng lah mâu lah nau khân păng ƀư nanê̆.

I Timôthê 2:7

Yorlah nau mbơh nây, gâp geh nau săch jêng nơm mbơh nkoch jêh ri kôranh oh mon (gâp ngơi ngăn, mâu ngơi mƀruh ôh), jêng kôranh nơm nti ma phung bu năch, gay nti khân păng ma nau chroh jêh ri nau ngăn.

II Timôthê 1:11

Yorlah Nau Mhe Mhan Ueh aơ yơh, gâp geh nau săch jêng bunuyh mbơh nkoch, kôranh oh mon jêh ri kôranh nti;

ហេឞ្រើ 13:17

Tông hom ma phung kôranh chiă uănh khân may jêh ri blau tông ma khân păng, yorlah khân păng mât mray huêng khân may nâm bu ăn phung mra mbơh nkoch rah vah. Kơl hom ma khân păng geh nau maak gay ƀư lôch nau kan jêh ri mâu geh nau njang bâr, yorlah nau nây mâu ăn ueh ôh ma khân may.

Yakơ 1:16

Hơi phung oh nâu gâp rŏng, lơi ăn bu ndơm mƀruh ma khân may:

Yakơ 1:19

Hơi phung oh nâu gâp rŏng, khân may gĭt jêh nau aơ: Ăn lĕ rngôch bunuyh gơnh tâm iăt, ƀât ngăch ngơi, ngăch ji nuih ôh;

Yakơ 3:10

Tă bơh trôm mbung lĕ luh nau mprơ mât ton nđâp ma nau rak rtăp lĕ ƀơh? Ơ oh nâu gâp, lơi ƀư pônây ôh.

I Pêtrôs 5:3

mâu dŏng nau dơi chiă uănh bu jao jêh ma khân may nơm, ƀiălah ƀư leo trong ueh ma phung biăp.