Yakơ 1:5 - Nau Brah Ndu Ngơi 2023

⁵ Tơlah mbu nơm tâm phung khân may pưt nau blau mĭn, vơh vơl hom ma Brah Ndu, Păng mra ăn ro, yorlah Brah Ndu jêng Nơm ăn ma lĕ rngôch bunuyh ma nuih n'hâm lŏng, mâu geh nau nduyh ôh.

Bunong Bible Latin Script Cambodian dialect

⁵ Ta phung khân ay may, bu moh i mâu lăng geh nau mân gĭt blao, ăn dăn hŏm ma Kôranh Brah, Păng mra ăn ro, yorlah Păng i ăn ma dâng lĕ bunuyh ma nuih n'hâm lŏng, Păng mâu ôh nduih yor ma dăn,

Bunong

⁵ តា​ផូង​ខាន់​អៃ​មៃ ឞូ​ម៝ស​អី​មោ​លាង់​គែស​នាវ​មឹន​គឹត​ឞ្លាវ អ៝ន់​ទាន់​ហ៝ម់​មា​កោរាញ​ឞ្រាស ពាង់​មរា​អ៝ន់​រ៝ យ៝រ​លាស​ពាង់​អី​អ៝ន់​មា​ទឹង​លែៈ​ឞូនុយ្ស​មា​នូយ្ស​នហ៝ម់​ល៝ង់ ពាង់​មោ​អោស​នទុយ្ស​យ៝រ​មា​ទាន់‌

Yakơ 1:5 Iomraidhean Croise

I Nau Rêh Jêng 22:12

Dăn ma Brah Yêhôva ăn ma may nau gĭt mĭn jêh ri nau gĭt rbăng gay may chiă uănh phung Israel jêh ri djôt prăp nau vay Yêhôva Brah Ndu may.

II Nau Rêh Jêng 1:10

Pônây, dăn Kôranh Brah ăn ma gâp nau blau mĭn jêh ri nau gĭt rbăng, gay gâp dơi luh lăp tanăp phung ƀon lan aơ. Yorlah mbu nơm geh tŏng nau dơi chiă uănh phung ƀon lan Kôranh Brah, du phung ƀon lan toyh dŭt âk râk ngăn?”

Nau Mprơ Ơm 51:6

Aơ, May ŭch nau nanê̆ ngăn tâm nuih n'hâm; May mra nti gâp ma nau blau mĭn ta ntŭk jru ndâp tâm nuih n'hâm gâp.

Nau Ngluh Êjipt 31:3

Gâp hŏ ăn jêh ma păng bêng ler jêh ma Huêng Brah Ndu nđâp ma nau blau ti, nau gĭt mĭn jêh ri nau gĭt rbăng tâm lĕ nau kan ƀư ma ti

Nau Ngluh Êjipt 31:6

Aơ, Gâp hŏ săch ma păng du huê nơm kơl kan amoh Y-Ôhôliap, kon bu klâu Y-Ahisamak, bơh ndŭl mpôl Dan. Gâp hŏ đŏng nau blau mĭn ma lĕ phung blau ti gay ma khân păng dơi ƀư lĕ kan Gâp hŏ ntĭm nti jêh ma may,

Nau Hôr 8:17

Gâp rŏng ma phung rŏng ma gâp, Phung tĭng joi gâp ma lĕ nuih n'hâm mra mâp gâp.

Mathay 11:20

Yorlah tâm phung ƀon Brah Yêsu hŏ ƀư jêh âk nau khlay, jêh ri khân păng mâu rmal ôh nau tih khân păng, pôri Brah Yêsu ntơm nduyh ma khân păng pô aơ:

Markôs 16:14

Jêh nây, Păng tâm mpơl ma jât ma nguay oh mon dôl khân păng gŭ sông sa. Păng nduyh ma khân păng nau khân păng mâu chroh jêh ri dăng nuih n'hâm, yor khân păng mâu chroh ma phung lĕ saơ jêh Păng dâk rêh tay.

Yôhan 14:13

Moh ndơ khân may dăn tâm amoh Gâp, Gâp mra ƀư, gay ma Mbơ̆ dơi geh nau tâm rnê tâm Kon.

Yôhan 15:7

Lah khân may gŭ tâm Gâp jêh ri nau Gâp ngơi gŭ tâm khân may, dăn hom moh ndơ khân may ŭch, khân may mra geh nau nây.

Yôhan 4:10

Brah Yêsu plơ̆ lah: “Tơlah ay gĭt ndơ Brah Ndu ăn, jêh ri Păng dôl ngơi đah ay: ‘Ăn Gâp dăn nhêt dak’ jêng mbu nơm pôri n'hêl nanê̆ ay mra vơl dăn ma Păng, jêh ri Păng mra ăn dak rêh ma ay.”

II Kôrintô 2:16

Ma phung bunuyh geh nau rai yot, hên jêng ndơ ƀâu nau khĭt, njŭn leo tât nau khĭt; ma phung bunuyh geh nau tâm rklaih, hên jêng ƀâu nau rêh, njŭn leo tât nau rêh. Mbu nơm jêng bunuyh dơi ƀư lĕ nau aơ?

Yakơ 1:17

Lĕ rngôch yô̆ ueh jêh ri lĕ ndơ ăn dŭt ueh ngăn tât bơh klơ trôk, jŭr tă bơh Mbơ̆ nau ang; tâm Păng mâu geh nau rgâl ôh, mâu lĕ geh gui nau rgâl.

Yakơ 3:17

Ƀiălah nau blau mĭn tă bơh klơ trôk, lor lơn jêng kloh, jêh nây đăp mpăn, rdơ̆ rbăn, nuih n'hâm blau iăt nau bu, nuih n'hâm bêng ma nau yô̆ jêh ri kao play ueh, mâu geh nau ngơi bar mâu lah mƀruh ndơm ôh.

Yakơ 5:16

Pôri, mbơh hom nau tih ndrăng nơm jêh ri tâm mbơh sơm ndrăng nơm gay ma khân may geh nau bah. Nau bunuyh sŏng srăng mbơh sơm, geh nau brah jêh ri geh nau tam ngăn.

I Yôhan 3:22

jêh ri moh ndơ he dăn, he sŏk dơn da dê, yor he tông prăp ma lĕ nau vay Păng ntăm jêh ri ƀư nau maak ma Păng.