Yakơ 1:10 - Nau Brah Ndu Ngơi 2023

¹⁰ Ƀiălah bunuyh ndrŏng tâm rnê hom ma ntŭk dêh rhêt păng nơm, yorlah păng mra rlau lôch nâm bu kao gơ̆.

Bunong Bible Latin Script Cambodian dialect

¹⁰ Oh nô ta nau nsing i ndrŏng ăn khân ay may răm maak tâm ban đŏng, lah khân ay may gĭt vât drăp ndơ i khân ay may lĕ geh, mâu ôh geh nau khlay ta Kôranh Brah, yorlah khân ay may mra roh tâm ban ma kao si bri đŏng.

Bunong

¹⁰ អ៝ស​នោ​តា​នាវ​ញឆីង​អី​នទ្រ៝ង់​អ៝ន់​ខាន់​អៃ​មៃ​រាម់​មអាក​តឹម​ឞាន​ដ៝ង់ លាស​ខាន់​អៃ​មៃ​គឹត​វ៝ត់​ទ្រាប់​នទើ​អី​ខាន់​អៃ​មៃ​លែៈ​គែស មោ​អោស​គែស​នាវ​ខ្លៃ​តា​កោរាញ​ឞ្រាស យ៝រ​លាស​ខាន់​អៃ​មៃ​មរា​រ៝ស​តឹម​ឞាន​មា​កាវ​ឆី​ឞ្រី​ដ៝ង់។

Yakơ 1:10 Iomraidhean Croise

Ndrom Samƀŭt bơh Yôp 14:2

Nâm bu kao ơm ôi dang mhaơ huănh, Kon bunuyh ƀât lât nâm bu gui, mâu gŭ jŏ.

Nau Mprơ Ơm 102:11

Nar khay ngăch rlau nâm bu gui dăch roh, Nau rêh kro nâm bu kao gơ̆.

Nau Mprơ Ơm 103:15

Nau rêh kon bunuyh tâm ban ma gơ̆, Tâm ban ma gơ̆ kao dang kao tâm ndrêch;

Nau Mprơ Ơm 37:2

Yorlah mâu jŏ ôh bu mra rek khân păng nâm bu gơ̆, Jêh ri mra klêu tâm ban ma gơ̆ nse.

Nau Mprơ Ơm 39:6

N'hêl nanê̆ ăp nơm chuat hăn tâm ban ma gui. Ăp nơm ndil ndal dơm dam da dê; Bu bun drăp ndơ ƀiălah mâu gĭt mbu mra sŏk lơi.

Êsai 40:6

Geh bâr lah: “Nter hom!” Jêh ri geh nter plơ̆ lah: “Moh nau gâp mra nter?” “Lĕ rngôch bunuyh jêng tâm ban ma gơ̆, Lĕ rngôch nau ueh păng jêng tâm ban ma kao gơ̆ tâm mir.

Êsai 40:7

Gơ̆ kro, kao rŭng, Yorlah n'hâm Brah Yêhôva khôm ta klơ păng. Nanê̆, kon bunuyh knŏng jêng gơ̆:

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Êsai 66:2

Ti Gâp rhăk njêng jêh lĕ rngôch ndô ndơ aơ, Jêh ri lĕ rngôch ndơ nây jêng jêh.” Brah Yêhôva lah pônây. “Aơ jêng bunuyh Gâp uănh, Jêng nơm dêh rhêt jêh ri geh huêng rngot ma nau tih, Nơm klach râm nsâr ma nau Gâp ngơi.

Mathay 5:3

“Ueh maak ngăn ma phung o ach tâm huêng nuih n'hâm, Yorlah ƀon bri hađăch klơ trôk prăp ăn ma khân păng!

Mathay 6:30

Pôri, hơi phung bunuyh geh djê̆ nau chroh, tơlah kao gơ̆ tâm mir, nar aơ hôm rêh, ôi taơ bu mra mƀăr păng tâm ŭnh năk, ƀiălah Brah Ndu hôm ăn păng nsoh ueh kơt nĕ, rlau lơn ma khân may?

I Kôrintô 7:31

phung bunuyh dôl tâm krêp đah neh ntu aơ, gŭ rêh hom tâm ban ma mâu tâm krêp ôh, yorlah rup neh ntu aơ mra rlau lôch.

Philip 3:8

Rlau ma nây, gâp uănh đŏng lĕ ntil ndơ tâm ban ma nau roh rai, yor nau gĭt năl Brah Yêsu Krist, Kôranh Brah gâp, jêng khlay lơn. Yor Păng, gâp dơn nau roh rai ma lĕ rngôch, jêh ri uănh lĕ nau nây nâm bu ndŏk, gay geh Brah Krist,

I Timôthê 6:17

Nti nkah hom ma phung ndrŏng gŭ tâm neh ntu aơ lơi sưr rlau jêh ri lơi dơm nau kâp gân ma drăp ndơ mâu nanê̆, ƀiălah dơm hom nau kâp gân tâm Brah Ndu, jêng Nơm ăp nar ăn ma lĕ rngôch ndô ndơ tâm nau rmeh ler gay ma he maak sŏk dơn.

Yakơ 4:14

Ƀiălah khân may mâu gĭt ôh moh nau mra tât ma nar ôi taơ, moh nau rêh khân may jêng? Yorlah khân may jêng knŏng nâm bu n'hôl dak, tâm mpơl tâm ƀât lât jêh ri roh hêng.

I Pêtrôs 1:24

Yorlah, “Lĕ rngôch nglay săk nâm bu gơ̆, Jêh ri lĕ rngôch nau chrêk rmah păng nâm bu kao gơ̆. Gơ̆ kro, kao rŭng,

I Yôhan 2:17

Neh ntu jêh ri nau păng kơnh ŭch rlau lôch, ƀiălah mbu nơm ƀư tĭng nau mĭn Brah Ndu ŭch mra hôm e n'ho ro.