Yakơ 1:25 - Nau Brah Ndu Ngơi 2023

²⁵ Ƀiălah mbu nơm sek uănh nanê̆ nau vay di ngăn nây, jêng nau vay djôt leo nau jêng kon me, jêh ri nuih n'hâm srôih sek uănh, mâu di knŏng tăng jêh ri chuêl lơi, ƀiălah păng ƀư tĭng nâm nau nây, bunuyh nĕ mra geh nau ueh maak ngăn tâm kan păng nơm.

Bunong Bible Latin Script Cambodian dialect

²⁵ Nau vay Kôranh Brah dŭt ueh ngăn, jêng nau vay i ăn bunuyh jêng kon me tâm ban ma ƀơk bơh nau jan dâk bu. Bu moh i dơn iăt ma tôr dơm, jêh ri chuêl, mâu ôh geh nau ueh maak, yơn ma bu moh i mân ma nau vay i nây, jêh ri nsrôyh jan tâng kơt, păng i nây geh nau ueh maak ngăn ma dâng lĕ ndơ păng jan.

Bunong

²⁵ នាវ​វៃ​កោរាញ​ឞ្រាស​ទុត​អ្វែស​ងាន់ ជេង​នាវ​វៃ​អី​អ៝ន់​ឞូនុយ្ស​ជេង​ក៝ន​មែ​តឹម​ឞាន​មា​បើក​ឞើស​នាវ​ជាន​ទឹក​ឞូ។ ឞូ​ម៝ស​អី​ទើន​អ្យាត់​មា​តោរ​ទើម ជេសរី​ច្វេល មោ​អោស​គែស​នាវ​អ្វែស​មអាក យើន​មា​ឞូ​ម៝ស​អី​មឹន​មា​នាវ​វៃ​អី​នៃ ជេសរី​ញឆ្រោយ្ស​ជាន​តឹង​កើត ពាង់​អី​នៃ​គែស​នាវ​អ្វែស​មអាក​ងាន់​មា​ទឹង​លែៈ​នទើ​ពាង់​ជាន។

Yakơ 1:25 Iomraidhean Croise

Nau Mprơ Ơm 106:3

Ueh maak yơh mbu nơm djôt prăp nau di Jêh ri ƀư ƀaƀơ nau sŏng srăng!

Nau Mprơ Ơm 119:32

Dôl May pơk huy nuih n'hâm gâp, Gâp mra nchuăt tâm trong nau vay May ntăm.

Nau Mprơ Ơm 119:45

Gâp mra hăn ma nau đăp mpăn, Yorlah gâp hŏ tĭng joi nau vay May ntăm.

Nau Hôr 14:15

Bunuyh hôm e rluk rnơm lĕ rngôch ntil nau, Ƀiălah bunuyh blau njrăng sek uănh nanê̆ lĕ trong păng hăn.

Êsai 8:20

Hăn tĭng hom nau vay jêh ri nau mbơh! Tơlah khân păng mâu ngơi tâm ban pônây, n'hêl nanê̆ mâu mra geh nau ƀhit rvi ang ma khân păng ôh.

Luka 11:28

Ƀiălah Păng lah: “Phung iăt jêh ri djôt prăp nau Brah Ndu ngơi geh ueh lăng rlau lơn!”

Yôhan 13:17

Lah khân may gĭt lĕ nau nây jêh ri ƀư tĭng nau nây, khân may geh nau ueh maak ngăn.

Yôhan 8:36

Kơt nây, Lah Kon Bunuyh ăn khân may jêng kon me khân may mra jêng kon me nanê̆ ngăn.

Kôranh Oh Mon 13:43

Tơlah lôch nau tâm rƀŭn, geh âk phung Yuđa jêh ri phung bu năch tĭng nau phung Yuđa chroh hăn tĭng Y-Pôl jêh ri Y-Ƀarnaƀas. Bar hê khân păng nkoch bri jêh ri n'hao nuih n'hâm khân păng gŭ nâp tâm nau yô̆ Brah Ndu.

Kôranh Oh Mon 2:42

Phung chroh nsrôih djôt prăp nau phung kôranh oh mon nti, nau tâm rnglăp ndrăng oh nâu, rƀŭn nkê̆ch piăng let, jêh ri nau mbơh sơm.

Kôranh Oh Mon 26:22

Ƀiălah Brah Ndu king n'gang gâp kŏ tât ta nar aơ, jêh ri pôri, gâp dâk ta aơ mbơh nkoch ma bunuyh jê̆ jêh ri bunuyh toyh, Gâp mâu ngơi moh nau êng rlau lơn jêng nau kôranh nơm mbơh lor jêh ri Y-Môis mbơh lor hŏ geh tât jêh:

Samƀŭt Pôl Njuăl Ăn Ma Phung Nsing Ta Ƀon Rôm 11:22

Ăn may uănh hom nau ueh jêh ri nau dăng ngăn Brah Ndu: Nau dăng ngăn ma mbu nơm tŭp jêh, ƀiălah nau ueh ma may, knŏng tơlah may gŭ nâp mro tâm nau ueh Păng; tơlah mâu, Păng ăt mra koh chalơi may đŏng.

Samƀŭt Pôl Njuăl Ăn Ma Phung Nsing Ta Ƀon Rôm 2:13

Yorlah mâu di bunuyh iăt rŏ nau vay dơi kơp jêng sŏng srăng tanăp Brah Ndu, ƀiălah bunuyh ƀư tĭng nau vay jêng bunuyh dơi kơp sŏng srăng.

