Yakơ 1:8 - Nau Brah Ndu Ngơi 2023

⁸ yorlah nây jêng du huê bunuyh geh nuih n'hâm bar, mâu geh nâp ôh tâm lĕ trong păng.

Bunong Bible Latin Script Cambodian dialect

⁸ yorlah geh nuih n'hâm bar, mâu geh nâp ôh ta dâng lĕ ndơ i păng jan păng mân.

Bunong

⁸ យ៝រ​លាស​គែស​នូយ្ស​នហ៝ម់​ឞារ មោ​គែស​ន៝ប់​អោស​តា​ទឹង​លែៈ​នទើ​អី​ពាង់​ជាន​ពាង់​មឹន។

Yakơ 1:8 Iomraidhean Croise

I Phung Hađăch 18:21

Y-Êli văch tât lor panăp phung ƀon lan jêh ri lah: “Khân may tâm nchrĭng hăn bar mbor kŏ tât ndah jŏ? Tơlah Brah Yêhôva jêng Brah Ndu, tĭng ndô̆ hom Păng; bi tơlah Baal jêng Brah Ndu, tĭng ndô̆ hom păng rĭ.” Ƀiălah phung ƀon lan mâu ngơi.

II Phung Hađăch 17:33

Phung mpôl băl bunuyh nây klach yơk ma Brah Yêhôva, ƀiălah pah kan ma brah êng khân păng nơm tâm ban lĕ, tĭng nâm nau vay ơm phung mpôl băl bunuyh êlor khân păng ƀư dĭk bu.

II Phung Hađăch 17:41

Pônây, phung ntil mpôl bunuyh aơ klach yơk ma Brah Yêhôva, jêh ri tâm ban lĕ khân păng yơk mbah ma lĕ rup brah khân păng trah jêh. Mâm nau phung chô yau khân păng ƀư, pôri phung kon sau khân păng ăt ƀư tâm ban pônây lĕ tât ma nar aơ.

Nau Mprơ Ơm 119:113

Gâp tâm rmot ma phung geh nuih n'hâm tâm pă bar, Ƀiălah gâp rŏng kơnh ma nau vay May.

Êsai 29:13

Kôranh Brah lah: “Yorlah phung ƀon lan aơ knŏng sŏk trôm mbung văch êp Gâp, Sŏk mpiăt tâm rnê Gâp, Ƀiălah nuih n'hâm khân păng ngai đah Gâp; Nau khân păng klach yơk ma Gâp knŏng jêng nau vay bunuyh ntăm dơm, Yor bunuyh ntĭm nti.

Ndrom Samƀŭt bơh Ôsê 10:2

Nuih n'hâm khân păng pă bar; Aƀaơ khân păng mra geh nau tih jêh. Kôranh Brah mra ƀư rai lơi nơng ƀư brah, Jêh ri ƀư rai n'gâng ƀư brah khân păng.

Mathay 6:22

“Măt jêng kađen ma săk jăn. Tơlah măt may ueh lĕ săk jăn may mra bêng nau ang,

Mathay 6:24

“Mâu geh mbu nơm dơi pah kan ma bar hê kôranh; yorlah mra tâm rmot ma kôranh aơ jêh ri rŏng ma kôranh ri, mâu lah yơk ma kôranh aơ jêh ri mưch ma kôranh êng. Khân may mâu dơi ôh pah kan ƀă ma Brah Ndu jêh ri pah kan ƀă ma prăk ndô ndơ ôh.

Yakơ 1:7

Bunuyh kơt nĕ lơi ntôn lah păng nơm mra sŏk dơn du ntil ndơ bơh Kôranh Brah ôh,

Yakơ 4:8

Văch dăch hom ma Brah Ndu ri mơ Păng mra văch dăch ma khân may. Hơi phung tih, rao kloh hom ti khân may; hơi phung geh bar nuih n'hâm, ƀư kloh hom nuih n'hâm khân may;

II Pêtrôs 2:14

bar măt khân păng prăp bêng ma nau mĭn văng tĭr, ƀư tih mâu blau dĭl ôh. Khân păng ndơm phung mâu nâp; nau mĭn nuih n'hâm khân păng mơng kơnh rlau ir. Khân păng jêng phung kon khư ma nau rtăp rak!

II Pêtrôs 3:16

Tâm lĕ rngôch samƀŭt, păng ngơi ma lĕ nau aơ. Lĕ samƀŭt păng nchih geh ƀaƀă nau jêr gĭt rbăng, jêh ri phung rluk jêh ri mâu nâp hŏ nsak nkhăng, tâm ban ma khân păng ƀư jêh ma lĕ ntŭk êng tâm Nau Brah Ndu Ngơi, gay sŏk dơn nau ƀư rai ma khân păng nơm.