Samƀŭt Pôl Njuăl Ăn Ma Phung Nsing Ta Ƀon Rôm 7:12

Pôri, nau vay jêng kloh, nau vay ntăm ăt jêng kloh, sŏng srăng, jêh ri ueh.

Samƀŭt Pôl Njuăl Ăn Ma Phung Nsing Ta Ƀon Rôm 8:15

N'hêl nanê̆ ngăn, khân may mâu sŏk dơn huêng jêng dĭk gay gŭ mro tâm nau klach, ƀiălah khân may sŏk dơn jêh huêng jêng kon mât rong, jêh ri tă bơh nĕ, he kuăl pô aơ: “Aƀa! Mbơ̆!”

Samƀŭt Pôl Njuăl Ăn Ma Phung Nsing Ta Ƀon Rôm 8:2

yorlah nau vay Brah Huêng Ueh nau rêh tâm Brah Yêsu Krist tâm rklaih jêh gâp bơh nau vay nau tih jêh ri nau khĭt.

I Kôrintô 15:58

Pôri, hơi phung oh nâu gâp rŏng ngăn ngên, gŭ nâp hom, lơi mpât n'gơ, ƀư hom âk rmeh nau kan ma Kôranh Brah, dôl khân may gĭt kan khân may pah mâu mra jêng dơm dam ôh tâm Kôranh Brah.

II Kôrintô 13:5

Rlong uănh ôp sek hom khân may nơm gay uănh gĭt khân may hôm gŭ tâm nau chroh mâu lah mâu! Rlong uănh hom khân may nơm. Khân may mâu gĭt hĕ ma Brah Yêsu Krist gŭ tâm khân may? Klach lah khân may mâu tât keh tâm nal.

Galati 2:4

Hên hŏ ƀư tâm ban lĕ yorlah geh ƀaƀă phung nklă jêng oh nâu, khân păng mŭt ntŭng tâm nklang hên, kâp uănh nau kon me hên geh jêh tâm Brah Yêsu Krist gay nhŭp hên ƀư dĭk.

Galati 5:1

Brah Krist hŏ tâm rklaih jêh gay he geh nau kon me. Pôri dâk nâp hom, lơi dơm khân may nơm tâm dâng mbăk jêng dĭk du tơ̆ tay đŏng.

Galati 6:2

Kơl tâm anh hom nau jâk jêr ndrăng khân may; khân may mra ƀư lôch nau vay Brah Krist.

Kôlôh 1:23

knŏng ma khân may nau gŭ nâp tay tâm nau chroh, mâu rdja nuih ôh, mâu trơn chalơi bơh nau kâp gân Nau Mhe Mhan Ueh khân may tăng jêh, jêng Nau Mhe Mhan Ueh hŏ mbơh nkoch jêh ma lĕ rngôch bunuyh tâm dâng trôk; jêh ri gâp, Y-Pôl, hŏ jêng bunuyh pah kan ma Nau Mhe Mhan Ueh nây.

I Timôthê 2:15

Nđâp lah pônây, phung bu ur mra geh nau rklaih tâm nôk deh kon, tơlah khân păng gŭ rêh sŏng tâm nau chroh, tâm nau rŏng, jêh ri tâm nau kloh ueh.

I Timôthê 4:16

Njrăng hom ma may nơm jêh ri ma nau may nti lah; srôih tâm lĕ rngôch nau nây, yorlah ƀư tâm ban pônây, may nơm jêh ri phung gŭ iăt may geh nau rklaih da dê.

ហេឞ្រើ 12:15

Njrăng hom klach lah khân may roh nau Brah Ndu yô̆, klach lah geh reh tăng hon, ƀư nau uh ah jêh ri ƀư ƀơ̆ ƀơch ma âk bunuyh tâm khân may.

Yakơ 2:12

Pôri khân may ngơi hom jêh ri ƀư hom nâm bu phung bunuyh bu mra phat dôih tĭng nâm ma nau vay bơh nau kon me.

I Pêtrôs 2:16

Jêng oh mon Brah Ndu, khân may gŭ rêh hom tâm ban ma phung bunuyh kon me, ƀiălah mâu dŏng ôh nau kon me khân may nơm ƀư bok nkŭm nau djơh mhĭk.

I Yôhan 2:24

Mpeh khân may, djôt prăp hom nau khân may tăng jêh ntơm bơh saơm gŭ tâm khân may. Tơlah nau khân may tăng jêh ntơm bơh saơm gŭ tâm khân may ƀaƀơ, khân may mra gŭ tâm Kon jêh ri tâm Mbơ̆.

Nau Tâm Mpơl 14:13

Gâp tăng nteh tă bơh trôk ngơi pô aơ: “Nchih hom: Ntơm aƀaơ tât kăndơ̆, ueh maak yơh phung bunuyh khĭt jêng khĭt tâm Kôranh Brah!” Brah Huêng Ueh lah: “N'hêl nanê̆ ngăn, khân păng mra gŭ rlu bơh lĕ hŏt rgănh khân păng nơm jêh ri lĕ kan khân păng tĭng groi khân păng.”

Nau Tâm Mpơl 22:14

Ueh maak yơh phung pih ao khân păng nơm gay geh nau dơi văch ta ntŭk tơm si nau rêh, jêh ri dơi lăp tâm ƀon ta lĕ mpông.

I Samuel 12:14

Tơlah khân may klach yơk ma Brah Yêhôva, pah kan ma Păng, iăt tông tĭng nau Păng ngơi, mâu tâm rdâng ôh lĕ nau vay Păng ntăm, tơlah khân may jêh ri hađăch chiă uănh khân may, tông bâr ma Brah Ndu khân may, pôri jêng ueh ngăn ma khân may.